Jeremi 30:19 - Gourmanchéma Bible

¹⁹ Bi siiga nni i pamandanyani leni i yigimi baa fii ki loli. N baa teni ban pugini boncianla, bi kan wadi. N baa kpiagi ba, bi kan go le yualu.

U TIENU MAAMA TILI 2013

¹⁹ Bi siiga nni i pamandanyani Leni i yigimi baa fii ki loli. N baa teni ban pugini boncianla, Bi kan go wadi. N baa kpiagi ba, bi kan go le yualu.

Jeremi 30:19 ပူးပေါင်းရင်းမြစ်များ

Esidirasi 6:22

Bi den jaani yaa dupen n ki pia *dabinli jaanma leni li pamanli hali dana lele. U Tienu den mangi bi pala kelima o den kuani Asili yaaba bado yama nni ke o todi ba leni wani Isalele yaaba Tienu diegu tuonli.

Nehemi 8:12

Lanwani bi niba kuli den kuni ki ban dini ki go ñuni, ki soani mi jiema yaaba n ki pia po, ki mangi bi pala boncianla, kelima bi den ga ban den bundi bipo yaa maama.

Nehemi 8:17

Yaa nitaanli n den ñani ti yonbidi kuli den tii a koasuga ki ye a niinni. Ki cili Nuni bijua Josue yogunu, ki pundi hali laa daali, Isalele buolu yaaba naa den jaani laa jaanma buolu. Bi den mangi bi pala hali boncianla.

Pisomi 53:6

Lankane ke bi digibi kelima ti jawaandi po, Ke puu kuli naa jieni ba. U Tienu baa pua ki yadi yaa niba n cua ki jiidi Ki baa tuogi leni a yeni kpaba. N baa teni ban le i fe kelima U Tienu luni ba.

Esayi 12:1

Laa daali a baa yedi: «N pagi a yeli fini Li Miali Diedo Kelima a pali den beni npo, Ama a pali kuugi ke a baagi nni.

Esayi 26:15

Li Miali Diedo, a pugini ti buolu! Yeni de, a pugini ti buolu! Lani yaa po ke a baa ti kpiagidi! A diadi mi diema tinbiani kuli.

Esayi 27:6

Yaa yogunu n kpendi po Jakobo baa pa i jiini Isalele n tieni aŋuada leni mi puuma. O baa gbieni li ŋandunli leni o bonluonkaala.

Esayi 35:10

Li Miali Diedo n daa ki faabi yaaba baa kpeni Bi baa pundi Siyono leni i jakoandiyani Yaa pamanli n kan gbeni abada baa yaa jagi bi yula po. Li pamanli leni i laayieni baa nagini Li pabiidili leni i figindi baa foagidi.

Esayi 51:11

Li Miali Diedo n faabi yaaba, baa lebidi ki kpeni yene. Bi baa pundi Siyono leni li pamanli yani Yaa pamanli n ki pia gbenma mo n baa yilini bi yula Li pamanli leni li pamankandikaali n baa sani ki cua. Li paboanli leni i figindi mo baa sani ki foagidi.

Esayi 51:3

Yeni, Li Miali Diedo gba Siyono po mi niñima. O gba yaaba n ye ti diegbendi nni po mi niñima. O baa teni o fanpienma mo n tua nani Edena yeni, O tialu mo n tua nani Li Miali Diedo sadingo yeni. Li pamanli leni li pamancianli baa ye o niinni, Leni ti pagidi yani leni i kogidimuani.

Esayi 52:9

Yinba Jelusalema diegbena yaaba Taani ki yigini mani mi paadima yigimi, Kelima Li Miali Diedo baagi o niba Ki da ki faabi Jelusalema.

Esayi 55:5

Diidi a baa yini ŋan daa bani yaa nibuolu Yaa nibuolu mo n ki bani a, N baa sani ki cua a kani, Kelima Li Miali Diedo a Tienu po, Leni Isalele Tienu Yua n Gagidi ki ŋani N puuni a yaa jigidi yaa po.

Esayi 60:19

U yienu ka go baa yendi apo u yensiinu, O ŋmaalo mo ka go baa yendi apo ku ñiagu. Ama Li Miali Diedo n baa tie a yenma yaa yogunu kuli po. A Tienu mo n baa tie a kpiagidi.

Esayi 60:22

Bi siiga yua n wa ki cie baa tua niba tudili Yua n tadi ki cie mo n tua yaa nibuolu n pia u paalu. Mini Li Miali Diedo n baa teni laa bonla kuli n jaligi ki cua li yogunu yaa pundi.

