Jeremi 31:38 - Gourmanchéma Bible

³⁸ Li Miali Diedo yedi: «Diidi a dana kpendi ke bi baa goa ki maa Jelusalema dogu mini Li Miali Diedo po, ki cili Ananeeli diefoagili kani ki yaa caa hali mi logidima buliñoabu.

U TIENU MAAMA TILI 2013

³⁸ O Diedo yedi: «A dana kpendi ke bi baa guani ki maa Jerusalemi dogu mini o Diedo po, ki cili Ananeeli diefoagili kani, ki yaa caa hali mi logidima buliñoabu.

Jeremi 31:38 ပူးပေါင်းရင်းမြစ်များ

2 Bi Badiba 14:13

Isalele diema bado den cuo Ahasia yaabili, Juda bado Amatisia, Joasi bijua Beti-Semesi dogu nni. O den cua Jelusalema ki mudi Jelusalema bilinciamu ke li foagimu pundi nukpanduna kobinaa ki cili Efilayima buliñoabu ki yaa caa hali i bilini n tuogi naani buliñoabu kani.

2 Bi Badiba Jama 26:9

Osiasi den maa a diefoaga Jelusalema, “ki Logidiga” buliñoabu po, leni ku “Joaloangu” buliñoabu po leni bilinlogidiga po.

Nehemi 2:17

N den yedi ba: «Yi laa tin ye leni yaa falaciamo. Jelusalema mumudi, mi fantama buoni u buliñoana. Cua mani tin goa ki maa Jelusalema bilinciamu ke tin da go ye leni i fe.»

Nehemi 3:1

Bi kopadicianba bado Eliasibi den fii, wani leni o kpiiba bi kopadicianba den maa i Pe Buliñoabu. Bi den gagidi bu U Tienu po, ki caani ti buliñoaluoditi. Bi den ŋanbi u bilinu ki pundi hali Meya Diefoagili, ki yaa caa hali Hananeeli Diefoagili.

Pisomi 102:17

Yeni de, Li Miali Diedo baa goa ki maa Siyono O baa doagidi o yuli o kpiagidi nni.

Esayi 44:28

N maadi Silusa ki yedi ke o tie n yankpaalo. O baa tiendi n yanbuama kuli. O baa yedi Jelusalema dogu po: ‹Ban goa ki maa u!› Ki go yedi U Tienu diegu po mo: ‹Ban cili ku tanpuuli!› »

Jeremi 23:5

Li Miali Diedo yedi: «Diidi a dana kpendi, N baa teni Dafidi buolu nni n maa ki bimoanga. O baa tie yaa bado n tuuni bonŋanla leni mi yanfuoma. Kelima o baa yaa tiendi yaa bujiali n tiegi Ki go tiegi mi diema nni.

Jeremi 30:18

Li Miali Diedo maadi nanda: «N goa ki kpenni Jakobo puoliŋuani yaaba n den ye ti yonbidi N juogi a diedi yaaba. Bi baa goa ki maa u dogu a diegbenbuokpela nni. Ki maa badidiegu ku kaankpelu nni.

Jeremi 31:27

Li Miali Diedo yedi: «Diidi a dana kpendi, ke n baa teni Isalele leni Juda diema nni, bi niba leni ti yandi n tua nani li bonludikaala yeni.

Jeremi 31:4

Yinba n niba Isalele yaaba, N baa goa ki mangi yi yema! Yi baa ña leni mu lonmu, Ki taani leni yaaba n jeli ki mangidi yi pala yaa siiga.

Jeremi 33:7

N baa teni Juda leni Isalele niba yaaba n ye ti yonbidi N guani, min goa ki kaani ba nani kpiama yeni.

Danieli 9:25

Lanwani ŋan bandi ki ga min baa yedi a yaala ne: A yaa cili ki coadi hali mi maama n ñani ki yedi ke Isalele yaaba baa goa ki kuni bi denpo, ke bi go baa goa ki maa Jelusalema, ki pundi hali o yudangagidika cuama, li baa yaa tie bina lele taalima lele. Bi go baa yaa maa Jelusalema ñiana ki go lindi yaala n baa yaa guu ŋa bu toabu po, lan pundi hali bina lele taalima piiluoba n milie. Ama li yogunu baa tie fala yogunu.

Sakari 14:10

Mi diema kuli baa tua nani Alaba tialu yeni. Ki cili nijienu po dogu Geba, Ki ban pundi hali ganu po dogu, Limoni. Jelusalema dogu baa yaa ye u kaanu, Ki ye naani n kpedi. U baa tandi, ki cili bani Benjamina buolu yaaba buliñoabu kani, Ki ban tuoni hali bu buliñoakpelibu, Ki bonlogidiga buliñoabu kani. U go baa tandi, ki cili hali Hananeeli doguuda dieli kani, Ki ban tuoni hali o bado duven bonluonkaala datuodikaanu kani.

Sakari 2:6

N den buali o: «A caa le?» O den goa ki yedi nni ke wan caa Jelusalema, ki baa n biigi u dogu foagimu leni u pianu.