Jeremi 32:24 - Gourmanchéma Bible

²⁴ Diidi yibalinba gaani ki lindi ki bua ki guli u dogu. Bani Babilona yaaba, yaaba n fii ki sedi u dogu po yeni baa diedi u. Bu toabu, mi koma leni u yianbiadipuodiko baa teni ban paadi u dogu yeni. Ŋan maadi yaa maama tieni, a nua li mo.

U TIENU MAAMA TILI 2013

²⁴ Yibalinba gaani ki lindi, ki bua ki guli u dogu. Bani Babilonni yaaba, yaaba n fii ki sedi u dogu po yeni, baa diedi u. Bu toabu, mi koma leni u yianbiadipuodiko baa teni ban paadi u dogu yeni. Ŋan den tuodi ki waani yaala tieni, a nua la mo.

Jeremi 32:24 ပူးပေါင်းရင်းမြစ်များ

2 Samueli 20:15

Joabi leni yaaba n den ŋua o kuli den gedi ki lindi ki cebini Abela-Beti-Maaka yeni ke Seba ye lienni. Bi den dogini li tanbinbinli ki ban pundi hali u dogu yeni bilinpaalu kani. Li yaa puoli bi den pe u bilinu ki bua ki lu u.

Esayi 37:33

Lani n teni ke Li Miali Diedo maadi yaa maama n tie na Asili bado po: «O kan kua u naa dogu nni, O kan toa piemi u niinni. O kan leli gbankoandigu ki yaa koani O kan maa bilini ki gedi ki baa mi diema moko.

Jeremi 16:4

‹Bi baa yiage ki kpe. Bi kan baa kuŋanbili. Bi kan baa ban bogidi ba. Bi baa kpandi ki tua bugidi u tingbanu po. Bu toabu leni mi koma baa dudi ba. Bi gbanandi baa tua jiema tanpoli nuani leni ti yandi kuli po.› »

Jeremi 20:5

N baa taa u naa dogu niba n pia yaala kuli, ban soani ki baa yaala kuli, ban pia yaala ke li tie bonmoanla kuli, leni Juda badiba ŋalimano kuli, ki teni bi yibalinba likuli. Bi baa fagi ki wodi likuli ki tugi ki gedini Babilona po.

Jeremi 24:10

N baa soani ki jugisiega bi siiga, mi koma leni u yianbiadipuodiko hali ban bodi mi diema nni min den puni bani leni bi baanba yaama yeni niinni.»

Jeremi 29:17

Li Miali Diedo yedi nanda: «Diidi n baa cuani bi siiga bu toabu leni mi koma, ki teni ban yaa naani leni yaa kankanbedima n ki go pia ŋmanma kelima ŋan bedi maama po yeni.

Jeremi 29:18

N baa ŋoadi ki deli ba leni bu toabu, mi koma leni u yianbiadipuodiko. N baa teni ban tua ti jawaanciandi bonla ki tinga diema nibuoli po, ti solindi bonla, li pakili, ti laadi, li ñuali leni u yualu bonla min baa yadi yi yaa nibuoli siiga kuli.

Jeremi 32:25

Baa leni lankuli, fini Li Miali Diedo n yedi nni: ‹Baa i ligi ki daa u kuanu, lingi siedinba.› Bi luni u dogu ki diani Babilona yaaba nuu nni.»

Jeremi 32:28

Lani n teni ke Li Miali Diedo yedi nanda: «Diidi n ŋa u naa dogu Babilona yaaba nuu nni Leni Babilona bado Nebukanesa nuu nni. Bi baa diedi u.

Jeremi 32:3

Juda bado Sedesiasi den teni ke bi luoni o ki yedi: «Be yaa po yo ke a pua sawali ki tua: ‹Li Miali Diedo yedi: Diidi n puni Babilona bado u naa dogu. O baa diedi u moko.