Esayi 60:9

Kelima a kpendega yaaba dugi n yaa po. Talisisi yaa ñinbiaciandi mo n tugi yuli Ki baa ñani yi bila hali foagima ki kpenni n ba Leni bi ŋanjilifa leni bi wula, Kelima Li Miali Diedo a Tienu yeli po Leni Isalele Tienu Yua n Gagidi ki ŋani, Yua n jigini a yeni po.

Jeremi 17:26

Bi niba baa ña Juda dogi leni yi n gaani ki lindi Jelusalema, Benjamina diema dogi, Sefela po li juali leni niganu po yaaba. Bi baa cuani a padijuukaana, a pada, bu paabu, a *dugibila leni i tuondi pada Li Miali Diedo diegu nni.

Jeremi 3:16

Yi yaa pili ki gbieni mi diema yaa yogunu, Laa yogunu bi kan go yaa maadi Li Miali Diedo *ŋantaadikpaku maama. Bi kan go tiadi kupo Oba kuli kan go maadi baa ku maama. Bi kan go faami ku kaayema po, Bi kan go tieni bontoagu mo.

Jeremi 31:27

Li Miali Diedo yedi: «Diidi a dana kpendi, ke n baa teni Isalele leni Juda diema nni, bi niba leni ti yandi n tua nani li bonludikaala yeni.

Jeremi 31:4

Yinba n niba Isalele yaaba, N baa goa ki mangi yi yema! Yi baa ña leni mu lonmu, Ki taani leni yaaba n jeli ki mangidi yi pala yaa siiga.

Jeremi 33:22

Nani ban kan fidi coadi tanpoli ŋmabila maama kelima a yabinu po, Bi ki biigi mi ñincianma tanbiima maama yeni, Moko n baa teni n naacemo Dafidi puoliŋuani Leni bani Lefi buolu yaaba, yaaba n tuuni npo n pili yene.»

Esekieli 36:37

Mini o Diedo, Li Miali Diedo yedi mi ne: «N baa teni Isalele yaaba n goa ki mia n todima, min go cengi ba, ki teni ban pili nani u yanpagu yeni.

Esekieli 37:10

N den pua sawali nani wan den teni nni yaa ñoabonli n den yedi maama. Lanwani li miali fuoma den cua ki kua bi tinkpiba yeni niinni ke bi faadi ki fii ki sedi. Li den tie yaa toagoli n yaba hali hali boncianla.

Esekieli 37:26

N baa kuani leni ba mi yanduanma *ŋantaado, yua n baa yaa ye yaa yogunu kuli po. N baa teni n*kaangagidiŋamu n yaa ye bi siiga yaa yogunu kuli po, ki kaani ba ki go teni ban pili ki pugini.

Sakari 10:8

N baa teni ban kpaani ki taani n niba. Min faabi ba, Ki teni ban yabidi nani ban den kpa yabidi maama.

Sakari 12:8

Laa yogunu n baa kubi Jelusalema yaaba, Baa bi siiga yua n tadi ki cie Baa yaa pia u fidu nani Dafidi yeni. Dafidi puoliŋuani baa yaa tie nani U Tienu yeni, Nani Li Miali Diedo maleki yua n ye bi liiga yeni.

Sakari 2:4

N den buali o: «Bi cua ki tiendi be?» O den goa ki yedi: «Bi cua ki baa jieni ki go bolini yaa nilanbuoli n den yadi Juda diema yaaba, hali maama ke baa niyendo ki den ye yua n baa fidi ki mua jama.»

Sakari 8:19

«Cinaa leni cimuu leni cilele leni cipiiga ŋmaali yi yaa niinni ke yi luo bu ñoabu yeni baa tua yinba Juda yaaba jaancianma, yaama n pia yipo li pamancianli. Ama yin yaa bua mani i moamoani leni mi yanduanma.»

Jan n diani U Tienu Laabaaliŋamo maama 17:22

N puni ba ŋan puni nni yaa kpiagidi ke ban yaa tie yendo nani tinba n tie yendo maama.

1 Pieri 1:7

Laa bonla cua ki baa doagidi yi dandanli n moani maama. Wula, baa ke o tie bonmoanla, baa fidi ki biidi, ama bi yen biigi o leni mi fantama. Li tie yenma leni yi dandanli, yaala n tie bonmoanla ki cie wula ban baa biigi yaali ki bandi lin moani maama, ke yin baa ti pagidi leni ti kpiagidi leni ti jigidi Jesu Kilisiti n baa doagidi yaa yogunu.