Jeremi 30:18 - Gourmanchéma Bible

¹⁸ Li Miali Diedo maadi nanda: «N goa ki kpenni Jakobo puoliŋuani yaaba n den ye ti yonbidi N juogi a diedi yaaba. Bi baa goa ki maa u dogu a diegbenbuokpela nni. Ki maa badidiegu ku kaankpelu nni.

U TIENU MAAMA TILI 2013

¹⁸ O Diedo maadi mine: «N guani ki kpeninni Jakob puoliŋuani Yaaba n den ye ti yonbidi, Ki juogi a diedi yaaba. Bi baa guani ki maa u dogu, A diegbenbuokpela nni. Ki maa badidiegu ku kaankpelu nni.

Jeremi 30:18 ပူးပေါင်းရင်းမြစ်များ

1 Bi Badiba Jama 29:1

O bado Dafidi den yedi li nitaanli kuli: «N bijua Salomono, U Tienu n gandi wani bebe yua yeni tie biga ki daa pia fidu, ke li tuonli mo nan yaba hali boncianla kelima ku naa diegu naa tie nisaalo po ka, ama Li Miali Diedo U Tienu po.

1 Bi Badiba Jama 29:19

Pa n bijua Salomono payenli ke wan kubi a bali maama, a ñoamabona leni a mabilikaama, lani n tie wan tieni lan yedi yaala, ke wan maa apo min den bogini yaa diegu yaa tiadi yeni.»

Nehemi 7:4

Jelusalema dogu den pia mi fanma boncianla ki go yaba, ama u niba naa den fuu, ti diedi mo ki den maa.

Pisomi 102:13

Ama fini Li Miali Diedo, a tie bade yaa yogunu kuli, Fini n li tie U Tienu nifiima n tu nifiima.

Pisomi 102:14

A baa fii ki gbadi Siyono dogu po mi niñima, Kelima ŋan den bili ke a baa tieni upo Li *ŋanbili yaa yogunu yeni pundi.

Pisomi 122:7

Mi yanduanma n yaa ye a dogu tugu nni. Mi yanduanma n yaa ye a badidiegu nni.

Pisomi 48:13

Goadi mani Siyono dogu nni, ki go lindi u. Coadi mani u toadiefoaga kuli.

Pisomi 48:3

Li juali yeni ŋani, ŋanduna kuli pali mani lipo, Lini Siyono juali. Siyono juali ye nijienu po, Siyono n tie o badiciamo dogu.

Pisomi 78:69

O den maa o kaangagidiŋamu ke u pa nani yaa kaani n kpedi Nani wan den tagi ki tinga yaaga yaa yogunu kuli po yeni.

Pisomi 85:1

Bi yanyanba yudaano yani siiga yanbu. Kole buolu yaaba yanbu.

Esayi 44:26

N saagi o naacemo maama po moamoani. N tonda n pua sawali yaali yaa po mo, o tiendi la. N yedi Jelusalema dogu po: ‹U baa goa ki baa bi niba,› Ki go yedi Juda diema dogi mo: ‹Bi baa goa ki maa bi diebuona.›

Esayi 44:28

N maadi Silusa ki yedi ke o tie n yankpaalo. O baa tiendi n yanbuama kuli. O baa yedi Jelusalema dogu po: ‹Ban goa ki maa u!› Ki go yedi U Tienu diegu po mo: ‹Ban cili ku tanpuuli!› »

Jeremi 23:3

N baa taani n niba yaaba n sieni Min deli ba yaa dogi nni kuli N baa guani ba li yanloli nni. Bi baa maa ki go pugini hali boncianla.

Jeremi 29:11

Mini Li Miali Diedo yedi: N bani min jagi yipo yaala. N jagi yipo yaala n ŋani. Mii jagi yipo yaala n bia ka. Lani n tie yin baa mi suginma saala po.

Jeremi 29:14

N baa teni yin le nni. Li Miali Diedo n yedi yeni. N baa teni yi yonbi n goa ki kpeni. N baa ñani yi min den gedini yi ti yonbidi yaa diema nni leni yin den yayadi ki ye yaa nibuolu leni yaa kaani kuli nni. N baa taani yi ki go kpenni yi min den deli ki ñani yi naani. Li Miali n yedi yeni.»

Jeremi 30:3

Diidi a dana kpendi, mini Li Miali Diedo n yedi ke n baa teni n niba Isalele yaaba leni Juda yaaba, yaaba n den ye ti yonbidi yeni n guani min den puni bi baanba yaa diema nni ban goa ki diedi ma yeni nni.»

Jeremi 31:23

Li Miali Diedo U Paaciamu Kuli Daano, Isalele Tienu maadi yaa maama n tie na: «Diidi mani ban go baa yedi yaala Juda diema leni mi dogi, min baa teni bi yonbi n goa ki kpeni yaa yogunu: ‹Fini mi teginma diegu, mi gagidiŋanma juali, Li Miali Diedo n seligi a!›

Jeremi 31:38

Li Miali Diedo yedi: «Diidi a dana kpendi ke bi baa goa ki maa Jelusalema dogu mini Li Miali Diedo po, ki cili Ananeeli diefoagili kani ki yaa caa hali mi logidima buliñoabu.

