Jeremi 31:16 - Gourmanchéma Bible

¹⁶ Li Miali Diedo maadi nanda: ‹Da mua, duuni ki ñani a ninsiidi Kelima a tuona baa baa i panpaani. Li Miali Diedo n yedi yeni. A bila baa ña bi yibalinba denpo ki kpeni.

U TIENU MAAMA TILI 2013

¹⁶ O Diedo yedi nanda: ‹Da mua, duuni ki ñani a nunsiidi Kelima a tuona baa baa i panpaani. Mini o Diedo n yedi yeni. A bila baa ña bi yibalinba denpo ki kpeni.

Jeremi 31:16 ပူးပေါင်းရင်းမြစ်များ

Mi cilima 43:31

Wan den faa o nunga yaa yogunu o go den ñani ki moandi ki kubi o yuli. O den yedi: «Cuani mi jiema tin je.»

Mi cilima 45:1

Josefi naa go den fidi ki kubi o yuli yaaba n den lindi o kuli nintuali. O den kpaani ki yedi: «Teni mani bi niba n kuli ña.» Oba kuli n ki go den ye leni Josefi yaa yogunu, o den teni ke o kpeliba leni o waalo bandi wan tie yua.

2 Bi Badiba Jama 15:7

Ama yinba, yin paagi mani yiba, ki da cedi yi gbani n wudi kelima yi baa baa i panpaani yi tuonli po.»

Pisomi 126:5

Yaaba n coagi leni ti ninsiidi Baa yendi leni li pamanli yigimi.

Pisomi 30:5

Yinba Li Miali Diedo ŋoadikaaba Yiini mani ki pagi o yeli. Kpiagi mani o yegagidikaali.

O Yanfuodaano 9:7

Lanwani, gedi ki yaa di a jiema leni pamanli, ki yaa ñu a daama ke a pali mani, kelima U Tienu mali ki saa a tuona po moamoani no.

Esayi 25:8

O bolini mi kuuma yaa yogu n tu yaa yogu kuli po. Li Miali Diedo U Tienu, o Diedo duundi mu nunmu kuli ninsiidi. O teni ke ki tinga nni kuli o niba fe kagidi Kelima Li Miali Diedo n maadi.

Esayi 30:19

Fini yaa nibuolu n kaa Siyono, Jelusalema dogu nni, A kan go buudi. Kelima o baa gbadi a niñima a yaa kuudi yaa yogunu. O yaa gbadi yaa yogunu mo, o baa guani apo.

Esayi 40:10

Diidi mani n Diedo, wani Li Miali Diedo, O kpendi leni u paaciamu O nuu paalu n baa teni wan diedi. Diidi o kubi o ŋmapani O panpaani mo ye o liiga.

Jeremi 23:3

N baa taani n niba yaaba n sieni Min deli ba yaa dogi nni kuli N baa guani ba li yanloli nni. Bi baa maa ki go pugini hali boncianla.

Jeremi 29:14

N baa teni yin le nni. Li Miali Diedo n yedi yeni. N baa teni yi yonbi n goa ki kpeni. N baa ñani yi min den gedini yi ti yonbidi yaa diema nni leni yin den yayadi ki ye yaa nibuolu leni yaa kaani kuli nni. N baa taani yi ki go kpenni yi min den deli ki ñani yi naani. Li Miali n yedi yeni.»

Jeremi 30:18

Li Miali Diedo maadi nanda: «N goa ki kpenni Jakobo puoliŋuani yaaba n den ye ti yonbidi N juogi a diedi yaaba. Bi baa goa ki maa u dogu a diegbenbuokpela nni. Ki maa badidiegu ku kaankpelu nni.

Jeremi 30:3

Diidi a dana kpendi, mini Li Miali Diedo n yedi ke n baa teni n niba Isalele yaaba leni Juda yaaba, yaaba n den ye ti yonbidi yeni n guani min den puni bi baanba yaa diema nni ban goa ki diedi ma yeni nni.»

Jeremi 33:11

I pamandanyani, i pamankandike yani, togibaa leni toginaa yani. Yi go baa gbadi ke bi niba yiini ki tua: ‹Pagi mani Li Miali Diedo U Paaciamu Kuli Daano Kelima o ŋani, o *ŋanbili mo ye hali yaa yogunu kuli!› Yi go baa gbadi yaaba n cuani i tuondi pada yani Li Miali Diedo diegu nni. Kelima n baa teni yaaba n den ye ti yonbidi n goa ki kpeni Min kaani ba nani kpiama yeni. Li Miali Diedo n yedi yeni.»

Jeremi 33:7

N baa teni Juda leni Isalele niba yaaba n ye ti yonbidi N guani, min goa ki kaani ba nani kpiama yeni.

Esekieli 37:21

Lani yaa puoli, a baa waani ba mini o Diedo, Li Miali Diedo n yedi yaala. N baa taani Isalele yaaba ban den ye yaa nilanbuoli siiga, ki ñani ba lipo, ki guani ki kaani ba bi yaa diema nni.

1 Tesaloniki 4:14

Li yaa tie ke ti daani ke Jesu den kpe ki go fii bi tinkpiba siiga, ti go daani ke U Tienu baa fiini kelima Jesu po, yaaba n daani o ki kpe kuli ki teni ban taani leni o.

Hebilunba 11:6

Oba kuli kan fidi ki mangi U Tienu pali kali li dandanli yaa po, kelima li tie tiladi ke yua n pundi U Tienu kani kuli n daani ke o ye ki baa pa yaaba n lingi o kuli i panpaani.

Hebilunba 6:10

U Tienu tiegi. O kan sundi yin den tieni yaala ki doagidi yi buama opo leni yin den todi bi *nigagidiŋanba ki go baa todi ba maama.

Ruti 2:12

Li Miali Diedo n guani a a ŋanma, nani ŋan tieni maama. Yeni de, wani Li Miali Diedo, Isalele yaaba n ŋua yaa Tienu, ŋan cua ki wuoni wani yua yaa kani, n guani apo a panpaani ki ŋanbi apo cain.»