Jeremi 32:20 - Gourmanchéma Bible

²⁰ A tieni mi bancianma leni li bonlidikaala Ejipiti diema nni. Hali dinla Isalele diema nni leni bi niba kani, a yeli ñani dinla nani tin nua maama.

U TIENU MAAMA TILI 2013

²⁰ A tieni mi bancianma leni li bonlidinkaala Ejipiti diema nni. Hali dinla, Isidayeli diema nni leni bi niba kani, a yeli ñani dinla nani tin nua maama.

Jeremi 32:20 ပူးပေါင်းရင်းမြစ်များ

2 Samueli 7:23

Naani nibuoluba go ye ŋanduna nni ki naani leni a niba Isalele yaaba, fini U Tienu n den cua ki da ki faabi yaaba ki teni ke bi tua a niba ki kpedi a yeli bi? A den tieni a niba Isalele yaaba po leni a diema po kuli mi bancianma leni li bonlidikaala, lani n tie ke a den deli i nilanbuoli leni bi buli kuli ki ñani ba a niba Isalele yaaba nintuali, bani ŋan den da ki faabi yaaba Ejipiti nni.

1 Bi Badiba Jama 17:21

Naani li pia ki tinga nni yaa nibuolu n naani leni a niba Isalele yaaba, ke bani mo yaa tienu gedi ki ban faabi ba ki teni ke bi tua o nibuolu? A yeli n ñani maama po, a tieni mi bancianma leni yaala n pia jeje, ki deli i nibuoli ŋan den faabi a niba yaaba Ejipiti diema nni yaa nintuali.

Nehemi 9:10

A den tieni mi bancianma leni li bonlidikaala Ki tuogi leni *Falono leni o koanbala Leni o diema yaaba kuli Kelima a den bani ban tieni ti yaajanba yaa tugutongu. Lanwani a den doagidi a kpiagidi Nani ŋan doagidi ti maama dinla.

Nehemi 9:11

A den boagidi mi ñincianma Isalele yaaba nintuali, Ke bi duodi ma taakuoma. A den luni yaaba n ŋua ki deli ba ku buoñuangu nni Nani ban luni li tanli mi ñima nni maama yeni.

Pisomi 135:9

O den soani sinankeeni leni li bonlidikaala Fini Ejipiti diema siiga Ki sedi *Falono leni o naacenba po.

Mi Ñama 10:2

Li go tie ke a baa togidi a bijua leni a yaabili po min den tieni Ejipiti yaaba leni min den teni ke n sinankeeninba doagidi bi siiga maama. Yeni, yi baa bandi ke n tie Li Miali Diedo.»

Mi Ñama 3:20

N baa tandi n nuu ki pua Ejipiti leni mi bancianma buoli kuli, min baa tieni yaama mi diema nni. Lani yaa pendi o baa tuo yin gedi.

Mi Ñama 7:3

Mini, n baa teni Falono pali n juagi, n baa pugini n sinakeenenba leni mi bancianma Ejipiti diema nni.

Mi Ñama 9:16

Ama n cedi ke a ye ke ŋan le n paaciamu, n yeli mo go baa ña li ŋandunli nni kuli.

Esayi 63:12

O den tandi o buagu yaagu n pia u paalu Ki gobidi Musa nijienu. O den jia mi ñima bi nintuali, Ki baa teni o yeli n ña hali yaa yogunu kuli po.

Esayi 63:14

Li Miali Diedo Fuoma den gedini ba mi fuodima kaanu Nani yaa yandi n jii ku joaloangu nni yeni. Lani n tie ŋan den gobidi a niba maama Ke a yeli n ña ki pia ti jigidi.

Jeremi 13:11

Li Miali Diedo yedi: ‹Moamoani nani ban yen loli ku gbanñagidigu Ki ciaga nni maama yeni, N moko den taa Isalele yaaba kuli leni Juda yaaba kuli Ke ban tua n niba, n yeli, n pagidi, leni n jilima, Ama bi naa cengi nni.› »

Danieli 6:28

Wani n ciadi ki faabidi, Ki tieni sinankeeninba leni mi bancianma, Tanpoli leni ki tinga nni kuli. Wani n ga Danieli i yangbanli kani.»

Danieli 9:15

O Diedo ti Tienu, ŋan den ñani tinba a nibuolu Ejipiti nni leni a nuu paalu, a den ñani a yeli ke li kpedi ki pundi hali dinla. Ama tinba, ti tieni ti tuonbiadi, ti tieni yaala n bia.

Jesu Tondiba Tuona 7:36

Wani Musa den tieni mi bancianma leni sinankeeninba Ejipiti nni leni mi ñincianmoanma nni, ki ñani Isalele yaaba, ki go tiendi mi bancianma leni sinankeeninba mi fanpiencianma nni hali bina piinaa.

Mi Tiadima 11:3

leni wan den tieni yaala Ejipiti diema nni ki yie Ejipiti bado *Falono leni o diema kuli po, leni sinankeeninba leni yaa tuonciama.

Mi Tiadima 4:34

Naani li kpa baa yaa Tienu n cua ki baa taa o yuli po nibuoluba nibuotoe siiga, leni biigima leni sinankeeni, leni bancianma leni jama leni paaciamu leni bonlidikaala nani Li Miali Diedo yi Tienu n tieni yipo maama yi nunbu nni Ejipiti nni?

Mi Tiadima 6:22

Li Miali Diedo den soani yi nintuali Ejipiti nni, Falono leni o diegu nni yaa sinankeeni leni yaa bancianma n yaba ki go pia li paboanli.

Mi Tiadima 7:19

leni yin den laa yaa biigicianma buoli kuli, sinankeeni leni li bonlidikaala leni Li Miali Diedo yi Tienu paaciamu, wan den ñani yi Ejipiti nni yaa yogunu. Li Miali Diedo yi Tienu baa soani yin jie yaa nibuoli kuli yene.