Jeremi 31:13 - Gourmanchéma Bible

¹³ Lanwani bi jafanba baa jeli ki mangi bi pala Ki taani bi jawaaba leni a jakpela kuli. N baa teni bi paboanli n tua pamanli. N baa baagi ba. Bi falabiado yeni puoli po n baa teni bi pala n mangi.

U TIENU MAAMA TILI 2013

¹³ Lanwani, bi jafanba baa jeli ki mangi bi pala, Bani leni bi jawaaba leni a jakpela kuli. N baa teni bi paboanli n tua pamanli. N baa baagi ba. Bi falabiado yeni puoli po, N baa teni bi pala n mangi.

Jeremi 31:13 ပူးပေါင်းရင်းမြစ်များ

Esidirasi 6:22

Bi den jaani yaa dupen n ki pia *dabinli jaanma leni li pamanli hali dana lele. U Tienu den mangi bi pala kelima o den kuani Asili yaaba bado yama nni ke o todi ba leni wani Isalele yaaba Tienu diegu tuonli.

Nehemi 12:27

Jelusalema bilini gagidima *jaanma yogunu, bi den yini Lefi buolu yaaba ban ye naankani kuli ki cuani ba Jelusalema ke ban jaani i bilini gagidima jaanma leni ti pagidi leni i yani, ki pua mu lonmu, ti kogiditi leni ti kogidiciandi.

Nehemi 12:43

Laa daali bi den padi a pada boncianla ki mangi bi pala kelima U Tienu den puni Isalele yaaba li pamancianli. Bi puoba leni a bila moko den mangi bi pala. Lane bi niba den gbadi Jelusalema pamanli kpaani hali foagima.

Esiteri 9:22

kelima laa dana den tie ban den ga bi yula bi yibalinba kani ki faabi leni ba yaa dana. Laa ŋmaalo den tie bi pabiidili n den lebidi ki tua pamanli yaa ŋmaalo, bi paboanli daali den lebidi ki tua jaanma daali. Binli kuli bi den baa tieni mi jaanjiema ki je ki mangi bi pala laa dana, ki soani bi lieba po mi jiema, ki go pa a luoda bu paabu.

Pisomi 126:5

Yaaba n coagi leni ti ninsiidi Baa yendi leni li pamanli yigimi.

Pisomi 148:12

Pagi o mani, yinba bi jawaaba leni bi jafanba, A jakpela leni a bonwaala kuli!

Pisomi 149:3

Ban pagi o yeli leni mu ciamu Ki yiini ki jigini o leni ki longa leni ku kogidigu

Pisomi 30:11

Li Miali Diedo, gbadi npo mi niñima. Li Miali Diedo, tua n todika.

Esayi 12:1

Laa daali a baa yedi: «N pagi a yeli fini Li Miali Diedo Kelima a pali den beni npo, Ama a pali kuugi ke a baagi nni.

Esayi 35:10

Li Miali Diedo n daa ki faabi yaaba baa kpeni Bi baa pundi Siyono leni i jakoandiyani Yaa pamanli n kan gbeni abada baa yaa jagi bi yula po. Li pamanli leni i laayieni baa nagini Li pabiidili leni i figindi baa foagidi.

Esayi 51:11

Li Miali Diedo n faabi yaaba, baa lebidi ki kpeni yene. Bi baa pundi Siyono leni li pamanli yani Yaa pamanli n ki pia gbenma mo n baa yilini bi yula Li pamanli leni li pamankandikaali n baa sani ki cua. Li paboanli leni i figindi mo baa sani ki foagidi.

Esayi 51:3

Yeni, Li Miali Diedo gba Siyono po mi niñima. O gba yaaba n ye ti diegbendi nni po mi niñima. O baa teni o fanpienma mo n tua nani Edena yeni, O tialu mo n tua nani Li Miali Diedo sadingo yeni. Li pamanli leni li pamancianli baa ye o niinni, Leni ti pagidi yani leni i kogidimuani.

Esayi 60:20

A yienu kan go baa A ŋmaalo mo kan go kua Kelima Li Miali Diedo n baa tie a yenma yaa yogunu kuli po. Laa yogunu a kumoe dana baa gbeni.

Esayi 61:2

Ki kpaani ke Li Miali Diedo *ŋanbili binli cua Ki go kpaani ke wani ti Tienu pantuuli daali cua, Ki baagi yaaba n ye li paboanli nni kuli.

Esayi 61:3

N baa lebidi Siyono yaaba, Yaaba n ye li paboanli nni Ki pa ba ti kpiagidi lan lebidi mi fantanpienma kaanu Li pamanli tulale mo n ga li paboanli kaanu, Ti kpiagidi tiayiekaadi mo n ga li pabiidili kaanu Ke ban yaa yi ba mi *teginma ticiandi, Li Miali Diedo tiŋuuke, yi n baa doagidi o kpiagidi.

Jeremi 31:4

Yinba n niba Isalele yaaba, N baa goa ki mangi yi yema! Yi baa ña leni mu lonmu, Ki taani leni yaaba n jeli ki mangidi yi pala yaa siiga.

Jeremi 33:11

I pamandanyani, i pamankandike yani, togibaa leni toginaa yani. Yi go baa gbadi ke bi niba yiini ki tua: ‹Pagi mani Li Miali Diedo U Paaciamu Kuli Daano Kelima o ŋani, o *ŋanbili mo ye hali yaa yogunu kuli!› Yi go baa gbadi yaaba n cuani i tuondi pada yani Li Miali Diedo diegu nni. Kelima n baa teni yaaba n den ye ti yonbidi n goa ki kpeni Min kaani ba nani kpiama yeni. Li Miali Diedo n yedi yeni.»

Sakari 8:19

«Cinaa leni cimuu leni cilele leni cipiiga ŋmaali yi yaa niinni ke yi luo bu ñoabu yeni baa tua yinba Juda yaaba jaancianma, yaama n pia yipo li pamancianli. Ama yin yaa bua mani i moamoani leni mi yanduanma.»

Jan n diani U Tienu Laabaaliŋamo maama 16:22

Li baa tie yeni leni yinba moko. Moala li pabiidili cuo yi, ama n go baa le yi ke yi pala baa mangi. Oba kuli kan fie yikani laa pamanli.

Bi Bujiaba 21:21

ki yaa diidi. Silo jafanba yaa ti ñani ke bi baa jeli ki ciaga, yin pudi ki ña duven tiidi nni. Yua kuli n cuo jafanyendo ki kunni nni o Benjamina diema nni wan tua o pua.