Jeremi 33:7 - Gourmanchéma Bible

⁷ N baa teni Juda leni Isalele niba yaaba n ye ti yonbidi N guani, min goa ki kaani ba nani kpiama yeni.

U TIENU MAAMA TILI 2013

⁷ N baa teni Juda leni Isidayeli niba yaaba n ye ti yonbidi n guani, min kaani ba nani kpiama yeni.

Jeremi 33:7 ပူးပေါင်းရင်းမြစ်များ

Pisomi 126:1

Ban caa Jelusalema ki yiini yaa yanbu. Li Miali Diedo n den ñani Siyono yaaba ti yonbidi Ki kpeni nni ba, li den tie tipo nani ti dangidi yene.

Pisomi 126:4

Li Miali Diedo, ñani ti niba li yonbifuali ki guani ba Nani yaa kpeni n kuodi n yen goa ki baa mi ñima maama yeni.

Pisomi 14:7

Ŋme n baa cuani mi *faabima Siyono nni Isalele yaaba po? Li Miali Diedo yaa ti ñani o niba ti yonbidi nni yaa yogunu, Jakobo puoliŋuani baa yaa ye leni li pamancianli, Bani Isalele yaaba yeni!

Pisomi 85:1

Bi yanyanba yudaano yani siiga yanbu. Kole buolu yaaba yanbu.

Esayi 1:26

N baa teni a bujiaba n tua nani kpiama yaaba yeni, Ki teni a tundikaaba mo n go tua nani ban den kpa tie maama. Lani yaa puoli bi baa fidi ki yini a: ‹Mi teginma dogu Ti dugidi dogu.› »

Esayi 52:8

Li tie a doguudiba yaa nialu, Bi kpedi bi nialu Bi taani ki yigini kelima bi paadi po, Kelima bi laa leni bi nuni, Ke Li Miali Diedo lebidi ki guani Siyono.

Jeremi 23:3

N baa taani n niba yaaba n sieni Min deli ba yaa dogi nni kuli N baa guani ba li yanloli nni. Bi baa maa ki go pugini hali boncianla.

Jeremi 24:6

N baa diidi ba leni ki nunmanga ki go teni ban guani mi naa diema nni. N baa maa ba, n kan mudi ba. N baa ŋuu ba. N kan ŋabi ba hali abada.

Jeremi 29:14

N baa teni yin le nni. Li Miali Diedo n yedi yeni. N baa teni yi yonbi n goa ki kpeni. N baa ñani yi min den gedini yi ti yonbidi yaa diema nni leni yin den yayadi ki ye yaa nibuolu leni yaa kaani kuli nni. N baa taani yi ki go kpenni yi min den deli ki ñani yi naani. Li Miali n yedi yeni.»

Jeremi 30:18

Li Miali Diedo maadi nanda: «N goa ki kpenni Jakobo puoliŋuani yaaba n den ye ti yonbidi N juogi a diedi yaaba. Bi baa goa ki maa u dogu a diegbenbuokpela nni. Ki maa badidiegu ku kaankpelu nni.

Jeremi 30:20

O bijaba baa goa ki tua nani kpiama yeni O niba kuli baa yaa se n nintuali N baa fii ki sedi yaaba n wangi a fala kuli po.

Jeremi 30:3

Diidi a dana kpendi, mini Li Miali Diedo n yedi ke n baa teni n niba Isalele yaaba leni Juda yaaba, yaaba n den ye ti yonbidi yeni n guani min den puni bi baanba yaa diema nni ban goa ki diedi ma yeni nni.»

Jeremi 31:28

Nani min den ŋabi ba, ki pua ki luni ba, ki bolini ba, ki ku ba, ki go tieni ba yaala n bia maama yeni, moko n baa fiini ba ki ŋanbi bi yema yene. Li Miali Diedo n yedi yeni.

Jeremi 31:38

Li Miali Diedo yedi: «Diidi a dana kpendi ke bi baa goa ki maa Jelusalema dogu mini Li Miali Diedo po, ki cili Ananeeli diefoagili kani ki yaa caa hali mi logidima buliñoabu.

