Jeremi 3:21 - Gourmanchéma Bible

²¹ I moe fii ki loli i kaani kuli Isalele bila n mua ki figindi Kelima bi biidi bi tagu Ki sundi Li Miali Diedo bi Tienu.

U TIENU MAAMA TILI 2013

²¹ I moe fii ki loli i kaani kuli, Isidayeli yaaba n mua ki miadi, Kelima bi biidi bi sanu, Ki sundi o Diedo bi Tienu po.

Jeremi 3:21 ပူးပေါင်းရင်းမြစ်များ

Jobi 33:27

O yiini bi niba nintuali ki tua: ‹N tieni ti tuonbiadi, mii tieni yaala n tiegi. Ama baa tieni nni nani lan bi pundi ban tieni nni maama.

Mi Kpanjama 10:9

Yua n cuoni mi teginma nni kan yaa bangi liba. Ama yua n tiendi yaala n goli, bi baa cuo o.

Mi Kpanjama 19:3

O nisaalo yanpiima biidi o sanu, O go yen ti goa ki bieni o pali Li Miali Diedo po yo.

Esayi 15:2

Bi gedi Bayiti leni Diboni li padili kaanu ki mua, Ki mua Nebo leni Medeba po. Bi kuo bi yudi leni bi langbiadi kuli, Ti langbiadi kuli jia ki wadi.

Esayi 17:10

Kelima yi sundi yi *faabima Tienu, Ki naa tiadi yi fidu Tangu po, Lani n teni ke yi ŋuu yi yanluadi tiidi i *buli po. Yi ŋuu ki tinga nni i tilandi.

Esayi 57:11

Ŋme n den yagini yi yama? Yi den jie ŋme yo ki boandi nni Ki kan tiadi npo Ki didi kan yagi yi yama npo mo? Naani mii den ŋmini Ki ŋmini hali ke li waagi kaa? Lani yaa po n teni ke yii jie nni.

Jeremi 12:12

Mi fanpienma sani nni kuli, Yaaba n bua ki bolini kpendi na. Li Miali Diedo jugisiega bolindi mi diema Ki cili kaliyendu ki ban puodi u kaliyu. Niloba kuli ki pia laafia.

Jeremi 13:25

Yaala n baa tieni a n yeni. Min bili apo yaala n yeni. Mini Li Miali Diedo yedi: «Nani ŋan sundi npo, Ki dugi mi faama po yeni,

Jeremi 18:15

Ama n yaa niba wani nan sundi npo Bi padi i *buli po a *dugibila. Bi cenli nni bi yen tuudi bi sani nni, Ban den maani ki tagi yaa sankpeli yeni nni. Bi goa ki ŋoadi yaa sani ke baa koadi ki bili.

Jeremi 2:32

Naani o jafaano baa sundi o tiabobikaadi po? Naani toginaa baa sundi o bobidi? N niba wani nan sundi npo yaa dana n ki pia bianu.

Jeremi 3:2

Yaadi ki noanli a juana yula po, Diidi mani, naani a pia naani ke ŋaa cagini a yuli? Bi den teni ke a kaa i sani nni Nani Alabi nibuolu n kaa mi fanpienma nni maama. A joagini mi diema Leni a cancagintuada leni a *conconma.

Jeremi 31:9

Bi kpendi ki mua yo. N cangi ba leni i baagi Ki gobidi ba yaa ñima n puubi po. Bi ŋua sanyendu ban kan tuudi naankani. N tie Isalele yaaba po nani bibaa yeni. N bijakpelo mo n tie Efilayima.»

Jeremi 7:29

Kuo ŋan den gagidi a yuli Ki bili yaa yudi yeni ki ban lu ti. Gedi a juana yula po ki wanli! Kelima Li Miali Diedo fali, O yama mo sii yaa nifiima n bieni o pali hali boncianla yeni po.›

Esekieli 23:35

Li tie lani yaa po, ke mini o Diedo, Li Miali Diedo yedi mine: «Nani ŋan sundi npo Ki luni nni a puoli po yeni, A conconma leni a cagindi panpaani kuli baa goa ki jiidi a yuli po.»

Esekieli 7:16

Yaaba sieni ki naa kpe Baa sani ki do a juana po Nani ti joaloandi nni kpaajela yeni. Bikuli baa mua ki figindi kelima yua kuli tagili po.

Ose Tili 13:6

Yin den kua u kaanŋamu nni, Yi den dini ki guo. Ama yin den dini ki guo yaa yogunu, Yi den gbengi yi yula, Ki sundi npo.

Ose Tili 8:14

Isalele yaaba sundi yua n tagi ba, Ki maa a dieŋama, Juda yaaba mo maa i bilinciami Ki lindi i dogi boncianla. Ama n baa soani mi fantama bi dogi nni, Ki teni man je bi dieŋama.

Mise 3:9

Lanwani, Jakobo puoliŋuani yudanba, Yinba, Isalele yaaba koanbala, Yinba, yaaba n nani yaa bujiaba n tiegi, Ki go teni ke yaala n tiegi kuli lebidi ki goli, cengi mani!

Mi Coadima 22:32

Li Miali Diedo maleki den buali o: «Be yaa po ke a pua a ŋunñua hali taalima taa? Diidi n bi cua ki baa yie apo yo, kelima ŋan ŋua yaa sanu yeni caani a li tingbali po.

2 Korenti 7:10

Yeni de, U Tienu n bua yaa pabiidili buolu yeni baa cuani yaa yanlebidima n kpendinni mi *tindima, ki kan teni wan di fa ki mua lipo. Ama ŋanduna yaa pabiidili baa cuani mi kuuma.