Jeremi 32:30 - Gourmanchéma Bible

³⁰ Kelima Isalele yaaba leni Juda yaaba Nan li tiendi yaala n ki mani npo hali bi panma nni. Isalele yaaba leni bi tuada li biidi n pali bebe. Li Miali Diedo n yedi yeni.

U TIENU MAAMA TILI 2013

³⁰ Isidayeli leni Juda yaaba nan li tiendi yaala n ki mani n po hali bi panma nne. Isidayeli yaaba leni bi tuada li biidi n pali bebe. Mini o Diedo n yedi yeni.

Jeremi 32:30 ပူးပေါင်းရင်းမြစ်များ

Mi cilima 8:21

Li Miali Diedo den gbadi yaa nuulu n mani opo. Lanwani Li Miali Diedo den maadi o pali nni mi naa maama: «N kan go soli ki tinga kelima o nisaalo po, kelima o pali nni o li tia mi biadima hali o biwaama yogunu. N kan go bolini yaala n fo kuli nani min tieni maama moala yeni.

Esayi 63:10

Ama bi den tua niyiekaaba Ki biidi o Fuoma pali, Ke o den lebidi ki tua bipo yibali Ki den tuogi leni ba bu toabu.

Jeremi 11:17

Li Miali Diedo U Paaciamu Kuli Daano n den kaani o niba lankani. Wani n den teni ke mi yebiadima ŋma ba Kelima Isalele yaaba leni Juda yaaba n den tieni yaa biadima po. Bi den bieni o pali ki padi o bulo Baali po a dugibila.»

Jeremi 2:7

N cuani yi ti tiidi n dua yaa diema nni Ke yin baa ki ŋmani yaa bonluonkaala n mani, Ama yi cua ki teni ke n dogu *joagini Yi teni ke n faali diema kpandi ki tua cagindi bonla.

Jeremi 22:21

Hali a yema n den mani apo yaa yogunu n den maadi leni a, Ama a den yie ke a kan cengi. A tagu nan li tie yene hali a panma nni Ŋaa cengi n nialu.

Jeremi 25:6

Yin da ŋoadi i *buli ki yedi ke yi baa yaa kpiagidi i, ki gbaani ki pugi i. Yin da tagi i buli ki bieni n pali, min da ti tieni yi yaala n bia.›

Jeremi 25:7

Ama yi naa cengi nni, yi bua ki bieni n pali ki tagi yi buli ki lingi yi yula po fala. Li Miali Diedo n yedi yeni.»

Jeremi 3:25

Ti fe n tie ti duankaagu Ti jigidima mo n tie ti kpalipinkaabu. Kelima tinba leni ti baanba, Ti tieni ti *tuonbiadi Li Miali Diedo ti Tienu po. Ki cili ti panma yogunu ki ban pundi hali dinla Tii cengi Li Miali Diedo ti Tienu yedima.

Jeremi 30:14

A jaconcona kuli sundi apo Baa go lingi a. N faligi a nani n yibali yeni. N waani a o falaciamo kelima a tagili n yaba maama po Leni a *tuonbiadi n bia maama po.

Jeremi 36:2

«Taa li tigbabikaali ki diani min maadi a yaa maama Isalele, Juda leni li nibuoli po ki cili hali min kpa maadi leni a yaa daali Josiasi yogunu ki ban pundi hali dinla.

Jeremi 44:3

Kelima ban tieni yaa biadima ki baa biidi n pali ki padi a*dugibila ki go gedi ki ban gbaani ki pugi bani leni bi baanba n kaa den bani yaa *buli.

Jeremi 44:8

Yi biidi n pali leni yi bontienkaala kelima yi juugi a dugibila Ejipiti diema buli po, yin cua ki wuoni naankani. Naani yi bua ban bolini yi, yin tua ti solindi leni fe bonla ki tinga nibuoli kuli siiga yo?

Jeremi 8:19

Cengi mani n niba ñiindi Yi n ña hali foagima: «Naani Li Miali Diedo ki go ye Siyono yo? Naani u dogu ki go pia bado yo? Be yaa po yo ke bi biidi n pali leni bi buli? Yaa bonyuodi n tie nibuotoe yaa bonla?»

Esekieli 20:28

N den gedini ba min den yugidi n nuu ki poli ke n baa pa ba yaa diema nni. Bi den yaadi ki diidi yaa juana n kpedi leni yaa tiidi n biigi ki den padi bi pada lankani. Bi den bieni n pali leni ban den kpendinni likani yaa paabu leni yaa padijuukaana leni ban den cabini yaa *ñincaba kuli.

Esekieli 20:8

Ama bi den fiini npo mi yiema ki naa bua ki cengi nni. Oba mo kuli ki den ŋa ban den maani ki tiendi yaa cagindi, ki naa luni Ejipiti yaaba buli mo. N den yedi ke n kan go jiini n pali bipo, ama ke n baa wuli bipo n pabienli, ki teni n pabienli n tuoni li bianu bipo Ejipiti diema nni.

Esekieli 23:3

Bi den conbi Ejipiti diema nni, Bi den conbi bi panma yogunu. Lanpo yo ke bi ŋmiani bi biina. Lanpo yo ke bi den cili ki taabi bi bena.