Jeremi 30:3 - Gourmanchéma Bible

³ Diidi a dana kpendi, mini Li Miali Diedo n yedi ke n baa teni n niba Isalele yaaba leni Juda yaaba, yaaba n den ye ti yonbidi yeni n guani min den puni bi baanba yaa diema nni ban goa ki diedi ma yeni nni.»

U TIENU MAAMA TILI 2013

³ A dana kpendi, mini o Diedo n yedi ke n baa teni n niba Isidayeli leni Juda yaaba, yaaba n den ye ti yonbidi yeni n guani min den puni bi baanba yaa diema nni. N baa teni ban guani ki diedi ma.» Mini o Diedo n yedi yeni.

Jeremi 30:3 ပူးပေါင်းရင်းမြစ်များ

Esidirasi 3:1

Cilele n den ñani, Isalele niba, yaaba n den ye bi dogi nni kuli den fii ki taani ki tu ñoabu ki gedi Jelusalema.

Esidirasi 3:12

Ama bi kopadicianba leni Lefi buolu yaaba leni bi diedanba siiga, bi nitianba, yaaba n den kpeligi ki laa ku diekpiagu, den buudi boncianla ban den cili laa dieli tanpuuli bi nunbu nni yaa yogunu. Nitoaba boncianla mo den kpaani li pamancianli kpaani,

Esidirasi 3:8

Ban den goa ki kpeni Jelusalema, Li Miali Diedo diegu n ye yaa dogu nni, bi binlieli cilielo nni, Seyalitieli bijua Solobabeli leni Jotisadaki bijua Josue leni bi kpiiba bi kopadicianba leni Lefi buolu yaaba leni yaaba n den taani leni ba ki ñani ti yonbidi nni ki kpeni Jelusalema kuli den cili li tuonli. Bi den puogi Lefi buolu yaaba, yaaba n pia bina piilie leni yaaba n cie yeni kuli ban yaa gobidi Li Miali Diedo diegu tuonli.

Pisomi 126:4

Li Miali Diedo, ñani ti niba li yonbifuali ki guani ba Nani yaa kpeni n kuodi n yen goa ki baa mi ñima maama yeni.

Pisomi 53:6

Lankane ke bi digibi kelima ti jawaandi po, Ke puu kuli naa jieni ba. U Tienu baa pua ki yadi yaa niba n cua ki jiidi Ki baa tuogi leni a yeni kpaba. N baa teni ban le i fe kelima U Tienu luni ba.

Jeremi 16:15

Ama bi baa yedi: ‹Li Miali Diedo fo wani yua ñani Isalele yaaba Nijienu po yaa diema nni, Leni wan den yayadi ba yaa diema nni kuli.› N baa goa ki cuani ba mi diema nni, Min den puni bi baanba yaa diema nni yeni.»

Jeremi 23:5

Li Miali Diedo yedi: «Diidi a dana kpendi, N baa teni Dafidi buolu nni n maa ki bimoanga. O baa tie yaa bado n tuuni bonŋanla leni mi yanfuoma. Kelima o baa yaa tiendi yaa bujiali n tiegi Ki go tiegi mi diema nni.

Jeremi 27:11

Li Miali Diedo yedi ke yaa nibuolu n baa teni u tulu Babilona bado ti yonbidi po, ki baa soani opo, n baa pa u mi fuodima o diema nni. Lani n tie li niba n ko bu kpaabu ki go kali mi diema nni.

Jeremi 27:22

‹Bi baa gedini tikuli Babilona, tin yaa ye lipo hali yaa yogunu ke n baa mua tipo mi jama. Li Miali Diedo n yedi yeni. N baa gobidi ki goa ki kpenni ti nekanba yaa kaanu n tie na.› » Lani n tie Li Miali Diedo n yedi yaala n yeni.

