Jeremi 3:12 - Gourmanchéma Bible

¹² Gedi mani ki ban kpaani nijienu po ki yedi: Isalele “Kan sedi kaanyendu,” Li Miali Diedo yedi mine: ‹N kan go yaa pia apo nunbiadiga Kelima n yama dingi. Li Miali Diedo n yedi yeni. N pali mo kan go waagi ki be apo yogunu kuli.

U TIENU MAAMA TILI 2013

¹² Gedi ki ban kpaani nujienu po, ki yedi: Isidayeli o yenyiedo, o Diedo yedi mi naa maama: ‹N kan go yaa pia a po nunbiadiga, Kelima n yama dingi. O Diedo n yedi yeni. N pali mo kan go waagi ki be a po yogunu kuli.

Jeremi 3:12 ပူးပေါင်းရင်းမြစ်များ

Mi cilima 4:7

I moamoani a yaa tieni yaala n ŋani, a nunga baa ŋani. Ama a yaa tieni yaala n bia, ti *tuonbiadi dua a buliñoabu kani. Ti sugini ki diedi a, ama fini, ŋan moandi ki paadi ti.»

2 Bi Badiba 15:29

Isalele diema bado Peka n den die yaa yogunu, Asili bado Tigilati-Pelesedi den cua ki fie Ijoni leni Abela-Beti. Maaka leni Janaaki leni Kedesi leni Hasoli leni Galaadi leni *Galile leni Nefitali diema kuli, ki cuo bi niba ti yonbidi ki gedini ba Asili.

2 Bi Badiba 17:23

hali ke Li Miali Diedo den deli ki ñani Isalele yaaba o nintuali, nani wan den soani o naacenba bi sawalipuaba ke bi den waani ba maama yeni. Li tie yeni ke bi nilanba den ñani Isalele yaaba bi diema nni ki gedini ba Asili diema nni ti yonbidi, ban ye naankani hali dinla.

2 Bi Badiba 17:6

Ose bali binyiali binli. Asili bado den paadi Samali ki cuo ba ki gedini Asili diema ti yonbidi. O den kaani ba Hala yaa dogu nni, leni Kabala, Gosana kpenu yaa boanduoli, leni Mediya nibuolu yaaba dociami nni, ke bi ye lankani.

2 Bi Badiba 18:1

Isalele diema bado, Ela bijua Ose bali bintaali binli, Akasi bijua Esekiasi den dini li bali ki die Juda diema.

2 Bi Badiba Jama 29:10

Moala n yantiali tie min kuani o *ŋantaado leni Li Miali Diedo Isalele yaaba Tienu. Lani n tie o pabienli yaali n nani mi fantama yeni n kagidi tipo.

2 Bi Badiba Jama 30:9

Yi yaa guani Li Miali Diedo kani, yaaba n gedini yi bila leni yi kpeliba ti yonbidi yeni, baa gbadi bipo mi niñima ki ŋa ba ban guani mi naa diema nni. Kelima Li Miali Diedo yi Tienu tiendi li *ŋanbili ki go gba mi niñima, ki kan buli yi o nunga, yi yaa guani o kani.»

Pisomi 103:17

Ama Li Miali Diedo ŋanbili ye yaa yogu n tu yaa yogu, Yaaba n fangi o po, O *teginma mo tie bi bila yaa bila po,

Pisomi 103:8

Li Miali Diedo tie niñingbadilo ki go pia li ŋanbili, O pali ki fiidi tontoni, ama li ŋanbili gbie o kani.

Pisomi 103:9

Waa fu leni bi niba u yogunu kuli Waa pia koanfaali mo.

Pisomi 145:8

Li Miali Diedo tiendi li *ŋanbili, ki gba mi niñima, O pali ki be tontoni, ama o ŋanbili yaba hali boncianla.

Pisomi 79:5

Hali u laa yogunu yo ke a baa yaa baa biendi A pali ki kan pa sugili? Naani a pali li baa yaa baa be nani mi fantama yene?

Pisomi 86:15

Ama fini, O Diedo, a tie yaa Tienu n gba mi niñima, Ki go pia ti bulicindi. A pia li juunli leni li ŋanbili Ki go tie ti dugidi daano.

Pisomi 86:5

Fini o Diedo, a ŋani ki puuni sugili, Ki pia li *ŋanbili yaaba n jaandi a kuli po.

Mi Kpanjama 28:13

Yua n wuondi o tagili kan suagi liiga. Ama yua n tuo o tagili ki ŋa i, Bi baa gbadi opo mi niñima.

Esayi 31:6

Yinba Isalele yaaba, lebidi ki guani mani Yin den buli yua ki nunga kani.

Esayi 44:22

N bolini yi tagili nani ku tawaligu yeni Ki bolini yi *tuonbiadi mo nani ku gbangbadigu yeni. Goa ki cua mani n kani Kelima n den da ki faabi yi.

Jeremi 11:6

Li Miali Diedo den yedi ke min kpaani laa maama kuli Juda dogi nni leni Jelusalema sani nni ki yedi: «Cengi mani o ŋantaado nne maama ki tieni wan yedi yaala!

Jeremi 12:15

Ama n yaa ŋabi ba yaa yogunu Se mi niñima n goa ki cuo nni bikuli yendo yendo po, Min goa ki guani ba yua kuli o tinga nni, Yua kuli o diema nni.

Jeremi 23:8

Ama bi baa poli ki yedi: ‹Li Miali Diedo fo Wani yua ñani ki go guani Isalele buolu yaaba Ban den ye nijienu diema po Leni min den yayadi ba yaa diema buoli nni kuli.› Bi baa yaa ka bi diema nni.»

