Jeremi 30:15 - Gourmanchéma Bible

¹⁵ Be yaa po yo ke a kaliti yaa bonla n biidi kuli po, Leni a tonu yu n ki pia ñoagu po? Li tie kelima a tagili n kandi po yo, A tuonbiadi n bia maama yaa po yo ke n tieni a laa bonla.

U TIENU MAAMA TILI 2013

¹⁵ Be yaa po yo ke a kaliti Yaa bonla n biidi kuli po Leni a tonu yuu n ki pia ñoagu po? Li tie ke a tagili n kandi po yo, A tuonbiadi biadima po yo, Ke n tieni a laa bonla.

Jeremi 30:15 ပူးပေါင်းရင်းမြစ်များ

Esidirasi 9:13

Fala cuo ti kelima tin den tieni yaa tuonbiadi leni yaa tagiliciami po. Ama baa yeni, ti Tienu ŋaa waani ti fala nani ti tuonbiadi n den pundi maama. A go kubi tinba yaa niba n sieni ti yonbidi nni ke ti ye.

Jobi 34:29

U Tienu yaa puni nibuoluba bi diemaba mi yanduanma, Ŋme nan baa fidi ki jaligi o lipo? O yaa buli o nunga, ŋme n baa fidi ki diidi o?

Jobi 34:6

Baa leni n moamoani kuli, O nua nni nani o tuofaadaano yeni, Ki faligidi nni ke n naa tieni *tuonbiadi.›

Pisomi 107:17

Bi tianba den doagidi bi biadima bi yanpiima nni. Bi den kuani bi yula fala nni kelima bi tagili po.

Esayi 1:6

Ki cili a taana ki ban pundi hali li yuli siiga, Pu kuli ki pia laafia. Mi poagilima, a binbila leni a nala n ye i kaani kuli Baa ŋuudi a, baa fini a, Baa buu ŋa leni kpama.

Esayi 5:2

O den ŋanbi ki tinga, ki ñani a tana, Ki baa yaa tiidi n ŋani ki ŋu. O den maa li diefoagili u kuanu siiga, Ki den gbini u datuodikaanu, Ki sugini ke duven tiidi baa luoni li bonluonkaala. Ama li den loni yaa bonluonkaala n bedi.

Jeremi 11:13

Fini Juda, a buli yaba ki pundi a dogi. Fini Jelusalema, a padibinbina Ŋan juugi a dugibila o bulo *Baali po naankani, Yaba ki pundi a sani.»

Jeremi 15:18

Be n teni ke n fala ki pia gbenma? Be n teni ke n nali mo kan soangi? Li naa bua ki paagi yo? Naani a baa yaa tie npo yogunu kuli li pabiidili bonla yo? Naani a baa go tie npo nani yaa ñima n ki pia ŋan dugi mipo yeni yo?

Jeremi 2:19

A biadima n nandi a A janbi n nandi a. Diidi ki le lan bia ki go gundi maama Ki ŋa mini Li Miali Diedo a Tienu Ki da go pia npo fangiliba kuli. Li Miali Diedo U Paaciamu Kuli Daano n yedi yeni.»

Jeremi 30:12

Li Miali Diedo maadi mine: «A yebiadima ki pia lebidima A nali koani boncianla.

Jeremi 30:14

A jaconcona kuli sundi apo Baa go lingi a. N faligi a nani n yibali yeni. N waani a o falaciamo kelima a tagili n yaba maama po Leni a *tuonbiadi n bia maama po.

Jeremi 30:16

Lani n teni ke yaaba n dini a, bi baa je ba A yibalinba kuli baa gedi ti yonbidi Yaaba n den su ŋa, bi baa su ba Yaaba n kpendi ki fagi a Bi baa fagi bani moko.

Jeremi 30:17

Nani ban tua ke ŋaa pia fuomaba kuli Ke oba kuli mo ki yagini o yama apo yeni, Lani yaa po ke n mo baa paagi a leni a poagilima Ki teni a nala n gbeni. Li Miali Diedo n yedi yeni.»

Jeremi 46:11

Yinba Ejipiti yaaba gedi mani Galaadi po, Ki ban lingi u ñoagu. Ama yi ñoagu kuli ki pia yipo fuomaba kuli.

Jeremi 6:13

Kelima ki cili leni yua n wa ki ban tuoni yua n yaba ki cie, Bikuli lingi bi yucela ŋamu bebe Ki cili o kopadiciamo ki ban taani leni o *sawalipualo Bikuli ye i janbi po yo.

Jeremi Bubula 1:5

O yibalinba n tugi yuli Bi koanginkaaba kaa leni mi yanduanma. Li Miali Diedo waani o fala Kelima o tuongunda n yaba maama yaa po. O yibalinba taa o bila ki gedini ba ti yonbidi.

Jeremi Bubula 2:13

N go baa yedi a be? N baa sua ke ŋme n de leni a? N baa baagi a lede, Siyono *powandiali? Kelima yaa yebiadima n ŋma ŋa Yaba ki pundi mi ñincianma. Ŋme n baa fidi ki paagi a?

Jeremi Bubula 3:39

Be yaa po yo ke o nisaalo yenbidi O yaa baa ye ke o *tuonbiadi kandi?

Jeremi Bubula 4:13

Laa bonla tieni kelima o sawalipuaba tuonbiadi Leni o kopadicianba tagili po, Yaaba n den wuli bi niteginkamoanba soama bi siiga yeni.

Mise 1:9

Kelima Samali poagilima bia hali maama Ke bi kan fidi ki buu ma. Mi tandi ki pundi hali Juda diema po, Ki kua Jelusalema, n niba n ye yaa dogu nni.

Mise 7:9

Ti tieni ti *tuonbiadi Li Miali Diedo po, Lanwani ti baa juuni o pabienli tundifala po, Hali wan baa ti ga ti buudi yaa yogunu, Ki faligi yaaba n faligidi ti ki saa tipo moamoani. O baa ñani ti li biigili nni ki gedini ti naankani n yieni, Ki baa ŋanbi tipo.

Nahumi 3:19

Yaa yema n ŋmaa yi yeni, gaapo ki ye, A poagilima yeni baa ñani a miali. Yaaba n gbadi a bolinma laabaalo kuli pua ti nupodi ki mangi bi pala, Kelima a biadima naa den pia kuli man lagidi yua.