Jeremi 31:12 - Gourmanchéma Bible

¹² Bi baa cua Siyono juali po ki yiini leni li pamanli Kelima Li Miali Diedo n baa pa yaa piama po. Man tie: *ŋalikama, mi dapanma, mi kpama, Ti yanbidi leni a yangbenga. Bi baa yaa tie nani ban kpidi yaa tikuanu yeni. Jawaandi kan go cuo ba.

U TIENU MAAMA TILI 2013

¹² Bi baa cua Siyon juali kani, Ki yiini leni li pamanli, Kelima o Diedo n baa pa yaa piama po. Mani n tie: ŋalikama, Mi dapanma, mi kpama, Ti yanbidi leni a yangbenga. Bi baa yaa tie nani ban kpidi yaa salidingo yeni. Jawaandi kan go cuo ba.

Jeremi 31:12 ပူးပေါင်းရင်းမြစ်များ

Pisomi 130:4

Ama sugili ye fini yaa kani. Lani n teni ke li pundi ban fangi a.

Esayi 1:30

Yi baa tua nani yin den padi yaa pada yaa tibu tinga ke bu faadi mali, Nani yaa tikuani n ki pia ñima yeni.

Esayi 35:10

Li Miali Diedo n daa ki faabi yaaba baa kpeni Bi baa pundi Siyono leni i jakoandiyani Yaa pamanli n kan gbeni abada baa yaa jagi bi yula po. Li pamanli leni i laayieni baa nagini Li pabiidili leni i figindi baa foagidi.

Esayi 51:11

Li Miali Diedo n faabi yaaba, baa lebidi ki kpeni yene. Bi baa pundi Siyono leni li pamanli yani Yaa pamanli n ki pia gbenma mo n baa yilini bi yula Li pamanli leni li pamankandikaali n baa sani ki cua. Li paboanli leni i figindi mo baa sani ki foagidi.

Esayi 52:8

Li tie a doguudiba yaa nialu, Bi kpedi bi nialu Bi taani ki yigini kelima bi paadi po, Kelima bi laa leni bi nuni, Ke Li Miali Diedo lebidi ki guani Siyono.

Esayi 58:11

Li Miali Diedo baa gobidi yi u yogunu kuli, Baa ñima n ki ye yaa tinga nni Li Miali Diedo baa guondi yi, Ki yaa puuni yi gbanu u fidu. Yi baa tie nani ban kpidi yaa sadinga yeni, Nani yaa ñinbunli yaa ñima n kan ñuudi yeni.

Esayi 60:20

A yienu kan go baa A ŋmaalo mo kan go kua Kelima Li Miali Diedo n baa tie a yenma yaa yogunu kuli po. Laa yogunu a kumoe dana baa gbeni.

Esayi 65:19

N baa teni Jelusalema n tua n pamancianli U niba mo n tua n pamanli. Bi kan go gbadi bubula leni kuudi u niinni.

Jeremi 3:14

Guani mani ne, yaaba n kan sedi kaanyendu, Li Miali Diedo n yedi yeni. Kelima mini n tie yi canbaa N baa gandi niyendo u naa dogu nni, Niba lie mo, u naa buolu nni, N baa guani yi Siyono po.

Jeremi 31:24

Lankane ke Juda leni o dogi yaaba kuli baa cua ki kali, ki taani leni a kpakpaaba, bi yankpaaba leni bi yangola kuli.

Jeremi 31:25

N baa paagi yaaba n coagi pala, ki pugini yaaba n tadigi mo u fidu.

Jeremi 31:4

Yinba n niba Isalele yaaba, N baa goa ki mangi yi yema! Yi baa ña leni mu lonmu, Ki taani leni yaaba n jeli ki mangidi yi pala yaa siiga.

Jeremi 31:6

Li daali didi go kpendi ke yaaba n guu u dogu baa yedi: ‹Fii mani tin gedi Siyono Li Miali Diedo ti Tienu po.› »

Jeremi 31:7

Kelima Li Miali Diedo yedi nanda: «Yiini mani Jakobo po leni li pamanli. Mangi mani yi pala i nibuoli nintuali. Teni ban gbadi yi niali, yin pagi o ki yedi: ‹Li Miali Diedo, faabi a niba Isalele yaaba, Yaaba n sieni!›

Jeremi 32:15

Kelima Li Miali Diedo U Paaciamu Kuli Daano, Isalele Tienu yedi: «Bi go baa yaa da ti diedi, i kuani leni duven tiidi kuani mi naa diema nni.»

