Jeremi 32:23 - Gourmanchéma Bible

²³ Bi cua ki diedi ma, ama bi naa cengi a maama, baa cuoni nani a *balimaama n den bili bipo maama. Baa den tieni ŋan den puogi ba ban tieni yaala. Lani n teni ke a cuani bipo o naa fala kuli.

U TIENU MAAMA TILI 2013

²³ Bi cua ki diedi ma, ama bi naa cengi a maama, baa cuoni nani a bali maama n den bili bi po maama. Baa tieni ŋan den puogi yaala. Lani n teni ke a cuani bi po o naa fala kuli.

Jeremi 32:23 ပူးပေါင်းရင်းမြစ်များ

Esidirasi 9:7

Hali ti yaajanba yogunu ki taa ki pundi hali moala, ti tieni ti tuonbiadi boncianla. Li tie ti tuonbiadi po ke a den taa ti, tinba leni ti badiba leni ti kopadicianba ki teni i nilanbuoli badiba nuu nni ke bi den tuogi leni ti bu toabu ki paadi ti, ki fagi ti ki gedini ti ti yonbidi ke dinla i fe kubi ti.

Nehemi 9:15

Mi koma n den cuo ba, A den ñani mi jiema tanpoli po ki puni ba. U ñunñuunu n den gbadi ba, A den ñani mi ñima ku tangu nni ki puni ba. A den teni ke bi gedi ki ban diedi ŋan den poli ke a baa pa ba yaa diema.

Pisomi 78:10

Baa den kubi U Tienu n den kuani leni ba yaa *ŋantaado. Bi den yie kaa tuo ki ŋoadi o balimaama.

Jeremi 2:7

N cuani yi ti tiidi n dua yaa diema nni Ke yin baa ki ŋmani yaa bonluonkaala n mani, Ama yi cua ki teni ke n dogu *joagini Yi teni ke n faali diema kpandi ki tua cagindi bonla.

Jeremi 26:4

Ŋan yedi ba ke Li Miali Diedo maadi yaa maama n tie na: ‹Yi naa cengi n maama ki baa tieni min bili yaa *balimaama yaa nintuali.

Jeremi 44:10

Hali ki ban tuoni dinla, yi naa biidi yi pala, yi naa baa fangiliba, yi naa ŋoadi min den teni yinba leni yi baanba yaa *balimaama leni yaa ñoabonbilikaana.› »

Jeremi 7:26

Ama baa cengi n maama. Baa diadi bi tuba ki cengi. Bi juagi bi pala. Bi tieni yaala n bia ki cie bi baanba.

Jeremi Bubula 1:18

Li Miali Diedo n tiegi Kelima n den yie o *bali maama. Cengi mani yinba i nibuoli kuli Diidi mani n fala! N jafanba leni n jawaaba gedi ti yonbidi.

Jeremi Bubula 1:8

Jelusalema tieni o *tuonbiadi boncianla, Lani n teni ke o *joagini. Yaaba n den kpiagidi o kuli Fali o kelima bi laa o mubili. O duni ki guani puoli po.

Esekieli 20:18

N den yedi bi bijaba mi fanpienma nni: ‹Yin da ŋoadi yi baanba ñoabona ki da kubi bi bogida, ki da gedi ki ban joagini yi yula leni bi buli.

Esekieli 20:21

Ama bani mo den fiini npo mi yiema. Bi naa den ŋoadi n balimaama ki den yie baa kubi n mabilikaama, ki naa go den tieni man yedi yaala, o nilo n baa kubi yaama ki fidi ki yaa ye. Bi den joagini n fuodima dana. N den jagi ke n kan go juuni leni ba, ama ke n baa wuli bipo n pabienli, ki gedi hali n pabienli bianu bipo mi fanpienma nni.

Esekieli 20:8

Ama bi den fiini npo mi yiema ki naa bua ki cengi nni. Oba mo kuli ki den ŋa ban den maani ki tiendi yaa cagindi, ki naa luni Ejipiti yaaba buli mo. N den yedi ke n kan go jiini n pali bipo, ama ke n baa wuli bipo n pabienli, ki teni n pabienli n tuoni li bianu bipo Ejipiti diema nni.

Luki 17:10

Li tie yene yinba yiba moko yaa po, yi yaa tieni ban puogi yi yaala kuli, yin yedi mani: ‹Ti tie yaa naacenba n soani ti tuonli bebe, ti tieni lan pundi tin tieni yaala.› »

Jan n diani U Tienu Laabaaliŋamo maama 15:14

Yi yaa tuo ki tiendi min bili yipo yaala, yi tie n danlinba.

Galati 3:10

Yaaba n nua ke bi baa baa li *moamoansaali kelima li bali maama kubima po ye ti solindi nni, kelima li diani: «Ti solindi n baa yua n naa kubi ki go tieni laa bali maama n yedi yaala.»

Jaki 2:10

Kelima yua n kubi li bali maama ki nan miidi baa balimayenma bebe, pia i tagili mikuli po.

Josue 21:43

Li Miali Diedo den teni Isalele yaaba wan den niani ke o baa pa bi yaajanba yaa diema kukuli. Bi den diedi ma ki kali mi niinni.

Josue 23:16

Yi yaa miidi Li Miali Diedo yi Tienu n bili yipo yaa*ŋantaado, yi yaa ŋoadi i nilanbuoli n ŋua yaa buli ki gbaani ki kpiagi yi, Li Miali Diedo pali baa fii yipo, yi baa bodi tontoni, yi siiga oba kan sieni wan puni yi yaa dieŋanma ne niinni.»