Jeremi 31:1 - Gourmanchéma Bible

¹ Li Miali Diedo yedi: «N baa yaa tie Isalele yaaba kuli Tienu, Bi mo n yaa tie n niba.»

U TIENU MAAMA TILI 2013

¹ O Diedo yedi: «Li daali kpendi ke n baa yaa tie Isidayeli yaaba kuli Tienu, bimo n yaa tie n niba.»

Jeremi 31:1 ပူးပေါင်းရင်းမြစ်များ

2 Samueli 7:24

A gandi a niba Isalele yaaba ki bili ke ban yaa tie a yaa niba yaa yogunu kuli. Fini Li Miali Diedo, amo tua bi Tienu.

Pisomi 144:15

Li pamanli ye leni yaa nibuolu n baa laa *ŋanbili! Li pamanli ye leni yaa nibuolu ke Li Miali Diedo n tie bi Tienu!

Pisomi 48:14

Diidi mani u bilinciami bonŋanla, Ki yaa faami mani u kaanpaali bonŋanla. Lani n tie yin baa ki togidi yaa nifiima n baa fii,

Esayi 20:6

Yaaba n kaa li naa boanjaali kani baa yedi laa daali: ‹Diidi mani yaala n tieni tin den dugi yaaba yaa po ke bi baa faabi ti leni Asili bado! Timo baa tieni lede ki baa gaapo?› »

Esayi 41:10

Ŋan da jie Kelima n ye leni a. Ŋan da nua leni yanbani Kelima n tie a Tienu. N baa pugidi a fidu N baa cua ki todi a N kubi a leni n nijienu yu paani li bonla kuli.

Jeremi 23:6

O jama nni Juda diema baa baa mi *faabima Isalele diema baa yaa ye leni mi yanduanma. Diidi ban baa yini o maama: ‹Li Miali Diedo n tie ti *teginma.›

Jeremi 3:18

Laa dana yaa niinni, Juda diegu yaaba leni Isalele diegu yaaba Baa taani ki yegi ki ña nijienu diema po, Min puni yi baanba yaa diema man tua bi faali yeni.»

Jeremi 30:10

Fini n naacemo Jakobo, Da jie liba, Li Miali Diedo n yedi yeni. Isalele, da digibi ba! Kelima diidi n baa faabi a ki tinga nni Leni a puoliŋuani n ye ti yonbidi yaa diema nni. Jakobo baa guani ki mangi o pali Mi fuodima po leni mi yanduanma po. Oba kuli kan cua ki lengi o yama.

Jeremi 30:22

Yi baa tua n niba, N baa tua yi Tienu

Jeremi 30:24

Li Miali Diedo pabiencianli kan pegidi ki teli potogu, Hali wan baa tieni o pali nni wan jagi yaala. Li daali kpendi ke yi baa bandi lan bua ki yedi yaala.»

Jeremi 30:3

Diidi a dana kpendi, mini Li Miali Diedo n yedi ke n baa teni n niba Isalele yaaba leni Juda yaaba, yaaba n den ye ti yonbidi yeni n guani min den puni bi baanba yaa diema nni ban goa ki diedi ma yeni nni.»

Jeremi 31:33

Mini Li Miali Diedo yedi: «Diidi mini baa kuani yaa ŋantaado Leni Isalele diema yaaba. Laa dana yaa pendi N baa kuani n *balimaama bi yantiana nni. Ki diani ma bi pala nni. N baa tie bi Tienu, Bani mo baa tie n niba.

Jeremi 32:38

Bi baa yaa tie n niba, N mo baa yaa tie bi Tienu.

Jeremi 33:14

Li Miali Diedo yedi: «Diidi a dana kpendi ke n baa tieni Juda leni Isalele yaaba po Min den niani ba yaa ñoanianu yeni.

Jeremi 33:7

N baa teni Juda leni Isalele niba yaaba n ye ti yonbidi N guani, min goa ki kaani ba nani kpiama yeni.

Jeremi 50:4

Laa dana nni Li Miali Diedo yedi Ke Isalele yaaba leni Juda yaaba Baa taani ki yegi ki lebidi ki guani. Bi baa yaa cuoni ki mua ki lingi Li Miali Diedo bi Tienu.

Esekieli 11:20

Ke ban fidi ki yaa ŋua n ñoabona Ki yaa kubi ki go tiendi n mabilikaama. Bi baa tie n niba N mo baa tie bi Tienu.

Esekieli 34:24

Mini Li Miali Diedo n baa yaa tie bi Tienu, n naacemo Dafidi mo n baa tua bi bado. Mini Li Miali Diedo n maadi.

Esekieli 34:31

Yinba n tie n pe, n yangoli pe. Yi tie nisaalibe mini mo tie yi Tienu. O Diedo, Li Miali Diedo n yedi yeni.»

Esekieli 36:28

Yi baa yaa ye min den puni yi yaajanba yaa diema nni. Yi baa yaa tie n niba, n mo baa yaa tie yi Tienu.

Esekieli 39:22

Ki cili laa daali ki yaa caa hali yaa yoguni n kpendi po, Isalele buolu yaaba baa bandi ke n tie Li Miali Diedo bi Tienu.›

Esekieli 39:25

Lanwani o Diedo, Li Miali Diedo yedi mi ne: «Moala n baa guani Jakobo buolu Ban den cuo yaaba ti yonbidi yeni, Ki gbadi Isalele buolu po mi niñima. N baa yaa pia li *nunponli n yeli yaali n gagidi ki ŋani yeni po.

Levi 26:12

N baa yaa cuoni leni yi, n baa tie yi Tienu, yi mo baa tie n niba.

Sakari 13:9

N baa ŋaani bani yaaba n sieni ki fo yeni, Nani ban yen tieni ŋanjilifa leni wula mi fantama nni maama Ki ñani ti joagindi yeni. Bi baa yaa jaandi ki miadi nni, N baa yaa guandi bipo bi miabu. N baa yedi: ‹Bine n tie n niba.› Bimo n yedi: ‹Li Miali Diedo tie ti Tienu.› »

Jan n diani U Tienu Laabaaliŋamo maama 20:17

Jesu den yedi o: «Da sii nni, kelima n daa doni ki gedi n Baa po. Ama gedi n kpiiba po ki ban waani ba ke n baa do n Baa yua n tie yi moko Baa po, wani yua n tie mini leni yinba kuli Tienu yeni po.»

2 Korenti 6:16

U Tienu diegu pia be ŋantaado leni i *buli? Tinba mo n tie U Tienu yua n fo dieli, nani U Tienu wani oba n yedi maama: «N baa ye leni ba ki cuoni bi siiga ki tie bi Tienu, Bi mo baa tie n niba.

Hebilunba 12:16

Yin go fangi mani yi yula ke oba n da tie conconma daano, leni yua n fali yaala n gagidi nani Esayu yeni, yua n den kuadi o nikpedi kelima jeyenma po.