Jeremi 33:26 - Gourmanchéma Bible

²⁶ Lanwani n bi baa fidi ki ŋa Jakobo leni n naacemo Dafidi puoliŋuani Ki da go gandi bi puoliŋuanu siiga yaaba n baa gobidi Abalahama, Isaaka leni Jakobo puoliŋuani. N baa teni bi niba yaaba n gedi ti yonbidi n kpeni. N baa gbadi bipo mi niñima.› »

U TIENU MAAMA TILI 2013

²⁶ naani n baa fidi ki ŋaa Jakob leni n naacemo Davidi puoliŋuani, ki da go gandi bi puoliŋuani siiga yaaba n baa gobidi Abalahama, Isaaka leni Jakob puoliŋuani? N baa teni bi niba yaaba n gedi ti yonbidi n kpeni. N baa gbadi bi po mi ninñima.› »

Jeremi 33:26 ပူးပေါင်းရင်းမြစ်များ

Mi cilima 49:10

Li bali yaa gbiamu kan foagidi Juda kani, O badiciamo yaa gbiamu kan fuadi o taana nni. Hali yua n die o n baa cua, Bi niba kuli n baa tuo yua.

Esidirasi 2:1

Babilona bado Nebukanesa n den cuo yaaba ti yonbidi ki gedini Babilona diema nni siiga boncianla den goa ki kuni Jelusalema leni Juda diema nni. Yua kuli den kuni o denpo.

Esidirasi 2:70

Bi kopadicianba, Lefi buolu yaaba leni ku niligu siiga toaba leni bi yanyanba leni a buliñoaguuda, leni U Tienu diegu naacenba den kakali ban boagidi ba yaa dogi nni. Isalele yaaba, yaaba n sieni den kakali bi dandogi nni.

Pisomi 126:1

Ban caa Jelusalema ki yiini yaa yanbu. Li Miali Diedo n den ñani Siyono yaaba ti yonbidi Ki kpeni nni ba, li den tie tipo nani ti dangidi yene.

Esayi 14:1

Li Miali Diedo baa gbadi mi niñima Jakobo puoliŋuani po. O go baa goa ki gandi bani Isalele yaaba. O baa goa ki kaani ba bi tinga nni. Bi canba baa sani ki taani leni ba, Bikuli n taani ki tua yenma leni Jakobo buolu.

Esayi 54:8

Li pabienkandikaali nni, N den buli a n nunga yogunuba po. Ama n baa gba apo mi niñima Ki go yaa pia apo yaa buama n kan gbeni. Mini Li Miali Diedo a daafaabika n yedi yeni.

Jeremi 3:12

Gedi mani ki ban kpaani nijienu po ki yedi: Isalele “Kan sedi kaanyendu,” Li Miali Diedo yedi mine: ‹N kan go yaa pia apo nunbiadiga Kelima n yama dingi. Li Miali Diedo n yedi yeni. N pali mo kan go waagi ki be apo yogunu kuli.

Jeremi 31:20

Efilayima tie n bibuadiga Wani n tie n bigbabili. N kan fidi ki kan tiadi opo Kelima min bua o maama po. Mi niñima pia nni opo. N li bua o moamoane. Li Miali Diedo n yedi yeni.

Jeremi 31:35

Li Miali Diedo yedi nanda: «Ŋme n teni ke u yienu ye ki yendi u yensiinu, Ki teni ke o ŋmaalo leni a ŋmabila mo yendi ku ñiagu? Ŋme n yen fiini mi ñincianma ñingola n yaa mua mi jama? O yeli yi Li Miali Diedo U Paaciamu Kuli Daano.

Jeremi 31:37

Li Miali Diedo maadi yaa maama n tie na: Li yaa tie ke tanpoli tawadi pia mi biigima, Li yaa tie ke ki tinga tanpuuli pia mi bandi gbenma, Lanwani n baa ña Isalele puoliŋuanu maama nni cain, Kelima ban tieni yaala yaa po. Mini Li Miali Diedo n yedi yeni.»

Jeremi 33:24

«Naani ŋaa gba bi niba nne n maadi yaa maama? Bi tua: ‹Li Miali Diedo n den gandi yaa dieliediti, o ŋa ti.› Yeni, bi fali n niba, Bi yaa po wani, baa go tie nibuolu moko.

Esekieli 39:25

Lanwani o Diedo, Li Miali Diedo yedi mi ne: «Moala n baa guani Jakobo buolu Ban den cuo yaaba ti yonbidi yeni, Ki gbadi Isalele buolu po mi niñima. N baa yaa pia li *nunponli n yeli yaali n gagidi ki ŋani yeni po.

Ose Tili 1:7

Ama n baa faabi Juda yaaba wani. Mini Li Miali Diedo, bi Tienu n baa faabi ba. N kan faabi leni a dabana, bi leni mu jugisiemu, bi leni bu toabu, bi leni i taami, bi leni bi tanjagiba ka ba.»

Ose Tili 2:23

«Laa yogunu, n baa tua yaa Tienu n guandi bu miabu N baa pa tanpoli wan bua yaala, Tanpoli mo n pa ki tinga kan bua yaala.

Sakari 10:6

N baa pa Juda yaaba u paalu, Ki faabi bani Isalele yaaba. N baa gbadi bipo mi niñima, Ki lebidi ki guani ba bi deni. Bi baa yaa tie npo nani mii den kpa yie ba baa yenma yeni, Kelima n tie Li Miali Diedo, bi Tienu. N baa guani bi miabu.

LOMA YAABA 11:32

Kelima U Tienu luoni bi nisaaliba kuli bi yiema nni nani li kpaadidieli yeni ke wan yuandi ki gbadi bikuli po mi niñima.