Jeremi 33:12

Li Miali Diedo, U Paaciamu Kuli Daano yedi nanda: «Yaa kaanu n tie diegbena kaa pia niba, Kaa pia yandi leni li dogi nni kuli, A yanlola baa yaa ye bi yankpaaba po bi yandi n baa yaa ye naani.

Jeremi 33:13

A juana dogi nni, Sefela dogi nni, Niganu dogi nni, Benjamina dogi nni, Leni yaa dogi n gaani ki lindi Jelusalema leni Juda dogi nni kuli, Ti yanbidi go baa yaa ye yua coadi ba yaa nuu nni. Mini Li Miali Diedo n yedi yeni.»

Esekieli 17:23

N baa ŋu ga Isalele diema nni Yaa juali n kpedi ki cie a juana kuli yuli po. Ki baa toa i beni, ki luoni li bonluonkaala. Ki tua yaa sedili tibu n pia mi jawaama. I nuanbuoli kuli baa ye bu niinni. Bi baa yaa ye bu beni nni.

Esekieli 20:40

Kelima mini o Diedo, Li Miali Diedo yedi ke n joagagidikaali yaali n kpedi ki cie Isalele diema juana yeni po yo, ke Isalele yaaba kuli leni yaaba n ye mi diema nni kuli baa soani npo. Lankane n baa biali ba, ki ga yin ñani yaala npo, yaala n pia mayuli ki cie yi paabu nni leni yin gagidi npo yaala kuli.

Esekieli 34:14

N baa yaa kpaa ba li moabunŋanli nni. Bi yankpaakaanu baa tie Isalele diema juana po. Lankane bi baa yaa fuodi u yankpaakaanŋamu nni. Bi baa fidi ki yaa kpaa Isalele diema juana moabunŋanli nni.

Esekieli 36:30

N baa teni yi tiidi bonluonkaala leni i kuani kpaandi n pili ki pugini, ke mi koma n go da fiagidi yi i nilanbuoli siiga.

Ose Tili 3:5

Li yaa puoli bi baa lebidi ki cua ki lingi Li Miali Diedo, bi Tienu leni bi bado, Dafidi puoliŋuani siiga. Bi baa faa ki guani Li Miali Diedo kani leni li fangili, ki go baa o *ŋanbili.

Age Tili 2:19

Naani ŋalikama go sieni a buabuana nni? Baa duven tiidi, i kankandi, *gelenadie tiidi Leni *olifie tiidi ki luoni liba kuli. Ama, ki cili dinla ki ŋoadi dinla liiga, N baa seligi yi.»

Sakari 8:12

N baa teni mi yanduanma n tieni ki tinga po: Duven tiidi baa luoni, Ki tinga baa teni ti kpaandi n tieni, Ki taaga baa mi boncianla. N baa pa laa bonla kuli n niba yaaba n sieni.

Jan n diani U Tienu Laabaaliŋamo maama 16:22

Li baa tie yeni leni yinba moko. Moala li pabiidili cuo yi, ama n go baa le yi ke yi pala baa mangi. Oba kuli kan fie yikani laa pamanli.

LOMA YAABA 2:4

Bi a fali o ŋanbicianli leni o yansoangima leni o juunli ki naa faami ke U Tienu tieni apo li *ŋanbili ki bua ki gobidi a ŋan tuo ki lebidi a yama yoo?

Mi Doagidima 21:4

O baa duuni ki ñani ti ninsiidi kuli bi nuni nni. Mi kuuma kan go yaa ye, li paboanli, leni a bubula, leni mi funfunma moko kan go yaa ye, kelima li bonkpiala pendi.»

Mi Doagidima 7:17

Kelima ki Pebiga, yua n ye li bali kalikaanu siiga baa tie bi yankpaalo, ki gobidi ki caani ba li miali ñinbuna kani, U Tienu mo baa duuni ki ñani bi ninsiidi kuli bi nuni nni.»