Jeremi 29:14 - Gourmanchéma Bible

¹⁴ N baa teni yin le nni. Li Miali Diedo n yedi yeni. N baa teni yi yonbi n goa ki kpeni. N baa ñani yi min den gedini yi ti yonbidi yaa diema nni leni yin den yayadi ki ye yaa nibuolu leni yaa kaani kuli nni. N baa taani yi ki go kpenni yi min den deli ki ñani yi naani. Li Miali n yedi yeni.»

U TIENU MAAMA TILI 2013

¹⁴ N baa teni yin le nni. Mini o Diedo n yedi yeni. N baa teni yi yonbi n guani ki kpeni. N baa ñani yi min den gedini yi ti yonbidi yaa diema nni leni yin den yadi yadi ki ye yaa nibuolu leni yaa kaani kuli nni. N baa taani yi, ki go kpeninni yi, min den deli ki ñani yi naani.» Mini o Diedo n yedi yeni.

Jeremi 29:14 ပူးပေါင်းရင်းမြစ်များ

1 Bi Badiba Jama 28:9

Lanwani fini, Salomono n bijua, ŋan bandi a baa Tienu, ki yaa tuuni opo leni payenli leni yantiayenli, kelima Li Miali Diedo bani a pala kuli ki diidi a yantiana kuli. A yaa lingi o, o baa tuo ŋan le o. Ama a yaa ŋa o, o mo baa lu ŋa yaa yogunu kuli po.

Pisomi 126:1

Ban caa Jelusalema ki yiini yaa yanbu. Li Miali Diedo n den ñani Siyono yaaba ti yonbidi Ki kpeni nni ba, li den tie tipo nani ti dangidi yene.

Pisomi 126:4

Li Miali Diedo, ñani ti niba li yonbifuali ki guani ba Nani yaa kpeni n kuodi n yen goa ki baa mi ñima maama yeni.

Pisomi 32:6

*Nidugika kuli n jaandi a li yogunu yaa pundi. Baa mi ñima yaa gbie ki kandi, Mi kan milini yaaba n ŋua Li Miali Diedo.

Pisomi 46:1

Bi yanyanba yudaano yani siiga yanbu. Kole buolu yanbu yaabu n yiini leni ki nialiñiliga.

Esayi 14:1

Li Miali Diedo baa gbadi mi niñima Jakobo puoliŋuani po. O go baa goa ki gandi bani Isalele yaaba. O baa goa ki kaani ba bi tinga nni. Bi canba baa sani ki taani leni ba, Bikuli n taani ki tua yenma leni Jakobo buolu.

Esayi 43:5

Da jie mani liba N ye leni yi. N baa ñani puoli po yi puoliŋuani ki guani yi, N baa yini nintuali po ki taani yi.

Esayi 43:6

N baa yedi nijienu po diema: ‹Guani ba!› Ki yedi niganu po diema mo: ‹Da baa kubi ba!› Teni n bijaba n ña yaa diema n ye foagima ki kpeni Ki ñani n bisiaba mo hali u tinbianu ki guani ba.

Esayi 45:19

Mii maadi wuoli nni Naankani n biigi ki ye ki tinga nni ka. Mii den yedi Jakobo puoliŋuani Lingi nni mani yin kan le nni naankani ka. Mini Li Miali Diedo n maadi yaala n tiegi, Ki doagidi yaala n dagidi.»

Esayi 55:6

Lingi mani Li Miali Diedo Yin baa fidi ki le o yaa yogunu. Jaandi ki mia o mani Wan kuu yi kani yaa yogunu.

Jeremi 12:15

Ama n yaa ŋabi ba yaa yogunu Se mi niñima n goa ki cuo nni bikuli yendo yendo po, Min goa ki guani ba yua kuli o tinga nni, Yua kuli o diema nni.

Jeremi 3:14

Guani mani ne, yaaba n kan sedi kaanyendu, Li Miali Diedo n yedi yeni. Kelima mini n tie yi canbaa N baa gandi niyendo u naa dogu nni, Niba lie mo, u naa buolu nni, N baa guani yi Siyono po.

Jeremi 30:10

Fini n naacemo Jakobo, Da jie liba, Li Miali Diedo n yedi yeni. Isalele, da digibi ba! Kelima diidi n baa faabi a ki tinga nni Leni a puoliŋuani n ye ti yonbidi yaa diema nni. Jakobo baa guani ki mangi o pali Mi fuodima po leni mi yanduanma po. Oba kuli kan cua ki lengi o yama.

Jeremi 30:18

Li Miali Diedo maadi nanda: «N goa ki kpenni Jakobo puoliŋuani yaaba n den ye ti yonbidi N juogi a diedi yaaba. Bi baa goa ki maa u dogu a diegbenbuokpela nni. Ki maa badidiegu ku kaankpelu nni.

