Jeremi 29:8 - Gourmanchéma Bible

⁸ Li Miali Diedo U Paaciamu Kuli Daano, Isalele Tienu yedi mine: «Yin da teni yi sawalipuaba yaaba n kaa yi siiga n boandi yi. Yin da teni yi baayuadiida moko n boandi yi. Yin da tama ke yi dangidi bua ki bundi liba kuli!

U TIENU MAAMA TILI 2013

⁸ Li Miali Diedo U Paaciamu Kuli Daano, Isidayeli Tienu yedi: «Yin da teni yi saawalipuaba yaaba n kaa yi siiga n boandi yi. Yin da teni yi baayuadiida moko n boandi yi. Yin da tama ke yi dangidi bua ki bundi liba kuli,

Jeremi 29:8 ပူးပေါင်းရင်းမြစ်များ

Jeremi 14:14

Li Miali Diedo den yedi nni: «Bi sawalipuaba pua mi faame n yeli nni. Mii soani ba, Mii puogi ban yedi liba. Mii maadi leni ba mo. Bi pua mi faama ke bi laadi li bonla Bi tuonli n tie baayuadiidu leni *buli ŋoadima bebe yaaka, Bi pala nni boandi yo ke bi taani ki pua yipo sawali.»

Jeremi 23:16

Li Miali Diedo U Paaciamu Kuli Daano, maadi yaa maama n tie na: «Da cengi mani yaa sawalipuaba n pua yipo sawali yeni maama! Bi boandi yi yo. Bi togidi yi bi pala nni bonlekaala. Laa tie yaala n ñani mini Li Miali Diedo ñoabu nni ka.

Jeremi 23:21

Mii soani laa sawalipuaba Ke bi nan sani ki gedi. Mii maadi leni ba Ke bi nan pua sawali.

Jeremi 23:25

N gbadi yaa sawalipuaba n pua mi faama n yeli nni ke bi tua: «N dangi! N dangi!»

Jeremi 23:27

Bi moa n niba n sundi n yeli Leni ban togidi biyaba yaa dangidi, Nani bi baanba n sundi n yeli kelima O bulo Baali po maama yeni.

Jeremi 27:9

Yinba, da cengi mani yi sawalipuaba, bi yi lingida, yi dangidi, yi baayuadiida, yi ñoagidanba, bani yaaba kuli n tua yi: ‹Yin da soani Babilona bado po!

Jeremi 28:15

O sawalipualo Jelemi den yedi o sawalipualo Anania: «Cengi Anania! Li Miali Diedo naa soani a, ke a nan pia bi naa niba ki boandi ki puuni ba ti dugidi.

Jeremi 29:1

Diidi mani o sawalipualo Jelemi n den ye Jelusalema ki diani yaa tili yaa nikpeliba n den gedi ti yonbidi, bani bi kopadicianba, bi sawalipuaba leni Nebukanesa n den ñani yaa niba Jelusalema kuli ki gedini ba Babilona diema nni.

Jeremi 29:15

Ama yimo nan kpaagi ki tua ke U Tienu teni ke yi baa yi siiga nni bi sawalipuaba Babilona diema nni.

Jeremi 29:21

Li Miali Diedo U Paaciamu Kuli Daano, Isalele Tienu maadi Kolaya bijua Akabi leni Maaseja bijua Sedesiasi yaaba n pua sawali-faama n yeli nni: «Diidi n baa ŋa ba Babilona bado Nebukanesa nuu nni. Bi baa pua ki kpa ba yi nunbu nni.

Jeremi 29:23

Kelima bi tieni ti cagindi Isalele diema nni ki ban conbi leni bi nisaalilieba puoba, ki pua mi faama n yeli nni yaa yogunu ke n naa den puogi ba liba. N bani la, mini n go tie li siedi mo. Li Miali Diedo n yedi yeni.»

Jeremi 37:9

Li Miali Diedo yedi nanda: «Yin da boandi mani yi yula ki yedi: ‹Babilona yaaba sani ki foagidi!› Bi kan sani ki joandi ba.

Jeremi 5:31

Bi sawalipuaba pua mi sawali-faama Bi kopadicianba lingi bi yucela ŋamu bebe, N niba mo sua ke lani n dagidi bipo. Yi baa tieni lede saala po?

