Jeremi 31:8 - Gourmanchéma Bible

⁸ Diidi n baa teni ban ña nijienu diema po. N baa taani ba hali u tinbianu, Bi siiga pia a juama leni a diama, Yaa puoba n punbi leni u maditugukoanu danba kuli. Li tie nitaancianli n lebidi ki guani nekanba.

U TIENU MAAMA TILI 2013

⁸ N baa teni ban ña nujienu diema po. N baa taani ba hali u tinbianu, Bi siiga pia a juama leni a diama, Yaa puoba n punbi leni U maditugukoanu danba kuli. Li tie nitaancianli n lebidi ki guani nekanba.

Jeremi 31:8 ပူးပေါင်းရင်းမြစ်များ

Pisomi 107:3

Ki ñani ba diema kuli nni, Puoli leni nintuali, niganu leni nijienu po kuli Ki taani ba yeni kuli, n yaa tua yeni.

Pisomi 65:5

Li pamanli ye leni ŋan gandi yua, Ki teni ke o baa cua a kani ki yaa ye a luolu nni, Ki guo leni a diegu nni bonŋanla, Leni a jaandieli gagidiŋanma.

Pisomi 98:3

O tiadi o *ŋanbili po Leni wan den tie dugika maama Isalele yaaba po. Ki tinga biani kuli laa Ti Tienu n faabi ti maama.

Esayi 40:11

O kpaa o yangoli nani o yankpaalo yeni. O gobidi ki taani a pebila leni o buagu Ki taa ba ki ŋmabi. O gobidi yaa peñoe n da ŋaandi.

Esayi 42:16

N baa teni a juama n tagini ban daa den bani yaa sanu, Ki gobidi ba yaa sanbila n den boani ba niinni. N baa teni yaa biigili n ye bi liiga n lebidi ki tua yenma. N go baa teni yaa sani n tie gbangbana mo n ladi ki dagini. N kan ŋa ba Lani n tie min baa tieni yaala n yeni.

Esayi 43:6

N baa yedi nijienu po diema: ‹Guani ba!› Ki yedi niganu po diema mo: ‹Da baa kubi ba!› Teni n bijaba n ña yaa diema n ye foagima ki kpeni Ki ñani n bisiaba mo hali u tinbianu ki guani ba.

Esayi 45:22

Yinba yaaba n ye hali i tinbiani kuli Jigidi mani ki nuali nni ki baa mi faabima Kelima mini n tie U Tienu, Toa ki ye.

Esayi 52:10

Li Miali Diedo yugidi o buagu yaagu n Gagidi ki ŋani Ke diema kuli n le gu. I tinbiani kuli yaaba baa le Ti Tienu faabima.

Jeremi 16:15

Ama bi baa yedi: ‹Li Miali Diedo fo wani yua ñani Isalele yaaba Nijienu po yaa diema nni, Leni wan den yayadi ba yaa diema nni kuli.› N baa goa ki cuani ba mi diema nni, Min den puni bi baanba yaa diema nni yeni.»

Jeremi 23:3

N baa taani n niba yaaba n sieni Min deli ba yaa dogi nni kuli N baa guani ba li yanloli nni. Bi baa maa ki go pugini hali boncianla.

Jeremi 23:8

Ama bi baa poli ki yedi: ‹Li Miali Diedo fo Wani yua ñani ki go guani Isalele buolu yaaba Ban den ye nijienu diema po Leni min den yayadi ba yaa diema buoli nni kuli.› Bi baa yaa ka bi diema nni.»

Jeremi 29:14

N baa teni yin le nni. Li Miali Diedo n yedi yeni. N baa teni yi yonbi n goa ki kpeni. N baa ñani yi min den gedini yi ti yonbidi yaa diema nni leni yin den yayadi ki ye yaa nibuolu leni yaa kaani kuli nni. N baa taani yi ki go kpenni yi min den deli ki ñani yi naani. Li Miali n yedi yeni.»

Jeremi 3:12

Gedi mani ki ban kpaani nijienu po ki yedi: Isalele “Kan sedi kaanyendu,” Li Miali Diedo yedi mine: ‹N kan go yaa pia apo nunbiadiga Kelima n yama dingi. Li Miali Diedo n yedi yeni. N pali mo kan go waagi ki be apo yogunu kuli.

