Jeremi 32:28 - Gourmanchéma Bible

²⁸ Lani n teni ke Li Miali Diedo yedi nanda: «Diidi n ŋa u naa dogu Babilona yaaba nuu nni Leni Babilona bado Nebukanesa nuu nni. Bi baa diedi u.

U TIENU MAAMA TILI 2013

²⁸ Lani n teni ke o Diedo yedi nanda: «N ŋaa u naa dogu Babilonni yaaba leni bi bado Nebukanesa nuu nni. O baa diedi u.

Jeremi 32:28 ပူးပေါင်းရင်းမြစ်များ

2 Bi Badiba 25:11

Bi guudikaaba yudaano Nebusaladani yeni den cuo yaa niba n den sieni ki ye u dogu nni leni yaaba n den teni bi yula Babilona bado leni taliginba yaaba n den sieni. O den gedini ba ti yonbidi.

2 Bi Badiba Jama 36:17

Lanwani Li Miali Diedo den teni ke Babilona bado gedi ki ku o leni ki jugisiega o diegu nni, li jawaaba, li jafanba leni li jakpela kuli ki naa ŋa oba kuli.

Esayi 29:2

N baa nugi fini Alieli, Ki teni kaliti leni dunli bebe n sieni, U dogu baa yaa tie npo nani Alieli yeni.

Jeremi 20:5

N baa taa u naa dogu niba n pia yaala kuli, ban soani ki baa yaala kuli, ban pia yaala ke li tie bonmoanla kuli, leni Juda badiba ŋalimano kuli, ki teni bi yibalinba likuli. Bi baa fagi ki wodi likuli ki tugi ki gedini Babilona po.

Jeremi 21:10

Kelima n fii ki sedi u naa dogu po, ki baa tieni u yaala n bia, ki nan kan tieni u yaala n ŋani. Mini Li Miali Diedo n yedi yeni. N baa ŋa u Babilona bado nuu nni wan juu u leni mi fantama.»

Jeremi 32:24

Diidi yibalinba gaani ki lindi ki bua ki guli u dogu. Bani Babilona yaaba, yaaba n fii ki sedi u dogu po yeni baa diedi u. Bu toabu, mi koma leni u yianbiadipuodiko baa teni ban paadi u dogu yeni. Ŋan maadi yaa maama tieni, a nua li mo.

Jeremi 32:3

Juda bado Sedesiasi den teni ke bi luoni o ki yedi: «Be yaa po yo ke a pua sawali ki tua: ‹Li Miali Diedo yedi: Diidi n puni Babilona bado u naa dogu. O baa diedi u moko.

Jeremi 32:36

Moala lani n teni ke Li Miali Diedo Isalele Tienu maadi nanda: «U naa dogu yu yaa po ke yi tua: ‹Bi baa ŋa u Babilona bado nuu nni Ki teni ki jugisiega, mi koma, Leni u yianbiadipuodiko n paadi u dogu yeni.›

Jeremi 34:2

Li Miali Diedo Isalele Tienu yedi mine: «Gedi ki ban maadi leni Sedesiasi Juda bado ki yedi o: ‹Li Miali Diedo yedi nanda: Diidi n taa u naa dogu ki ŋa u Babilona bado nuu nni. O baa juu u mi fantama.

Jeremi 34:3

Amo kan ŋmadi o nuu nni. Bi baa cuo ŋa leni u paalu ki ŋa ŋa o nuu nni. A nuni baa le Babilona bado nuni. Yi baa kadi leni yiyaba nungbaana naa. A baa gedi Babilona.›