Jeremi 3:14 - Gourmanchéma Bible

¹⁴ Guani mani ne, yaaba n kan sedi kaanyendu, Li Miali Diedo n yedi yeni. Kelima mini n tie yi canbaa N baa gandi niyendo u naa dogu nni, Niba lie mo, u naa buolu nni, N baa guani yi Siyono po.

U TIENU MAAMA TILI 2013

¹⁴ Guani mani ne, Yinba a biyenyieda yeni, O Diedo n yedi yeni. Mini n tie yi canbaa, N baa gandi niyendo u naa dogu nni, Nibilie mo, u naa buolu nni, Ki guani yi Siyon po.

Jeremi 3:14 ပူးပေါင်းရင်းမြစ်များ

2 Bi Badiba Jama 30:6

A tonda den gaani Juda diema nni leni Isalele diema nni kuli, ki teni o bado leni o koanbala n den diani yaa tila, ki go den maadi nani o bado mo n den puogi ba maama ki yedi: «Yinba Isalele yaaba, yaaba n ki baa Asili bado nuu nni, yin lebidi ki guani Abalahama leni Isaaka leni Jakobo Tienu kani. Yeni omo baa guani yikani.

Esayi 1:9

Li yaa bi tie Li Miali Diedo U Paaciamu Kuli Daano Yua n teni ke ti siiga bi tianba cia, Ti bi baa yaa tie nani Sodoma Leni *Gomola dogi yeni.

Esayi 10:22

Isalele, a niba yaa ti yabidi Ki pundi mi ñincianma tanbiili Niba waamu bebe n baa guani Li Miali Diedo kani. Mi bolinma wani baa tieni. Ti buudi mo baa jia.

Esayi 17:6

Yaala n di baa sieni Isalele nni, Baa yaa tie boncabi bebe yo nani ban baa pua ki cie Leni u gbiamu *olifie tiidi bonluonkaala maama yeni, Ke bonyenyenga sieni i beni nni Leni a tibada nni. Diidi U Paaciamu Kuli Daano Isalele Tienu n yedi yeni.

Esayi 27:12

Laa daali, Li Miali Diedo baa yoagi i tiidi, Ki cili u kpenciamu Yufilata ki ban pendi Ejipiti ñinbaadu. Bi baa duo duo yi yendo yendo yinba Isalele yaaba.

Esayi 31:6

Yinba Isalele yaaba, lebidi ki guani mani Yin den buli yua ki nunga kani.

Esayi 44:22

N bolini yi tagili nani ku tawaligu yeni Ki bolini yi *tuonbiadi mo nani ku gbangbadigu yeni. Goa ki cua mani n kani Kelima n den da ki faabi yi.

Esayi 54:5

Kelima a tagido n tie a calo O yeli yi Li Miali Diedo U Paaciamu Kuli Daano. A daafaabika n tie Isalele Tienu Yua n Gagidi ki ŋani. O yeli n tie: “Ki tinga kuli Tienu.”

Esayi 55:7

O nibiado n ŋa o tagu Fanma miali mo n ŋa o yantiajoagindi, Ki lebidi ki goa Li Miali Diedo kani Yua n baa gbadi opo mi niñima, Leni ti Tienu yua n puuni sugili leni ti bulicindi kaa cedi yeni kani.

Esayi 57:17

Kelima Isalele yaaba yiekandikaama po N pali den beni Ke n den pua ba. N pabiidili nni n den wuoni n yuli. Ama bi den baa ŋua mi yiema sanu Ki ŋua bi pala n bua yaa sanu.

Esayi 6:13

Baa li yaa sua ke niba piiga siiga kuli Niyendo yendo n sieni ki ye mi niinni, Bi baa lu bani moko mi fantama nni. Ama nani telebinti leni seni tiidi Bi yaa pedi i ñiali yin go yen goa ki kpeli maama yeni, Bi yaa ñiana moko baa goa ki bundi Ki tieni yaa puoliŋuani n gagidi ki ŋani yeni.