Jeremi 31:4

Yinba n niba Isalele yaaba, N baa goa ki mangi yi yema! Yi baa ña leni mu lonmu, Ki taani leni yaaba n jeli ki mangidi yi pala yaa siiga.

Jeremi 32:44

Bi baa da i kuani yeni leni i ligi Ki diani li tili mi daama yogunu. Bi baa tieni ŋa mi maalima, ki lingi siedinba Benjamina diema nni, Jelusalema dogu lindima, Juda dogi nni, a juana dogi nni, Sefela dogi nni leni Niganu dogi nni, Kelima n baa teni bi yonbi n goa ki kpeni.› Li Miali Diedo n yedi yeni.»

Jeremi 33:11

I pamandanyani, i pamankandike yani, togibaa leni toginaa yani. Yi go baa gbadi ke bi niba yiini ki tua: ‹Pagi mani Li Miali Diedo U Paaciamu Kuli Daano Kelima o ŋani, o *ŋanbili mo ye hali yaa yogunu kuli!› Yi go baa gbadi yaaba n cuani i tuondi pada yani Li Miali Diedo diegu nni. Kelima n baa teni yaaba n den ye ti yonbidi n goa ki kpeni Min kaani ba nani kpiama yeni. Li Miali Diedo n yedi yeni.»

Jeremi 33:26

Lanwani n bi baa fidi ki ŋa Jakobo leni n naacemo Dafidi puoliŋuani Ki da go gandi bi puoliŋuanu siiga yaaba n baa gobidi Abalahama, Isaaka leni Jakobo puoliŋuani. N baa teni bi niba yaaba n gedi ti yonbidi n kpeni. N baa gbadi bipo mi niñima.› »

Jeremi 42:10

‹Yi yaa guani mi diema nni, N baa pugini yi paalu, N kan bolini yi. N baa ŋuu yi, n kan ŋabi yi, Kelima n pali ki go mangi Min tieni yi yaa biadima po.

Jeremi 50:4

Laa dana nni Li Miali Diedo yedi Ke Isalele yaaba leni Juda yaaba Baa taani ki yegi ki lebidi ki guani. Bi baa yaa cuoni ki mua ki lingi Li Miali Diedo bi Tienu.

Jeremi Bubula 4:22

Fini Siyono dogu badisalo A tagili gbeni. O kan go gedini a ti yonbidi. Edomi diema badisalo, o baa waani a tagili fala. O baa doagidi a tuonbiadi kuli.

Esekieli 39:25

Lanwani o Diedo, Li Miali Diedo yedi mi ne: «Moala n baa guani Jakobo buolu Ban den cuo yaaba ti yonbidi yeni, Ki gbadi Isalele buolu po mi niñima. N baa yaa pia li *nunponli n yeli yaali n gagidi ki ŋani yeni po.

Ose Tili 2:15

N baa waani o fala, Kelima wan den sundi npo yaa dana Ki padi ki siagi o bulo Baali po Leni butoe po yaa sinma yaa muñii n pia u nuulimanu, Leni wan den pili o ñoagima, ki laa o laani yaa dana Ki tiini ki ŋua o jaconcona, Ki sundi mini U Tienu po. Mini Li Miali Diedo n yedi yeni.» U Tienu yedi:

Sofoni 3:20

Laa yogunu, n baa goa ki kpeninni yi, Li baa yaa tie min baa goa ki taani yi yaa yogunu. Yi baa le ke n lebidi yi yema, N baa teni yin goa ki baa ti kpiagidi, Yi yela mo n ña, Li ŋandunli nibuoli kuli nni.» Li Miali Diedo n yedi yeni.

Sakari 1:17

Maleki go den yedi nni ke min waani yaa maama n tie na: «Li Miali Diedo, U Paaciamu Kuli Daano yedi ke o dogi go baa gbie leni mi piama. O go baa baagi Siyono yaaba. O go baa guani ki gandi Jelusalema.»