Jeremi 30:16 - Gourmanchéma Bible

¹⁶ Lani n teni ke yaaba n dini a, bi baa je ba A yibalinba kuli baa gedi ti yonbidi Yaaba n den su ŋa, bi baa su ba Yaaba n kpendi ki fagi a Bi baa fagi bani moko.

U TIENU MAAMA TILI 2013

¹⁶ Lani n teni ke yaaba n dini a, Bi baa je ba. A yibalinba kuli baa gedi ti yonbidi. Yaaba n den su ŋa, bi baa su ba. Yaaba n kpendi ki fagi a. Bi baa fagi bimoko.

Jeremi 30:16 ပူးပေါင်းရင်းမြစ်များ

Pisomi 129:5

Yaaba n nani Siyono yeni kuli N fiagi ki yaa suligi puoli po.

Mi Ñama 23:22

Ama a yaa tuo wan yedi yaala ki tieni min baa yedi a yaala kuli, n baa tua a yibalinba yaa yibali, a koaginkaaba yaa koanginka.

Mi Kpanjama 22:23

Kelima Li Miali Diedo baa koani ki ga ba, Yaaba n ñandi bi miana, Li Miali Diedo mo baa ñani bi yaa miana.

Esayi 14:2

I nibuoli baa taa ba ki gobidi ki gedini ba bi diema po. Isalele buolu yaaba baa ga ba nani li faali yeni Li Miali Diedo tinga nni Ban tua nani a jatuada leni a potuada yeni. Bi baa cuo ti yonbidi yaaba n den kubi ba ti yonbidi. Bi baa diedi yaaba n den die ba.

Esayi 33:1

Fala baa nandi fini yua bolindi Ke bi naa bolindi a, Ki janbidi ke bi naa janbi a! A yaa bolini ki gbeni bi baa bolini a mo. A yaa janbi ki gbeni bi baa janbi a mo.

Esayi 54:15

Bi yaa baa ŋa bu toabu, Li kan ña mini yaa kani. Yua n baa ŋa bu toabu Baa gbali ki baa a nintuali.

Esayi 54:17

Ama ban tagi yaa jatiagu ki koani leni a kuli kan fidi a, Yaa lanbu n buni leni a ti buudi kuli, A baa maadi ki guli bu. Lani n tie Li Miali Diedo naacenba faali Lani n tie ban baa mini Li Miali Diedo kani yaa *moamoansaali. Li Miali Diedo n yedi yeni.

Jeremi 10:25

Teni a pabiencianli n jiidi i nilanbuoli po Bani yaaba n ki bani a Leni yaa nibuoli n ki jaandi ki miadi a todima yeni po. Kelima bi di Jakobo buolu. Bi dini o hali ki bolini o Ki teni ke o tinga tua paboanli kaanu.

Jeremi 12:14

Li Miali Diedo yedi mine Isalele yieninlieba yaaba n ki ŋani yeni po, Bani yaaba n fie min puni n niba Isalele yaaba yaa tinga. Diidi n baa ñani ba bi tinga nni. N baa ŋabi ki ñani Juda buolu bi siiga nni.

Jeremi 2:3

Isalele, a den li ye mini Li Miali Diedo bebe yaa po yo. A den tie n bonbaakaala kuli yaa bonkpiala. Yaaba n den ŋmani la kuli den kua i tagili nni, Mi yebiadima mo den yen ŋma ba. Li Miali Diedo n yedi yeni.

Jeremi 25:12

Ama a binpiileleeda yaa pundi n baa fii kelima bi tagili po. N baa fii ki sedi Kalide yaaba yaa diema po moko ki teni man tua diegbena yaa yogu n tu yaa yogu.

Jeremi 30:15

Be yaa po yo ke a kaliti yaa bonla n biidi kuli po, Leni a tonu yu n ki pia ñoagu po? Li tie kelima a tagili n kandi po yo, A tuonbiadi n bia maama yaa po yo ke n tieni a laa bonla.

Jeremi 50:28

Li tie yaaba n tiini ki ña Babilona po yaa kuudi yo, Ki wangi Siyono dogu nni Ke Li Miali Diedo tu o panli. O tu li panli o diegu po.

Jeremi 8:16

Bi gba i taami dunli Dana diema po, A tanjala dunli teni Ke ki tinga kuli digibi. Bi cua, bi ŋmani Mi diema leni yaala n ye mi niinni U dogu leni yaaba n ye u niinni.»

Jeremi Bubula 1:21

Bi den gbadi ke n duni, Ama oba kuli naa den baagi nni. N yibalinba kuli gbadi n yebiadima, Bi mangi bi pala leni ŋan teni ke li tieni. Ŋan den maadi yaa daali yaa maama yeni, A teni ke li cua. Teni bani moko n goa ki tua nani mini yeni!