Jeremi 3:18

Laa dana yaa niinni, Juda diegu yaaba leni Isalele diegu yaaba Baa taani ki yegi ki ña nijienu diema po, Min puni yi baanba yaa diema man tua bi faali yeni.»

Esekieli 20:34

N baa ñani yi leni n paaciamu yin yadi yadi ki ye yaa diema nni leni yin yadi ki ye yaa nilanbuoli siiga, ki taani yi ki wuli yipo n pabienli.

Esekieli 20:41

N yaa ñani yi yin den yadi yadi ki ye yaa nilanbuoli leni yaa dielanma siiga ki taani yi, n baa tuo ki ga yi pada, nani yaa padijuukaana yaa muñii n pia u nuulimanu yeni. Yeni yinba n baa teni yaa nilanbuoli n sieni n bandi ke n gagidi ki ŋani.

Esekieli 34:12

Nani o yankpaalo n yen goandi o yangoli ki bua ki cuani yaaba n yadi yadi maama, n baa yaa goandi n yandi moko yene. N baa gedi ki ban ñani ba i kaani kuli ki guani ba ku gbangbadigu leni li *biigili n den tieni yaa daali ki teni ke bi yadi yadi.

Esekieli 34:13

N baa ñani ba mi diema nibuoli siiga ki cuani ki kaani ba bi yaa diema nni. N baa yaa kpaa ba Isalele diema juana po, ti joaloandi nni, leni bi niba n ye mi diema nni yaa kaani kuli nni.

Esekieli 34:16

N baa lingi yua n bodi, ki guani yua n yaadi. N baa tieni u ñoagu ki go fini leni li cabili yua yaa taali n kua, ki paagi yua yia mo yaa gbanu. Ama n baa bolini yaaba n pia mi kpama ki go pia u fidu yeni. N baa yaa kpaa ba leni mi*teginma.»

Mise 4:6

Li Miali Diedo yedi: «Laa daali n baa goa ki taani n pe, yaaba n poagili, N baa goa ki taani ban den deli ki yadi yaaba, Min den faligi bani yaaba yeni.

Sofoni 3:19

Diidi, laa yogunu, n baa faligi yaaba n den mabindi yi, N baa faabi n niba, yaaba n ki baadi todima nani yaa pe n duugi, N baa goa ki kpeninni ban den gedini n niba yaaba ti yonbidi, N baa teni ban goa ki baa ti kpiagidi, bi yela mo n ña, Ban den laa i fe naankani kuli.

Sakari 2:6

N den buali o: «A caa le?» O den goa ki yedi nni ke wan caa Jelusalema, ki baa n biigi u dogu foagimu leni u pianu.

Matie 12:20

O kan kua ki dudi yaa ñinkankagili n diegi, O kan gbindi yaa fidisancabigu n ŋubidi, Hali wan baan teni mi teginma n paadi.

Jan n diani U Tienu Laabaaliŋamo maama 21:15

Ban den siibi ki gbeni, Jesu den buali Simono Pieli: «Jan bijua Simono, a sua ke a bua nni ki cie bine bi?» O den goa ki yedi o: «Mm, n Diedo, a bani ke n bua ŋa.» Jesu den yedi o: «Ŋan yaa kpaa n pebila.»

1 Korenti 8:10

Kelima o nilo yaa laa ke fini yua n pia mi bandima ka li budieli nni ki ŋmani ti padinandi, wani yua yaa pali siedi n tadi, li kan teni wan baa li papaali ki ŋmani ti padinandi yoo?

Mi Tiadima 30:4

Baa bi yaa gedini yi hali li ŋandunli banlu, Li Miali Diedo yi Tienu baa taani yi lanpo, o go baa gedi lanpo yo ki taa yi.

1 Tesaloniki 5:14

Ti kpiiba, ti go tundi ki mia yi yin tuodi ki yaa tundi yaaba n ye sindisindi yema, ki yaa paagidi yaaba yaa gbani n wudi, ki todi yaaba n tadigi, ki yaa pia li juunli leni bi niba kuli.

Hebilunba 12:12

Lanwani yin paagi mani yi nii yi n yoaligi, leni yi duna ya n tadigi.

Hebilunba 4:15

Kelima tii pia yaa kopadicianba bado n kan fidi ki gbadi tipo mi niñima ti tadingu nni. Bi den tulini o li bonla kuli nni nani tinba, ama waa den tieni *tuonbiadi.