Jeremi 33:8 - Gourmanchéma Bible

⁸ N baa ŋuudi ki ŋanbi ba Leni ban den tieni yaa *tuonbiadi kuli ki tudi npo. N baa tieni bipo sugili leni ban den tudi npo Ki tieni yaa tuonbiadi leni ban den fii npo leni yaa yiema.

U TIENU MAAMA TILI 2013

⁸ N baa ŋuudi ki ŋanbi ba leni ban den tieni yaa tuonbiadi kuli, ki tudi n po. N baa tieni bi po sugili leni ban den tudi n po, ki tieni yaa tuonbiadi leni ban den fii n po leni yaa yiema.

Jeremi 33:8 ပူးပေါင်းရင်းမြစ်များ

Pisomi 130:4

Ama sugili ye fini yaa kani. Lani n teni ke li pundi ban fangi a.

Pisomi 130:8

Wani n baa faabi Isalele Leni o tagili kuli.

Pisomi 51:2

Li maadi o sawalipualo Natan n den gedi ki laa Dafidi, wan den conbi leni Bati-Seba yaa yogunu.

Pisomi 65:3

Nani ŋan cengi i jaandi maama po, Bi nisaaliba kuli baa cua a kani.

Esayi 4:2

Laa daali Li Miali Diedo baa teni li benkpeli n toa Ki tua pagidi leni kpiagidi, Mi diema bonluonkaala mo n tua jigidi leni ŋamu, Isalele yaaba, yaaba n ciadi po.

Esayi 44:22

N bolini yi tagili nani ku tawaligu yeni Ki bolini yi *tuonbiadi mo nani ku gbangbadigu yeni. Goa ki cua mani n kani Kelima n den da ki faabi yi.

Esayi 56:7

N baa yini bani n joagagidikaali po. N baa mangi bi pala n diegu nni, ban jaandi nni naani. N baa tuo ki ga bi padijuukaana leni bi pada kuli N *padibinbinli po. Kelima n Diegu baa yaa yi i jaandi Diegu yo I nibuoli kuli po.

Jeremi 31:34

Oba kan go bangi o yua. Oba kan go yedi o kpiilo: ‹Bandi mani Li Miali Diedo!› Kelima bikuli baa yaa bani nni, Ki cili yua n wa bi siiga ki ban taani o nikpelo, Li Miali Diedo n yedi yeni. N baa tieni sugili bi tagili po. N kan go tiadi bi tuonbiadi po.»

Jeremi 50:20

Laa dana nni, Li Miali Diedo yedi: «Bi baa lingi Isalele tagili, Ama bi kan go le i. Juda tuonbiadi mo, bi kan le ti, Kelima min sieni yaaba, n baa tieni bipo sugili.

Jeremi Bubula 4:22

Fini Siyono dogu badisalo A tagili gbeni. O kan go gedini a ti yonbidi. Edomi diema badisalo, o baa waani a tagili fala. O baa doagidi a tuonbiadi kuli.

Esekieli 36:25

N baa mii yipo yaa ñima n ŋani cain, ke yin ŋuudi ki ŋanbi. N baa ŋuudi ki ŋanbi yi leni yi joagindi, leni yi buli kuli po.

Esekieli 36:33

Mini o Diedo, Li Miali Diedo yedi mine: ‹Min baa ŋuudi ki ñani yi tagili yaa daali, n baa goa ki gbieni yi dogi leni bi niba, ban go goa ki maa a diegbenbuona nni.

Levi 16:30

Kelima li tie laa daali ke bi baa mia yipo sugili ki ŋanbi yi. Yi baa baa mi ŋuudima yi tuonbiadi kuli po, ki yaa ŋani Li Miali Diedo nintuali.

Sakari 13:1

Li Miali Diedo, U Paaciamu Kuli Daano yedi: «Laa daali, Li ñinbunli baa pudi, Ki yaa ŋuudi ki ñandi Dafidi puoliŋuani Leni Jelusalema yaaba *tuonbiadi leni bi joagindi.

Mi Doagidima 1:5

leni Jesu Kilisiti yua n tie o siedi-dugika leni o nikpialo yua n kpa fii bi tinkpiba siiga, leni ŋanduna badiba kuli bado, n pa yi li *ŋanbili leni mi yanduanma! Wani yua n bua ti ki den faabi ti leni ti *tuonbiadi kelima o soama yaa po,