Jeremi 3:1

Guani mani npo: O ja yaa ñani o pua Ke o ñani o kani ki ban kuni jatoa. Naani laa ja go baa guani o pokpelo yeni kani? Naani laa diema kan *joagini cain, bi mani kaa? A mo conbi leni a jaconcona boncianla Moala wani, a di bua ki guani n kani. Mini Li Miali Diedo n yedi yeni.

Jeremi 3:14

Guani mani ne, yaaba n kan sedi kaanyendu, Li Miali Diedo n yedi yeni. Kelima mini n tie yi canbaa N baa gandi niyendo u naa dogu nni, Niba lie mo, u naa buolu nni, N baa guani yi Siyono po.

Jeremi 3:18

Laa dana yaa niinni, Juda diegu yaaba leni Isalele diegu yaaba Baa taani ki yegi ki ña nijienu diema po, Min puni yi baanba yaa diema man tua bi faali yeni.»

Jeremi 3:22

Guani mani n kani, yinba yaaba n kan sedi kaanyendu yeni. N baa paagi yi leni yi yanlengidima Bi yedi: «Diidi ti kpendi a yaa kane, Fini n tie Li Miali Diedo ti Tienu.»

Jeremi 3:5

Naani o pali baa waagi ki bee? Naani o cili kan jiidi abada? Diidi ŋan den tua yaala n yeni. Ama a tieni yaala n bia A den pia li paalu mo.

Jeremi 3:7

N den yedi n yuli: ‹O yaa ban tieni laa bonla kuli ki gbeni, o baa guani n kani. Ama o naa guani. O naataanpuoga Juda yua tie janbi daano yeni laa laa bonla.›

Jeremi 30:11

Kelima n ye leni a ki baa faabi a N baa bolini i nibuoli kuli Min yayadi a naani kuli. Ama n kan bolini fini wani ba. N baa faligi a nani lan pundi maama, N kan bi fidi ki ŋa ŋa nani yua n ki pia tagiliba yeni.»

Jeremi 31:20

Efilayima tie n bibuadiga Wani n tie n bigbabili. N kan fidi ki kan tiadi opo Kelima min bua o maama po. Mi niñima pia nni opo. N li bua o moamoane. Li Miali Diedo n yedi yeni.

Jeremi 31:21

Sieni, sieni mi maalima a sanu nni, Faami ŋan cuoni yaa sanu nni bonŋanla. Guani mani ne yinba Isalele yaaba. Guani mani yin die yaa dogi yeni nni.

Jeremi 31:8

Diidi n baa teni ban ña nijienu diema po. N baa taani ba hali u tinbianu, Bi siiga pia a juama leni a diama, Yaa puoba n punbi leni u maditugukoanu danba kuli. Li tie nitaancianli n lebidi ki guani nekanba.

Jeremi 33:26

Lanwani n bi baa fidi ki ŋa Jakobo leni n naacemo Dafidi puoliŋuani Ki da go gandi bi puoliŋuanu siiga yaaba n baa gobidi Abalahama, Isaaka leni Jakobo puoliŋuani. N baa teni bi niba yaaba n gedi ti yonbidi n kpeni. N baa gbadi bipo mi niñima.› »

Jeremi 4:1

Isalele, mini Li Miali Diedo n yedi a, A yaa guani, a yaa guani n kani, A yaa ñani a cagindi kuli n nintuali, A yaa cedi ti puagidi,

Jeremi Bubula 3:22

Lani n tie ke Li Miali Diedo ŋanma Ki gbeni cain, O niñingbadima mo kan tuoni mi bianu.

Esekieli 11:17

Lani yaa po ŋan go yedi ba daa, Ke o Diedo, Li Miali Diedo yedi yaala n tie ne: N baa taani taani yi, yin den ye yaa nilanbuoli siiga. N baa yini yi, yin den yadi yadi ki ye yaa dielanma nni, Ki ñani yi lipo, ki go pa yi Isalele diema.

Esekieli 33:11

Yedi ba daa, ke o Diedo, Li Miali Diedo yua n fo yedi line: ‹Mii bua nibiado kuuma ka, ama min bua yaala tie ke wan lebidi o tagu ki yaa ye yo.› Lebidi mani yi yama ki ŋa i tagibiadi. Be yaa po ke yinba Isalele yaaba yi baa kpe?

Esekieli 39:25

Lanwani o Diedo, Li Miali Diedo yedi mi ne: «Moala n baa guani Jakobo buolu Ban den cuo yaaba ti yonbidi yeni, Ki gbadi Isalele buolu po mi niñima. N baa yaa pia li *nunponli n yeli yaali n gagidi ki ŋani yeni po.

Ose Tili 6:1

Lanwani, yi tua: «Cua mani tin lebidi ki goa ki ŋoadi Li Miali Diedo, Kelima o den dadi ki toatoadi ti, ama o baa buu ti, O den poagili ti, ama o baa fini tipo ti nala.

Levi 26:40

Laa yogunu bi baa tuo bi tagili leni bi baanba mo yaa tagili, ki go tuo ban den miidi n bali maama ki yiedi nni maama.

Sakari 1:4

Yin da tua mani nani yi yaajanba yeni. Hali yogu, n sawalipuaba den wangi ba ke n yedi ban lebidi ki ŋa bi sanbiadi leni bi bontienkabiadila. Ama bi den yie kaa cengi nni, baa den tuo ki ŋoadi min den yedi ba yaala.

Mi Tiadima 30:2

Yi yaa lebidi ki guani Li Miali Diedo yi Tienu kani, ki tuo o yedima leni yi pala kuli leni yi yama kuli, yinba leni yi bijaba kuli nani min bili yipo maama dinla.