Jeremi 31:19 - Gourmanchéma Bible

¹⁹ Ti den yaadi, ama ti biidi ti pala ki mia sugili. A teni ke ti bandi ti tagili Ti pua ti bena, i fe pia ti, Kelima tin den tieni yaala ti panma nni po.›

U TIENU MAAMA TILI 2013

¹⁹ Ti den yaadi, ama ti biidi ti pala ki mia sugili. A teni ke ti bandi ti tagili ki pua ti bena, I fe pia ti kelima tin den tieni yaala ti panma nni po.›

Jeremi 31:19 ပူးပေါင်းရင်းမြစ်များ

Esidirasi 9:6

ki yedi o: «N Tienu, i fe pia nni ke n yuli tiibi. N Tienu, n kan fidi ki yaadi n yuli ki diidi a. Kelima ti tagili yabidi hali ki milini ti, ti tuonbiadi dogini ki pundi tanpoli.

Jobi 13:26

Kelima a diani npo yaa maama n to Ki teni ke n tugi n panma nni tagili.

Jobi 20:11

O den paani ki go pia u fidu, Ama o baa taani leni lankuli ki duani mi tama nni.

Pisomi 119:67

Hali ke a daa den faligi nni, n den yaadi, Ama moala n kubi a maama.

Pisomi 25:7

Ŋan da tiadi n panma nni *tuonbiadi leni n yiema. Tiadi npo kelima a ŋanbili po, Fini Li Miali Diedo yua n pia ti bulicindi.

Esayi 54:4

Da jie liba kelima a kan go le fe. Da tiibi leni fe kelima bi kan go fiagi a, A baa sundi a jafandi yogunu. A kan go tia a kpepuodi yogunu fe.

Jeremi 22:21

Hali a yema n den mani apo yaa yogunu n den maadi leni a, Ama a den yie ke a kan cengi. A tagu nan li tie yene hali a panma nni Ŋaa cengi n nialu.

Jeremi 3:25

Ti fe n tie ti duankaagu Ti jigidima mo n tie ti kpalipinkaabu. Kelima tinba leni ti baanba, Ti tieni ti *tuonbiadi Li Miali Diedo ti Tienu po. Ki cili ti panma yogunu ki ban pundi hali dinla Tii cengi Li Miali Diedo ti Tienu yedima.

Jeremi 32:30

Kelima Isalele yaaba leni Juda yaaba Nan li tiendi yaala n ki mani npo hali bi panma nni. Isalele yaaba leni bi tuada li biidi n pali bebe. Li Miali Diedo n yedi yeni.

Esekieli 21:12

Lanwani bi yaa buali a: ‹Be yaa po ke a buudi?› Ŋan yedi ba: ‹Kelima laabaalibiado kpendi Yua n baa cie yua kuli jigi Yua kuli tugusoama baa sani Yua kuli gbanu mo baa jeli Yama kuli mo baa yagi O laabaalibiado yeni kpendi ne, o cua moko! O Diedo, Li Miali Diedo n yedi yeni.› »

Esekieli 21:17

Fini o ja ne, kpaani ki kuudi li paboanli kuudi! Kelima laa jugisiega pegidi ki baa n niba Ki go baa Isalele badijaba. Bi taani ki luni ba ki jugisiega po leni n niba. Li tie lani yaa po, ŋan pua a benli Ki doagidi ke suginmaba ki go ye.

Esekieli 23:3

Bi den conbi Ejipiti diema nni, Bi den conbi bi panma yogunu. Lanpo yo ke bi ŋmiani bi biina. Lanpo yo ke bi den cili ki taabi bi bena.

Esekieli 36:26

N baa pa yi papaana ki go kuani yi niinni yantiapaana. N baa ñani yi pala ya n juagi nani a tana yeni, ki lebidi ki pa yi yaa pala n dingi.

Esekieli 36:31

Lanwani yi baa yaa tiadi yi tagilibiadi yeni po, leni yi tuona ya n den gundi yeni po. Yi kan go fidi ki yaadi ki diidi yi yula kelima yi tagili leni yi tuongunda po.

Esekieli 6:9

Lanwani ban ban ye ti yonbidi yaa nibuolu siiga, Yi niba yaaba n faabi yeni, baa tiadi npo. Bi baa tiadi min den faligi ba maama Kelima bi pala ki den tiegi npo. Bi kan go pegidi bi nuni ki yaa nua i buli bebe. Bi kan go fidi ki diidi bi lieba nunmu nni, Kelima ban tieni yaa biadima po, Leni yaa cagindi buoli kuli po.

Sakari 12:10

U Tienu go yedi: «N baa gbieni Dafidi puoliŋuani leni Jelusalema yaaba yaaba n sieni, Leni mi niñima yantiali leni bu miabu yaa yantiali. Bi baa pegidi ki diidi mini, Ban den muu mini yua yeni. Li paboanli baa cuo ba, Nani bijayenyendo kuuma yaa paboanli yeni. Bi baa mua boncianla, Bi baa mua hali boncianla nani o nilo bijakpelo N yen kpe lan tua maama yeni.

Luki 15:30

Ama a bijua yua n ban dini a ŋalimano leni a poconcona yeni n goa ki kpeni, wani yaa po yo ke a kodi tin wubi yaa naatonbiwubidili.›

Luki 18:13

O lubigaalo yeni mo den poadi ki sedi foagima, kaa tuo ki baa yaadi ki noanli tanpoli. O den pua o benli ki yedi: ‹U Tienu, gbadi npo mi niñima, mini yua n tie ti *tuonbiadi daano.› »

LOMA YAABA 6:21

Moala yi jie i fe leni yin den tiendi yaala laa yogunu. Yi den baa be ñuadi laa bonla po? Laa bonla baa juodi mi kuuma.

Mi Tiadima 30:2

Yi yaa lebidi ki guani Li Miali Diedo yi Tienu kani, ki tuo o yedima leni yi pala kuli leni yi yama kuli, yinba leni yi bijaba kuli nani min bili yipo maama dinla.

2 Timote 2:25

Wan go yaa tie yua n tundi yaaba n yiedi opo leni mi dingima, ki yaa sugini U Tienu n pa ba ban lebidi bi yama, ki fidi ki bandi i moamoani,