Jeremi 31:4

Yinba n niba Isalele yaaba, N baa goa ki mangi yi yema! Yi baa ña leni mu lonmu, Ki taani leni yaaba n jeli ki mangidi yi pala yaa siiga.

Jeremi 31:40

Bi baa biigi bi tinkpiba leni mi fantanpienma joaloangu ki taani leni yaa fanma n bili ki ban pundi hali Sediloni joaloangu ki ban tu i taami buliñoabu nijienu po. Bi baa taa likuli ki gagidi ki ŋanbi Li Miali Diedo po. Bi kan go tudi ki lu la, ki buali ban bolini la.»

Jeremi 32:15

Kelima Li Miali Diedo U Paaciamu Kuli Daano, Isalele Tienu yedi: «Bi go baa yaa da ti diedi, i kuani leni duven tiidi kuani mi naa diema nni.»

Jeremi 32:44

Bi baa da i kuani yeni leni i ligi Ki diani li tili mi daama yogunu. Bi baa tieni ŋa mi maalima, ki lingi siedinba Benjamina diema nni, Jelusalema dogu lindima, Juda dogi nni, a juana dogi nni, Sefela dogi nni leni Niganu dogi nni, Kelima n baa teni bi yonbi n goa ki kpeni.› Li Miali Diedo n yedi yeni.»

Jeremi 33:11

I pamandanyani, i pamankandike yani, togibaa leni toginaa yani. Yi go baa gbadi ke bi niba yiini ki tua: ‹Pagi mani Li Miali Diedo U Paaciamu Kuli Daano Kelima o ŋani, o *ŋanbili mo ye hali yaa yogunu kuli!› Yi go baa gbadi yaaba n cuani i tuondi pada yani Li Miali Diedo diegu nni. Kelima n baa teni yaaba n den ye ti yonbidi n goa ki kpeni Min kaani ba nani kpiama yeni. Li Miali Diedo n yedi yeni.»

Jeremi 33:7

N baa teni Juda leni Isalele niba yaaba n ye ti yonbidi N guani, min goa ki kaani ba nani kpiama yeni.

Jeremi 46:27

Fini Jakobo n naacemo, da jie liba Yi jigi n da cie mani yinba Isalele puoliŋuani N kpendi ki baa faabi a fini Jakobo buolu. N baa faabi a puoliŋuani leni ban den yayadi Ki ye ti yonbidi yaa diema n foagi nni. Jakobo puoliŋuani baa guani ki baa mi diema yanduanma. Liba kan go yagi bi yama mo.

Jeremi 49:39

Ama u yogunu kpendi ke n baa teni Elami po yonbi n guani. Mini Li Miali Diedo n yedi yeni.»

Jeremi 49:6

Ama li yaa puoli n baa teni Amoni yaaba yonbi n goa ki kpeni.» Li Miali Diedo n yedi yeni.

Esekieli 36:11

N baa teni bi niba leni ti yandi n yaa pili ki pugidi, Bi baa yaa pili ki go maa ki pugidi. N baa teni mi diema n yaa pia bi niba nani mi kpiama yeni. N baa ŋanbi yipo ki cie mi kpiama. Lanwani yi baa bandi ke n tie Li Miali Diedo.

Amosi 9:14

N baa ñani n niba Isalele yaaba ti yonbidi nni Ki go cuani ba ne. Bi baa go maa bi yibalinba n den bolini yaa dogi Ki yaa ye i niinni. Bi go baa ŋu duven tiidi ki yaa ñu i duven, Bi go baa ga i kuani ki yaa di yi kpaandi.

Sakari 1:12

Lanwani Li Miali Diedo Maleki yeni den maadi ki yedi: «Li Miali Diedo, U Paaciamu Kuli Daano, dinla n tie bina piilele leni a pali n beni Jelusalema yaaba po leni Juda dogi yaaba po. Moala gbadi bipo mi niñima.»

Sakari 1:16

Li tie lani yaa po ke Li Miali Diedo, U Paaciamu Kuli Daano yedi yaa maama n tie na: ‹N go baa lebidi ki cua Jelusalema leni mi niñingbadima. N diegu go baa goa ki maa, u dogu moko go baa goa ki maa.› »

Sakari 12:6

Laa yogunu, n baa teni Juda yudanba n tua Nani ku moasiangu li fuali nni yeni, Yaaka nani u mukaanu a *ŋalikama baba nni. I kaani kuli, bi baa bolini yaa nilanbuoli n kaa ki lindi ba. Jelusalema yaaba baa yaa li baa ye bi kaanu, Jelusalema yene.

Sakari 12:7

Li Miali Diedo baa kpa faabi Juda diedi yaaba no yo, Ke Dafidi puoliŋuani leni Jelusalema yaaba n da nuali, Ke bi cie Juda yaaba yaaba n sieni.

Sakari 14:10

Mi diema kuli baa tua nani Alaba tialu yeni. Ki cili nijienu po dogu Geba, Ki ban pundi hali ganu po dogu, Limoni. Jelusalema dogu baa yaa ye u kaanu, Ki ye naani n kpedi. U baa tandi, ki cili bani Benjamina buolu yaaba buliñoabu kani, Ki ban tuoni hali bu buliñoakpelibu, Ki bonlogidiga buliñoabu kani. U go baa tandi, ki cili hali Hananeeli doguuda dieli kani, Ki ban tuoni hali o bado duven bonluonkaala datuodikaanu kani.