Jeremi 29:10

Ama mini Li Miali Diedo yedi nanda: «Diidi mani bina piilele yaa pendi Babilona po, n baa cua ki todi yi ki kuani yipo min den niani yi yaa ñoanianu. N baa ñani yi Babilona po ki guani yi Jelusalema po.

Jeremi 29:14

N baa teni yin le nni. Li Miali Diedo n yedi yeni. N baa teni yi yonbi n goa ki kpeni. N baa ñani yi min den gedini yi ti yonbidi yaa diema nni leni yin den yayadi ki ye yaa nibuolu leni yaa kaani kuli nni. N baa taani yi ki go kpenni yi min den deli ki ñani yi naani. Li Miali n yedi yeni.»

Jeremi 3:18

Laa dana yaa niinni, Juda diegu yaaba leni Isalele diegu yaaba Baa taani ki yegi ki ña nijienu diema po, Min puni yi baanba yaa diema man tua bi faali yeni.»

Jeremi 30:10

Fini n naacemo Jakobo, Da jie liba, Li Miali Diedo n yedi yeni. Isalele, da digibi ba! Kelima diidi n baa faabi a ki tinga nni Leni a puoliŋuani n ye ti yonbidi yaa diema nni. Jakobo baa guani ki mangi o pali Mi fuodima po leni mi yanduanma po. Oba kuli kan cua ki lengi o yama.

Jeremi 30:18

Li Miali Diedo maadi nanda: «N goa ki kpenni Jakobo puoliŋuani yaaba n den ye ti yonbidi N juogi a diedi yaaba. Bi baa goa ki maa u dogu a diegbenbuokpela nni. Ki maa badidiegu ku kaankpelu nni.

Jeremi 30:4

Diidi mani Li Miali Diedo n maadi yaa maama Isalele leni Juda po.

Jeremi 31:16

Li Miali Diedo maadi nanda: ‹Da mua, duuni ki ñani a ninsiidi Kelima a tuona baa baa i panpaani. Li Miali Diedo n yedi yeni. A bila baa ña bi yibalinba denpo ki kpeni.

Jeremi 31:23

Li Miali Diedo U Paaciamu Kuli Daano, Isalele Tienu maadi yaa maama n tie na: «Diidi mani ban go baa yedi yaala Juda diema leni mi dogi, min baa teni bi yonbi n goa ki kpeni yaa yogunu: ‹Fini mi teginma diegu, mi gagidiŋanma juali, Li Miali Diedo n seligi a!›

Jeremi 31:27

Li Miali Diedo yedi: «Diidi a dana kpendi, ke n baa teni Isalele leni Juda diema nni, bi niba leni ti yandi n tua nani li bonludikaala yeni.

Jeremi 31:31

Li Miali Diedo yedi: «Diidi u yogunu kpendi ke n baa kuani yaa ŋantaado n paani leni Isalele leni Juda buolu yaaba.

Jeremi 31:38

Li Miali Diedo yedi: «Diidi a dana kpendi ke bi baa goa ki maa Jelusalema dogu mini Li Miali Diedo po, ki cili Ananeeli diefoagili kani ki yaa caa hali mi logidima buliñoabu.

Jeremi 32:37

Diidi n baa taani ba min den yayadi ba yaa dogi nni kuli N pabienli, n mutuoli, n pabiidili Leni n pali n den boandi bipo yaa yogunu. N baa guani ba nekanba ki teni ban yaa ye leni mi yanduanma.

Jeremi 32:44

Bi baa da i kuani yeni leni i ligi Ki diani li tili mi daama yogunu. Bi baa tieni ŋa mi maalima, ki lingi siedinba Benjamina diema nni, Jelusalema dogu lindima, Juda dogi nni, a juana dogi nni, Sefela dogi nni leni Niganu dogi nni, Kelima n baa teni bi yonbi n goa ki kpeni.› Li Miali Diedo n yedi yeni.»

