Jeremi 31:34 - Gourmanchéma Bible

³⁴ Oba kan go bangi o yua. Oba kan go yedi o kpiilo: ‹Bandi mani Li Miali Diedo!› Kelima bikuli baa yaa bani nni, Ki cili yua n wa bi siiga ki ban taani o nikpelo, Li Miali Diedo n yedi yeni. N baa tieni sugili bi tagili po. N kan go tiadi bi tuonbiadi po.»

U TIENU MAAMA TILI 2013

³⁴ Oba kan go bangi oyua. Oba kan go yedi o kpiilo: ‹Bandi mani o Diedo!› Bikuli baa yaa bani nni, ki cili yua n wa bi siiga, ki ban taani o nikpelo. Mini o Diedo n yedi yeni. N baa tieni sugili bi tagili po. N kan go tiadi bi tuonbiadi po.»

Jeremi 31:34 ပူးပေါင်းရင်းမြစ်များ

1 Bi Badiba Jama 28:9

Lanwani fini, Salomono n bijua, ŋan bandi a baa Tienu, ki yaa tuuni opo leni payenli leni yantiayenli, kelima Li Miali Diedo bani a pala kuli ki diidi a yantiana kuli. A yaa lingi o, o baa tuo ŋan le o. Ama a yaa ŋa o, o mo baa lu ŋa yaa yogunu kuli po.

Pisomi 25:7

Ŋan da tiadi n panma nni *tuonbiadi leni n yiema. Tiadi npo kelima a ŋanbili po, Fini Li Miali Diedo yua n pia ti bulicindi.

Esayi 11:9

Biadima leni bolinmaba kan tieni Li Miali Diedo joagagidiŋanli po, Kelima mi diema nni yua kuli baa bandi Li Miali Diedo Nani mi ñincianma n gbie leni mi ñima maama yeni.

Esayi 29:24

Yaa niba n luo mi yama baa baa mi yanfuoma, Yaaba n den tie niyiekaaba mo baa baa i tundi.

Esayi 30:26

U cipienu baa yaa tie nani u yienu yenma yeni. U yienu mo baa yendi figilima lele ki pugini Nani dana lele yenma n baa taani ki yendi maama yeni. Li baa yaa tie Li Miali Diedo n baa buu o niba poagilima yaa daali, Ki paagi ba, ban den pua ki poagili ba naani.

Esayi 33:24

Mi diema nni oba kuli ki tua: «Mii pa.» Yaa nibuolu n ye Jelusalema baa sugili bi tagili po.

Esayi 33:6

A miali yema dana baa yaa pia mi yanduanma. Mi yama leni mi banma tie yaa ŋalimano n faabidi, Li Miali Diedo fangili mo n tie o ŋalimanmoano.

Esayi 38:17

N paboanli kpandi ki tua yemanma. Fini n kubi n miali ke min da pundi ku buogu nni. A luni n *tuonbiadi kuli a puoli po.

Esayi 43:25

Li tie mine, mini n duuni ki ñani yi tagili N kan go tiadi yi tuonbiadi po, Kelima min bua yi maama po.

Esayi 44:22

N bolini yi tagili nani ku tawaligu yeni Ki bolini yi *tuonbiadi mo nani ku gbangbadigu yeni. Goa ki cua mani n kani Kelima n den da ki faabi yi.

Esayi 52:6

Li tie lani yaa po ke n niba baa bandi n yeli. Li tie lani yaa po ke bi baa bandi laa daali Ke mini nba n maadi ki tua mini nne.› »

Esayi 54:13

A bijaba kuli baa tua Li Miali Diedo ŋoadikaaba. A bijaba baali mo baa yabidi.

Jeremi 24:7

N baa pa ba mi yanfuoma ki teni ban bandi ke n tie Li Miali Diedo. Bi baa yaa tie n niba, n mo baa yaa tie bi Tienu bi yaa guani n kani leni bi pala kuli.»

Jeremi 32:40

N baa kuani yaa ŋantaado n kan fidi hali abada leni ba. N kan go buli ki ŋa ba. N baa tieni ba mi ŋanma, N baa kuani n fangili bi pala nni Lani n tie ban da foagidi leni nni.

Jeremi 33:8

N baa ŋuudi ki ŋanbi ba Leni ban den tieni yaa *tuonbiadi kuli ki tudi npo. N baa tieni bipo sugili leni ban den tudi npo Ki tieni yaa tuonbiadi leni ban den fii npo leni yaa yiema.

Jeremi 50:20

Laa dana nni, Li Miali Diedo yedi: «Bi baa lingi Isalele tagili, Ama bi kan go le i. Juda tuonbiadi mo, bi kan le ti, Kelima min sieni yaaba, n baa tieni bipo sugili.

Jeremi 9:23

Yua n bua ki jigini o yuli, N jigini o yuli ke o pia mi yanfuoma ki bani nni. Ki bani ke n tie Li Miali Diedo. Yua n tiendi mi ŋanma, Yaa bujiali n tiegi leni yaala n tiegi ki tinga nni. Kelima min bua yaala n yeni.» Mini Li Miali Diedo n yedi yeni.