Jeremi 32:36

Moala lani n teni ke Li Miali Diedo Isalele Tienu maadi nanda: «U naa dogu yu yaa po ke yi tua: ‹Bi baa ŋa u Babilona bado nuu nni Ki teni ki jugisiega, mi koma, Leni u yianbiadipuodiko n paadi u dogu yeni.›

Jeremi 32:5

Babilona bado baa gedini Sedesiasi Babilona po. O baa yaa ye lanpo hali min baa cua ki le o yaa yogunu. Li Miali Diedo n maadi yi. Yi yaa tieni bu toabu leni Babilona yaaba, yi kan paadi ba.› »

Jeremi 33:4

Kelima Li Miali Diedo Isalele Tienu maadi U naa dogu diedi maama, leni Juda badiba diedi maama ki yedi: Bu toabu teni ke laa diedi tua diegbendi.

Jeremi 34:17

Lani n teni ke Li Miali Diedo yedi nanda: Nani yin naa tuo n maama ki kpaani ke yua kuli n faabi o nikpiilo yeni, diidi mini Li Miali Diedo n fii ki sedi yipo. N baa ŋa yi leni bu toabu, u yianbiadipuodiko leni mi koma, ki teni ki tinga nibuoli, yaaba n baa le yi kuli, ti jawaanciandi n cuo ba.

Jeremi 52:4

Wan kali ti gbandi po li binyiali nni, cipiiga danpiiga daali Babilona bado Nebukanesa den cua leni o toagoli kuli ki baa Jelusalema.

Jeremi 52:6

Cinaa dana yia daale ke mi koma den moandi u dogu nni boncianla. Bonjekaala ki go den ye bi niba po.

Jeremi 6:6

Li Miali Diedo U Paaciamu Kuli Daano yedi nanda: «Pedi mani ti daadi, Ki tiini ki deni i bilini ki gaani ki cebini Jelusalema Yibalinba n do ki kua, U dogu wuni uba n baa le fala, Kelima laa dogu nni puu kuli ki ye se mabinga bebe.

Esekieli 14:21

O Diedo, Li Miali Diedo den yedi nni mi ne: «Baa n yaa soani Jelusalema po n falabiado bonba naa yaaba n tie: Ki jugisiega, mi konbiadima, u yianbiadipuodiko, leni ti fuayanbiaditi, ke lani kuli n bolini bi niba leni ti yandi, diidi, a bonjala leni a bonpola siiga bi tianba baa sieni ki kan kpe.

Esekieli 21:22

Lanwani n moko baa pua ki ledi ledi n nii, Ki teni n pabienli n tuoni li bianu. Mini Li Miali Diedo n maadi.› »

Esekieli 21:27

Yaa piemu n waani Jelusalema yeni, den baa o nijienu nni, wan den sieni a petona naanpo. O baa teni li ñoabonli ban gedi ki ban bolini ki yaa kuudi bu toabu kuudi. Bi baa sieni a petona buliñoabu kuli kani ki fiini a binbina ki maa i toawuonkaani.

Esekieli 26:8

O baa kpa yi bisiaba yaaba n ye i kuani leni ki jugisiega. O baa teni ban gbi ti toabuodi, Ki dogini a tanbinbina ki tuogi yi leni ti gbankoandiciandi.

Esekieli 4:2

Lanwani ŋan gbi ti buodi, ki wuli a tanbinbina, ki sieni a toagola leni bi toatieba yudanba, lan yaa tie nani ban lindi yaa dogu ki baa u bu toabu yeni.

Habakuki 1:10

Bi fali bi badiba, Bi ñuadi a koanbala Laa pia kuli yaa dogu bilinciamu n baa sieni ba. Bi yen dogini mi tama ki kandi ki kua Ki baa i dogi ki diedi yi yendu, yendu.

Sakari 1:6

Ama min den teni n naacenba, bi sawalipuaba yaa ñoabona leni yaa mabilikaama kuli den cuo yi yaajanba pala. Bi den lebidi bi tagi ki yedi: ‹Li Miali Diedo, U Paaciamu Kuli Daano soani ti nani ti tagi leni ti tuona n den teni ke o jagi ke o baa soani ti maama.› »

Matie 24:35

Tanpoli leni ki tinga kuli baa pendi, ama n maama kan pendi hali abada.

Mi Tiadima 4:26

Tanpoli leni ki tinga n tie siedinba mini leni yinba siiga dinla. Li yaa tie ke yi tieni laa tuonbiadi buolu, yi baa kpe ki bodi tontoni yin baa kandi Judana ki diedi yaa diema yeni niinni. Yi miali dana kan foagidi kelima yi kuli baa bodi cain.