Jeremi 33:26

Lanwani n bi baa fidi ki ŋa Jakobo leni n naacemo Dafidi puoliŋuani Ki da go gandi bi puoliŋuanu siiga yaaba n baa gobidi Abalahama, Isaaka leni Jakobo puoliŋuani. N baa teni bi niba yaaba n gedi ti yonbidi n kpeni. N baa gbadi bipo mi niñima.› »

Jeremi 51:60

Jelemi den diani li tili nni yaa fala n den baa ŋma Babilona. Laa maama kuli den diani li tili nni Babilona po.

Esekieli 20:42

Yinba mo, n yaa gobidi yi ki kuani yi Isalele diema nni, min den yugidi n nuu ki poli ki niani ke n baa pa yi baanba yaama yeni, yi baa bandi ke n tie Li Miali Diedo.

Esekieli 34:13

N baa ñani ba mi diema nibuoli siiga ki cuani ki kaani ba bi yaa diema nni. N baa yaa kpaa ba Isalele diema juana po, ti joaloandi nni, leni bi niba n ye mi diema nni yaa kaani kuli nni.

Esekieli 36:24

N baa ñani yi dielanma nni i nilanbuoli siiga, ki cuani yi ki taani yi, yi yaa diema nni.

Esekieli 47:14

Yi baa boagidi mi diema maama ke oba kuli n da luo o yaa biinu nani min den yugidi n nuu ki poli ke n baa pa ma yi yaajanba maama. Laa diema n baa tua yi faali.

Joeli 3:1

Li yaa puoli n baa teni n Fuoma n jiidi Ki yayadi bi nisaaliba kuli po. Yi bijaba leni yi bisiaba baa pua sawali. Yi jakpela baa dangi ti dangidi. Yi jawaaba mo baa baa li bonlekaala.

Sofoni 2:7

Juda niba yaaba n ciadi baa diedi laa kaanu, Bi baa yaa kpa bi yandi lankani. Ku juogu yaa yen baa mo, Bi baa n dua Asikaloni dogu yaa diena nni, Kelima Li Miali Diedo bi Tienu baa ŋanbi bipo, Ki teni bi niba yaaba n den ye ti yonbidi yeni n goa ki kpeni.»

Sofoni 3:20

Laa yogunu, n baa goa ki kpeninni yi, Li baa yaa tie min baa goa ki taani yi yaa yogunu. Yi baa le ke n lebidi yi yema, N baa teni yin goa ki baa ti kpiagidi, Yi yela mo n ña, Li ŋandunli nibuoli kuli nni.» Li Miali Diedo n yedi yeni.

Luki 17:22

Lani Jesu den yedi o ŋoadikaaba: «A dana kpendi ke yi baa bua hali boncianla ki le o *Ja Bijua dana siiga baa dayenli, ki nan kan le.

Luki 19:43

Fala dana baa cua apo, a yibalinba baa kpa li nagili ki lindi ki cebini a ki baa ŋa,

Luki 21:6

«A dana baa ti cua ke yin nua yaala na, bi kan ti ŋa baa tanyenli kan sieni ki yaa maa li lieli po, ke a kuli naa padi ki baa.»

Mi Tiadima 30:3

Lanwani, Li Miali Diedo baa guani yi niba yaaba n den ye ti yonbidi kuli, ki gbadi yipo mi niñima ki goa ki taani yi ki ñani yi Li Miali Diedo yi Tienu n den yadi yadi yi yaa diema nni.

Mi Tiadima 30:5

Li Miali Diedo yi Tienu baa teni yin guani yi baanba n den die yaa diema nni, ke yi mo n go diedi ma. O baa tieni yi mi ŋanma ki teni yin yabidi ki cie yi baanba.

Hebilunba 8:8

Ama li tie nani ke o Diedo jaligi o niba ki yedi: «Diidi, u yogunu kpendi Ke n baa kuani yaa ŋantaado n paani Leni Isalele leni Juda buoli yaaba siiga O Diedo n yedi yeni.