Ose Tili 2:20

Laa yogunu, n baa kuani n niba po o *ŋantaado Leni ti moayandi, Leni ti bonyugiditi Leni yaala n balini ki tinga po. N baa bolini mi diema nni a dabana, Mu jugisiemu leni ti toatiadi kuli, Ki teni n niba n yaa goa ke bi jigi mo n yaa co.

Mise 7:18

Ŋme n naani leni fini U Tienu, Fini yua n puuni a niba yaaba n sieni sugili bi tuonbiadi po? Ŋaa kubi a pabienli yogunu kuli, Kelima mi niñingbadima mani apo.

Mise 7:19

A go baa gbadi tipo mi niñima, Ki ŋma ti tuonbiadi a taana tiipo, Ki lu ti mi ñincianma tiipo.

Habakuki 2:14

Ki tinga niba baa gbie leni mi bandima, Yaala n tie Li Miali Diedo paalu leni o kpiagidi, Nani mi ñincianma n gbie mi kaanu maama yeni.

Matie 11:27

N Baa puni nni li bonla kuli bali. Oba kuli ki bani Bijua, li yaa tie Baa yaaka, oba kuli mo ki bani Baa, li yaa tie Bijua, leni wani Bijua n bua ki doagidi o yua yaa po yaaka.

Luki 1:77

Ki teni o niba n le o *tindima, Kelima o tieni bipo sugili bi *tuonbiadi po.

Jan n diani U Tienu Laabaaliŋamo maama 17:3

Line n tie yaa miali n kan gbeni, ke ban bandi a, fini yua bebe n tie U Tienu moamoani, ki go bandi ŋan soani yua, Jesu Kilisiti.

Jan n diani U Tienu Laabaaliŋamo maama 17:6

N doagidi a yeli ŋan den puni nni yaa niba kani ŋanduna siiga. Bi den tie a yaa yaaba, ke a den puni nni ba. Bi mo tuo ki kubi a maama.

Jan n diani U Tienu Laabaaliŋamo maama 6:45

Li diani bi sawalipuaba tila nni: U Tienu baa bangi o niba kuli. Yua n cengi Baa ki ga o bangima kuli, wani n baa cua n kani.

Jesu Tondiba Tuona 10:43

Bi sawalipuaba kuli maadi o maama ki yedi ke yua n tuo ki daani o kuli baa baa sugili o *tuonbiadi po kelima o yaa yeli po.»

2 Korenti 2:10

Yin tieni yua po sugili, n moko tieni opo sugili. Min tieni yaala po sugili, li yaa tie ke n pia min baa tieni yaala po sugili, n tieni la Kilisiti nintuali kelima yi yaa po,

2 Korenti 4:6

U Tienu yua n den yedi: «Mi yenma n yendi li *biigili nni,» teni ke mi yenma yendi ti pala nni, ki puni ti U Tienu kpiagidi yaa bandima yaadi n yendi Kilisiti nunga nni.

Efesa 1:7

Ti baa mi *daafaabima o niinni kelima o soama po, leni ti*tuonbiadi sugili nani o ŋanbili n yaba maama po.

1 Tesaloniki 4:9

Laa go tie tiladi min diani yipo ki waani yi yin yaa bua yi kpiiba, kelima U Tienu wani oba n bangi yi ke yin yaa bua yiyaba.

Hebilunba 5:12

Moala li bi pundi ke yinba n yaa tie bangikaaba, ama yi go baa bua ban yaa bangi yi mi bangicilikaama U Tienu maama bangima siiga. Kelima yi tua nani yaaba n da baa ñu mi naaŋanma bebe, ki kan fidi ki ga yaa jiema n juagi.

Hebilunba 8:11

Bi siiga oba kuli Kan go bangi o yieninlielo, Yaa ka o kpiilo ki yedi o: Bandi o Diedo. Kelima ki cili yaa biga n wa ki cie, Ki yaa caa hali yua n kpeli ki cie, Bikuli baa bandi nni.

Hebilunba 8:12

Kelima n baa tieni bipo sugili Bi tudima kuli po, Ki kan go tiadi bi *tuonbiadi po.»

1 Jan 2:20

Ama yinba wani, yi baa U Tienu Fuoma Yua, yua n teni ke yikuli pia mi bandima.

1 Jan 2:27

Ama yinba wani, yin den baa mi Fuoma yaama yeni, ye yi niinni ke laa go tie tiladi ban go bangi yi. Kelima mi Fuoma yaama n bangi yi li bonla kuli ki tie moamoandaano kaa tie faadaano. Lani yaa po yin yaa ye o niinni nani wan bangi yi maama.

1 Jan 5:20

Ti go bani ke U Tienu Bijua cua ki puni ti mi yanfuoma ke tin bandi yua n tie o Moamoandaano. Ti ye o Moamoandaano niinni ki go ye o Bijua Jesu Kilisiti yaa niinni. Wani n tie U Tienu i moamoani leni yaa miali n kan gbeni.

1 Samueli 2:12

Eli bijaba den tie yaa jaba n bia, baa den bani Li Miali Diedo.