Jeremi Bubula 1:22

Bi biadima kuli n cua a nintuali. Ŋan soani bani mo Nani ŋan den soani nni maama Kelima n janda po. Moamoani n ñiindi yaba, N pali mo ye leni fala.

Esekieli 29:6

Ejipiti niba kuli baa bandi Ke n tie Li Miali Diedo, Kelima ŋan den pia Isalele yaaba po yaa todima Ki den cie tibiga paalu.

Esekieli 35:5

Kelima a den ye leni yaa yibalindi n ki pia gbenma, Ŋan den tudi ki luni Isalele yaaba leni ki jugisiega Ban den ye leni bi paboanli yogunu, Bi *tuonbiadi mo n den tuoni ti bianu yaa yogunu.

Mise 4:11

Moala i nilanbuoli boncianla taani Ki bua ki tuogi leni yi bu toabu, Ki maadi yi maama ki tua: «Tin paadi Siyono dogu ki kua u niinni ki *joagini u. Tin sedi ki diidi u dogu yeni bolinma.»

Mise 7:10

Ti yibalinba baa le lankuli i fe n cuo ba, Bani yaaba n tua ti, Li Miali Diedo yi Tienu ye le? Bi baa ŋma ti yibalinba nani u sanu nni moamoadi yeni.

Nahumi 1:8

O baa bolini o yibalinba nani mi ñincianma yeni, Ki deli ki kuani ba mi kuuma *biigili nni.

Habakuki 2:16

Yi fiagi yi yula yo, yii jigindi yi yula ka ba. Yi moko n ño ki gaadi ki yiedi mubila. Yi kpiagidi baa lebidi ki tua fe. Li Miali Diedo baa teni yin ñuudi leni paalu yo o pabienli tadiñokaaga.

Sofoni 2:8

Li Miali Diedo yedi: «N gbadi Moabi diema yaaba n sugidi n niba yaa sugidi, Leni Amoni buolu yaaba mo n maadi yaa japaamaama, Ki yuali n niba. Bi fie n niba diema ki pugini bi yaa diema.

Sakari 1:14

Lani Li Miali Diedo Maleki yeni den yedi min kpaani ki waani ke Li Miali Diedo, U Paaciamu Kuli Daano yedi yaa maama n tie na: «N pia Jelusalema yaaba po leni Siyono juali po yaa buama n yaba boncianla.

Sakari 1:15

Ama n pali be boncianla yaa nilanbuoli n jigini bi yula po, kelima n pali n da den be Isalele yaaba po waamu waamu yaa yogunu, i nilanbuoli yeni den taani ki cuani bi tingbali.

Sakari 12:2

«N baa teni Jelusalema yaaba n tua Nani yaa tadiñoakaaga n gbie leni yaa duven n tie n pabienli. Yaa nilanbuoli n lindi ba baa ño laa duven Bi nunmu n fuuni. Li baa tua yene Juda yaaba moko yaa po, Yaa yogunu ke yibalinba lindi ki cebini ki baa Jelusalema.

Sakari 14:2

Li Miali Diedo baa taani i nilanbuoli, Ki teni ban baa Jelusalema. Bi baa fie u dogu, Ki fagi yaala n ye a diena nni kuli. Bi baa ñii yi puoba leni u paalu. Bi baa cuo u dogu niba boagidima ki gedini ti yonbidi. Ama yaa niba n sieni baa yaa ka u dogu nni.

Sakari 2:12

Li Miali Diedo, U Paaciamu Kuli Daano, yua n soani nni Maadi yaa nilanbuoli n den fagi yi piama yeni po, Ki yedi ke yua n sii yi kuli Sii wani U Tienu nunbili yo.

Sakari 2:8

O den yedi o: «Sani ki yedi o jawaalo yua n kubi u baabibiigiko yeni, ke bi kan maa bilini ki lindi Jelusalema, kelima yaa niba leni yaa yandi n baa yaa ye lienni yeni baa yaa yaba boncianla.

Mi Tiadima 30:7

Li Miali Diedo baa teni laa solindi kuli n goa baa yi yibalinba leni yaaba n nani yi ki faligidi yi po.

Mi Doagidima 13:10

Lan bili yua yaa po Ke bi baa gedini o ti yonbidi kuli, O baa gedi ti yonbidi. Yua n kpa nitoa leni ki jugisiega, Bi baa kpa o mo leni ki jugisiega. Lani yaa po yo ke li pundi bi nigagidiŋanba n yaa pia li juunli ki se leni *dandanli.

1 Samueli 17:53

Lani yaa puoli Isalele yaaba den cedi Filisiti yaaba ki lebidi ki kua bi toanagili nni ki fagi.