Jeremi 32:35 - Gourmanchéma Bible

³⁵ Bi maa bi *buli padikaani Baali po Beni-Hinomi joaloangu nni Ki baa padi bi bijaba leni bi bisiaba o bulo *Moloko po. Mii den puogi ba ban tieni laa bonla. Mii den baa li yantiali ki baa tieni laa cagindi bole Ki teni Juda n tieni ti *tuonbiadi.»

U TIENU MAAMA TILI 2013

³⁵ Bi maa i padikaani Baali po Beni-Hinomi joaloangu nni, ki baa yaa padi ki juugi bi bijaba leni bi bisiaba, o bulo Moleki po. Mii den puogi ba ban tieni laa bonla. Mii den baa li yantiali ki baa tieni laa cagindi, ki teni Juda n tieni ti tuonbiadi.»

Jeremi 32:35 ပူးပေါင်းရင်းမြစ်များ

1 Bi Badiba 11:33

N baa tieni la kelima Isalele yaaba ŋa nni ki pugi Sidoni yaaba bulo Asitate leni Moabi yaaba bulo Kemosi leni Amoni yaaba yaa bulo Milikomi. Baa cuoni n sani nni ki tieni yaala n tiegi npo, baa kubi n balimaama leni n mabilikaama nani Salomono baa Dafidi n den tieni maama.

1 Bi Badiba 11:7

Lanwani Salomono den maa yaa juali n se ki tiegi Jelusalema yuli po li *padibinbinli Moabi yaaba cancaginbulo Kemosi po, leni Amoni yaaba yaa cancaginbulo*Moloko po.

1 Bi Badiba 14:16

O baa ŋa Isalele yaaba kelima Jeloboami *tuonbiadi po, wan tieni yaadi ki teni ke Isalele yaaba mo tieni.»

1 Bi Badiba 15:26

O den tieni yaala n bia Li Miali Diedo po. O den ŋoadi o baa fuuli ki tiendi o baa n den kuani Isalele yaaba yaa tuonbiadi nni.

1 Bi Badiba 15:30

Lani kuli den tieni kelima Jeloboami tuonbiadi po, wan den tieni yaadi ki teni ke Isalele yaaba mo tieni ki fiini Li Miali Diedo Isalele yaaba Tienu pali.

1 Bi Badiba 16:19

O den kpe kelima wan den tieni yaala n ki dagidi Li Miali Diedo po ki tieni yaa tuonbiadi ki ŋoadi Jeloboami fuuli, ki tieni wan den tieni yaa tuonbiadi ki kuani Isalele yaaba mi tudima nni.

1 Bi Badiba 21:22

N go baa soani a diegu nani min soani Nebati bijua Jeloboami leni Ahiya bijua Bayesa yaa diedi maama, kelima a bieni n pali ki go teni ke Isalele yaaba kua ti*tuonbiadi nni.› »

2 Bi Badiba 21:11

«Juda bado Manase tieni laa caginbuoli kuli. O tieni yaala n bia ki cie Amola yaaba n den tieni yaala hali yogu. O buŋoadima po cedi ke Juda yaaba tieni ti *tuonbiadi.

2 Bi Badiba 21:4

O den maa i nilanbuoli padibinbina Li Miali Diedo diegu nni, wani Li Miali Diedo n den maadi yaagu yaa po ki yedi: «Li tie Jelusalema nni, ke n baa doagidi n kpiagidi.»

2 Bi Badiba 23:10

O bado Josiasi den biidi o bulo *Moloko yaa kaanu, yu n den ye Hinomi bijaba joaloangu nni ki yi Tofeti. O den tieni yeni ke niloba n da go taa o bijua bi o bisalo ki sia mi fantama nni o bulo Moloko po.

2 Bi Badiba 23:15

O den tudi ki luni Nebati bijua Jeloboami, yua n den kuani Isalele yaaba ti *tuonbiadi nni, n den maa yaa padibinbinli Betela juali yuli po. O den mumudi li tana hali ke a tua yoma, ki sia ban den caani yaa dafoagidigu o bulo Akela po.

2 Bi Badiba 3:3

Ama o den tieni Nebati bijua Jeloboami *tuonbiadi, wani yua n den teni ke Isalele yaaba kua ti tuonbiadi nni. Waa den cedi ti baa waamu.