Jeremi 30:3

Diidi a dana kpendi, mini Li Miali Diedo n yedi ke n baa teni n niba Isalele yaaba leni Juda yaaba, yaaba n den ye ti yonbidi yeni n guani min den puni bi baanba yaa diema nni ban goa ki diedi ma yeni nni.»

Jeremi 31:16

Li Miali Diedo maadi nanda: ‹Da mua, duuni ki ñani a ninsiidi Kelima a tuona baa baa i panpaani. Li Miali Diedo n yedi yeni. A bila baa ña bi yibalinba denpo ki kpeni.

Jeremi 31:17

Mi suginma ye apo saala po, Kelima a bijaba baa ti faa ki goa bi diema nni.› Li Miali Diedo n yedi yeni.

Jeremi 31:23

Li Miali Diedo U Paaciamu Kuli Daano, Isalele Tienu maadi yaa maama n tie na: «Diidi mani ban go baa yedi yaala Juda diema leni mi dogi, min baa teni bi yonbi n goa ki kpeni yaa yogunu: ‹Fini mi teginma diegu, mi gagidiŋanma juali, Li Miali Diedo n seligi a!›

Jeremi 51:10

Li Miali Diedo, teni ti *teginma n doagidi. Cua mani Siyono nni tin togidi Li Miali Diedo ti Tienu n tieni yaala.

Jeremi 8:3

Laa nibobiadu siiga yaaba n sieni yaa po bani yaaba ke n yayadi ba i kaani kuli yeni mi kuuma baa yaa tunni bipo li miali. Mini Li Miali Diedo U Paaciamu Kuli Daano n yedi yeni.»

Esekieli 37:21

Lani yaa puoli, a baa waani ba mini o Diedo, Li Miali Diedo n yedi yaala. N baa taani Isalele yaaba ban den ye yaa nilanbuoli siiga, ki ñani ba lipo, ki guani ki kaani ba bi yaa diema nni.

Esekieli 39:25

Lanwani o Diedo, Li Miali Diedo yedi mi ne: «Moala n baa guani Jakobo buolu Ban den cuo yaaba ti yonbidi yeni, Ki gbadi Isalele buolu po mi niñima. N baa yaa pia li *nunponli n yeli yaali n gagidi ki ŋani yeni po.

Amosi 9:14

N baa ñani n niba Isalele yaaba ti yonbidi nni Ki go cuani ba ne. Bi baa go maa bi yibalinba n den bolini yaa dogi Ki yaa ye i niinni. Bi go baa ŋu duven tiidi ki yaa ñu i duven, Bi go baa ga i kuani ki yaa di yi kpaandi.

Mise 4:12

Ama i nilanbuoli yeni niba naa bani mini Li Miali Diedo yantiana. Baa bani min jagi ke n baa tieni yaala. Li boani ba ke mini n taani ba Nani ban yen taani a dibaba u jalu nni maama Ki baa pua yeni.

Sofoni 3:20

Laa yogunu, n baa goa ki kpeninni yi, Li baa yaa tie min baa goa ki taani yi yaa yogunu. Yi baa le ke n lebidi yi yema, N baa teni yin goa ki baa ti kpiagidi, Yi yela mo n ña, Li ŋandunli nibuoli kuli nni.» Li Miali Diedo n yedi yeni.

LOMA YAABA 10:20

Esayi den pia li papaali ki cie ki yedi: «Yaaba n kaa lingi nni, bani n laa nni, N den doagidi n yuli Bani yaaba n kaa lingi nni po.»

Mi Tiadima 30:1

Yaa maama n maadi yipo yeni kuli, li seli leni ti solindi, min bili yaala yi nintuali kuli baa kua. Li Miali Diedo yaa yadi yadi ki kuani yi yaa nibuoli siiga yeni yi baa kpaagi mipo.

Mi Tiadima 30:3

Lanwani, Li Miali Diedo baa guani yi niba yaaba n den ye ti yonbidi kuli, ki gbadi yipo mi niñima ki goa ki taani yi ki ñani yi Li Miali Diedo yi Tienu n den yadi yadi yi yaa diema nni.

Mi Tiadima 30:5

Li Miali Diedo yi Tienu baa teni yin guani yi baanba n den die yaa diema nni, ke yi mo n go diedi ma. O baa tieni yi mi ŋanma ki teni yin yabidi ki cie yi baanba.

Mi Tiadima 4:7

U laa nibociamu mo n pia u *buli ke i kuu leni u nani Li Miali Diedo ti Tienu n kuu leni ti maama, ki todi ti, ti yaa mia o yaa yogunu?