Jeremi Bubula 2:14

A sawalipuaba baa apo li bonlekaala, Yaa bonlekaala n ki pia ñuadiba, kaa pia fuomaba kuli mo. Baa kadi ki waani a tagili kuli cain Ki baa ñani a ti yonbidi nni. Bi baa apo yaa bonlekaala N kaa mani, ki naa go pia fuoma mo.

Esekieli 13:6

Bi bonlekaala tie fanma Bi sawalo mo tie faama Bi tua: ‹Li Miali Diedo yedi!› Ke Li Miali Diedo mo naa soani ba. Bi sugini ke ban yedi yaala baa tieni.

Mise 2:11

Yaa nibuolu n tie na bua yaa nilo n tiini Ki ŋua u faalu ki pua mi faama ki tua: ‹N baa maadi yipo duven maama leni mi dabiadima yaa maama.›

Sakari 13:4

Laa daali, I fe baa cuo yaaba n pua sawali ke bi kan go pua. Bi kan go togidi bi bonlekaala mo. Bi kan go laa bi sawalipuaba liada ya n tie gbandi, Ki pia ti kobidi yeni, Ki yaa boandi bi niba.

Matie 24:24

Kelima a tuonanda yaaba n yedi ke bi tie U Tienu n gandi yaaba leni bi sawalipua-faadanba baa fii ki yaa tiendi sinankeenciami leni li bonlidikaala, hali ke bi yaa bi baa fidi, bi bi baa boandi baa U Tienu n gandi yaaba moko.

Luki 21:8

Jesu den goa ki yedi: «Fangi mani yi yula ke ban da boandi yi, kelima bi niba boncianla baa ti cua n yeli nni ki yedi: ‹Mini n tie *U Tienu n Gandi Yua›, ki go yedi: ‹U yogunu nagini.› Yin da ŋoadi ba mani.

Luki 6:26

Fala baa ye leni yi bi niba kuli yaa ti pagi yi, bi yaajanba moko den pagi bi sawalipua-faadanba yene.

LOMA YAABA 16:18

Kelima laa nibuolu naa tuuni ti Diedo Kilisiti po ka, bi tuuni bi tugiceli po yo. Bi maadi mi madingima leni mi mamanma ki boandi yaaba n ki fani.

Efesa 4:14

Lanwani ti kan go yaa tie nani a biwaala yeni, ki lengidi kelima bi niba nunfanbiadibu leni bi boandi n kpendinni yaa bangima po.

Efesa 5:6

Oba kuli n da boandi yi leni mi mafanma. Li tie laa bonla yaa po yo ke U Tienu pabienli se yaaba n yie o kuli po.

2 Tesaloniki 2:3

Yin da tuo ke oba kuli n boandi yi, baa lan tie yaala kuli, ki yedi ke laa daali pundi, kelima laa daali kan cua se mi dandanyiema n kpa cua, ke mi biadima daano n doagidi, wani yua n baa gedi mi bodima po yeni.

2 Timote 3:13

Ama bi nibiadiba leni i boandi danba baa suagi liiga mi biadima nni ki yaadi biba ki go yaandi nitoaba.

1 Jan 4:1

N buakaaba, yin da dugi mani yaaba n yedi ke bi pia U Tienu Fuoma kuli po. Ama yin biigi ba ki bandi bi yaa pia U Tienu n puuni yaa Fuoma, kelima bi sawalipua-faadanba boncianla yayadi ŋanduna nni.

Mi Doagidima 13:14

O den boandi ki tinga nni yaaba leni wan den tiendi yaa bancianma ki fuayankpiaga nintuali. O den teni ke ki tinga nni yaaba n tagi ki fuayankpiaga, yua n den baa ki jugisiega poagilima ki go paagi yeni, nannanli.

Mi Doagidima 19:20

O den cuo ki fuayanga, wani leni o sawalipua-faadaano, yua n den tiendi mi bancianma o nintuali ki boandi yaaba n ga ki fuayanga maalima ki go gbaani ki kpiagi o nannanli. O den luni bani bonba lie kuli ke bi fo ku *fantanbuogu nni, li cidibili n co naani.