2 Bi Badiba Jama 33:6

O den taa baa o bijaba ki padi ba li padili po, ki buoni ba mi fantama nni, Beni-Hinomi Joaloangu nni. O den bu ku baagu ki go tiendi ti buligbandi leni u ñoagu. O den baa yaa ñoagidanba n maadi leni bi tinkpiba, leni a lingida. O go den suagi liiga ki tiendi yaala n bia Li Miali Diedo po, ki biendi o pali.

2 Bi Badiba Jama 33:9

Ama Manase den yaani Juda diema yaaba leni Jelusalema yaaba ke bi tieni mi biadima ki cie Li Miali Diedo n den bolini yaa niba Isalele yaaba po.

2 Bi Badiba Jama 36:14

Bi kopadicianba yudanba leni ku niligu kuli den ye mi tudima nni, ki ŋua nibuotoe n tiendi yaa tuongunda kuli. Bi den cagini Li Miali Diedo diegu wan den gagidi ki ŋanbi yaagu ke ku ye Jelusalema.

Mi Ñama 32:21

Musa den yedi Alono: «Ku niligu na tieni a be ke a teni ke bi tieni yaa tuonbiaciandi n tie na?»

Esayi 57:5

Yi fiindi yi gbani yi ticiandi kani Leni yaa tibu n bundi bonŋanla kuli tinga Ki kodi a bila ti joaloandi nni, Leni a joatanmaba tinga.

Jeremi 19:2

Ŋan yuandi ki ñani a tancacala buliñoabu po, yaabu n goa Beni-Hinomi joaloangu po. Lankani a baa waani ba min baa puogi a ŋan waani ba yaa maama.»

Jeremi 30:14

A jaconcona kuli sundi apo Baa go lingi a. N faligi a nani n yibali yeni. N waani a o falaciamo kelima a tagili n yaba maama po Leni a *tuonbiadi n bia maama po.

Jeremi 44:4

N tuuni yi kani n naacenba bi sawalipuaba u yogunu kuli ki naa cedi ke ban yedi yi: ‹Yin da tieni min nani yaa cancagintuona n tie na.›

Jeremi 7:30

Mini Li Miali Diedo yedi: ‹Juda bijaba tieni npo yaala n bia. N yeli n taagi naankani yene Ke bi cuani bi cancaginbonla ki joagini n diegu.

Jeremi 7:31

Bi ŋanbi a pada kaani Beni-Hinomi joaloangu nni, Ki baa yaa siagi bi bijaba leni bi bisiaba, Min kaa den puni yi yaa sanu. Min kaa den baa yaa yanjagili.› »

Esekieli 23:37

Kelima bi puni bi yula mi conconma po. Bi nii mo pia mi soama. Bi den conbi kelima bi den kpiagi i buli. Bi go den pugini bi conconma yeni po Ki taa ban den mali npo yaa bijaba yeni Ki padi ba mi fantama nni nani ban den jagi maama, Ke ban bodi.

Levi 18:21

Ŋan da teni a bila siiga baa yendo ban lu o mi fantama nni ki padi o, o bulo *Moloko po. Ŋan da jugi ki biidi a Tienu yeli. N tie Li Miali Diedo.

Jesu Tondiba Tuona 7:43

Yi den tugi o bulo Moloko gbandieli Ki go tugi o bulo Lefana yaa ŋmabiga, Yin den tagi yaa buli nannana ki baa kpiagidi ŋa. Lani yaa po n baa teni ban gedini yi ti yonbidi hali Babilona diema liiga.›

Mi Tiadima 12:31

Yin da tieni yeni Li Miali Diedo yi Tienu po, kelima bi den tiendi bi buli po a tuongunda buoli kuli leni ti cagindi yaala n ki den mani Li Miali Diedo po. Bi den ban juugi baa bi bijaba leni bi bisiaba mi fantama nni bi buli kpiagidi po.

Mi Tiadima 18:10

Ban da le yi kani niloba yua n poandi o bijua bi o bisalo mi fantama nni, niloba yua n puni o yuli mi lingima po, yua n kubi u baayuadiidu, bi yua n pua mi tama, bi yua n kubi ti buligbandi,

Mi Tiadima 24:4

lanwani o jakpialo yua n den ñani o yeni kan go fidi ki taa o wan tua o pua kelima laa pua n cagini o yuli maama po. Li tie caginde Li Miali Diedo nintuali. Lani yi kan tuni Li Miali Diedo yi Tienu n puni yi yaa diema man tua yi yaama yeni *tuonbiadi.