Jeremi 2:19

A biadima n nandi a A janbi n nandi a. Diidi ki le lan bia ki go gundi maama Ki ŋa mini Li Miali Diedo a Tienu Ki da go pia npo fangiliba kuli. Li Miali Diedo U Paaciamu Kuli Daano n yedi yeni.»

Jeremi 2:2

«Gedi mani ki ban kpaani ki yedi Jelusalema yaaba: Li Miali Diedo yedi nanda: ‹Fini Jelusalema, n baa tiani ŋan den tie jafaano, Ki pia npo yaa buama, Ŋan den ŋua nni mi fanpienma po, Leni yaa tinga yaa niinni n ki pia bonpudikaaliba yaa yogunu.

Jeremi 23:3

N baa taani n niba yaaba n sieni Min deli ba yaa dogi nni kuli N baa guani ba li yanloli nni. Bi baa maa ki go pugini hali boncianla.

Jeremi 29:14

N baa teni yin le nni. Li Miali Diedo n yedi yeni. N baa teni yi yonbi n goa ki kpeni. N baa ñani yi min den gedini yi ti yonbidi yaa diema nni leni yin den yayadi ki ye yaa nibuolu leni yaa kaani kuli nni. N baa taani yi ki go kpenni yi min den deli ki ñani yi naani. Li Miali n yedi yeni.»

Jeremi 3:1

Guani mani npo: O ja yaa ñani o pua Ke o ñani o kani ki ban kuni jatoa. Naani laa ja go baa guani o pokpelo yeni kani? Naani laa diema kan *joagini cain, bi mani kaa? A mo conbi leni a jaconcona boncianla Moala wani, a di bua ki guani n kani. Mini Li Miali Diedo n yedi yeni.

Jeremi 3:12

Gedi mani ki ban kpaani nijienu po ki yedi: Isalele “Kan sedi kaanyendu,” Li Miali Diedo yedi mine: ‹N kan go yaa pia apo nunbiadiga Kelima n yama dingi. Li Miali Diedo n yedi yeni. N pali mo kan go waagi ki be apo yogunu kuli.

Jeremi 3:8

Baa ke n ñani Isalele “Kan sedi kaanyendu,” kelima o conconma po, ki teni o o poñatili, n laa ke baa leni lankuli o naataanpuoga Juda i janbi daano naa baa fangili lipo. O moko gedi ki ban cagini o yuli.

Jeremi 31:12

Bi baa cua Siyono juali po ki yiini leni li pamanli Kelima Li Miali Diedo n baa pa yaa piama po. Man tie: *ŋalikama, mi dapanma, mi kpama, Ti yanbidi leni a yangbenga. Bi baa yaa tie nani ban kpidi yaa tikuanu yeni. Jawaandi kan go cuo ba.

Jeremi 31:32

Li kan yaa tie nani min kuani yaa *ŋantaado leni bi yaajanba min den mubini bi nii ki dadi ki baa ñani ba Ejipiti diema nni yaa daali ka. Baa ke n tie bi canbaa, bi den fidi laa ŋantaado. Li Miali Diedo n yedi yeni.»

Jeremi 31:6

Li daali didi go kpendi ke yaaba n guu u dogu baa yedi: ‹Fii mani tin gedi Siyono Li Miali Diedo ti Tienu po.› »

Ose Tili 5:15

N baa lebidi ki kuni ki ŋa ba, Hali ban baa tuo bi tagili, Ki goa ki lingi nni. Bi yaa ye fala nni, bi baa lingi n todima.»

Sakari 1:4

Yin da tua mani nani yi yaajanba yeni. Hali yogu, n sawalipuaba den wangi ba ke n yedi ban lebidi ki ŋa bi sanbiadi leni bi bontienkabiadila. Ama bi den yie kaa cengi nni, baa den tuo ki ŋoadi min den yedi ba yaala.

LOMA YAABA 9:27

O sawalipualo Esayi moko kpaani ki maadi Isalele buolu maama ki yedi: «Baa Isalele buolu yaaba yaa yaba Nani mi ñincianma tanbiima yeni, Nitianga bebe n baa faabi.