Jeremi 29:11 - Gourmanchéma Bible

¹¹ Mini Li Miali Diedo yedi: N bani min jagi yipo yaala. N jagi yipo yaala n ŋani. Mii jagi yipo yaala n bia ka. Lani n tie yin baa mi suginma saala po.

U TIENU MAAMA TILI 2013

¹¹ Mini o Diedo yedi: N bani min jagi yi po yaala. N jagi yi po yaala n ŋani. Mii jagi yi po yaala n bia ka, n baa pa yi yin sugini yaala, ke li baa fuoni yi saala po.

Jeremi 29:11 ပူးပေါင်းရင်းမြစ်များ

Jobi 23:13

Ama o mo yaa jagi ke o baa tieni bonla, Ŋme n baa fidi ki teni wan lebidi yanjagili? Wan bua yaala, o tiendi lane.

Pisomi 33:11

Li Miali Diedo yanjagili baa yaa ye yogunu kuli po. Wan bili yaala o pali nni mo baa yaa ye nifiima n tuu nifiima.

Pisomi 40:5

Li pamanli ye leni yaa nilo n bili o dugidi Li Miali Diedo kani, Ki naa lebidi ki ŋua bi japaadanba leni bi tuofaadanba.

Pisomi 85:9

N baa cengi U Tienu Li Miali Diedo n yedi yaala. Kelima o maadi o niba, Bani yaaba n ŋua o yeni mi yanduanma maama, Ke ban da go guani bi yanluoma nni.

Esayi 27:4

N kan go bieni n pali n duven tikuanu yeni po. Ama n yaa laa konkoni bi kongoaba, N baa pedi i kuli, ki juu i mi fantama.

Jeremi 23:5

Li Miali Diedo yedi: «Diidi a dana kpendi, N baa teni Dafidi buolu nni n maa ki bimoanga. O baa tie yaa bado n tuuni bonŋanla leni mi yanfuoma. Kelima o baa yaa tiendi yaa bujiali n tiegi Ki go tiegi mi diema nni.

Jeremi 23:6

O jama nni Juda diema baa baa mi *faabima Isalele diema baa yaa ye leni mi yanduanma. Diidi ban baa yini o maama: ‹Li Miali Diedo n tie ti *teginma.›

Jeremi 24:5

Li Miali Diedo Isalele Tienu yedi nanda: «Nani ban den ban tieni maama leni yaa kankana n ŋani yeni, n moko baa diidi leni ki nunmanga ban ñani yaaba ti yonbidi Juda diema nni ki gedini ba Kalide yaaba diema nni yeni.

Jeremi 30:10

Fini n naacemo Jakobo, Da jie liba, Li Miali Diedo n yedi yeni. Isalele, da digibi ba! Kelima diidi n baa faabi a ki tinga nni Leni a puoliŋuani n ye ti yonbidi yaa diema nni. Jakobo baa guani ki mangi o pali Mi fuodima po leni mi yanduanma po. Oba kuli kan cua ki lengi o yama.

Jeremi 30:9

Bi baa soani Li Miali Diedo bi Tienu po Leni bi bado Dafidi, min baa pa ba yua po.

Jeremi 33:6

Diidi mani n baa paagi u dogu yeni cain. N baa paagi u niba mo. N baa pa ba laafia leni mi yanduanma.

Jeremi Bubula 3:26

Li ŋani hali bonŋanla o nilo n guudi leni li juunli Li Miali Diedo *faabima.

Esekieli 11:16

Lani yaa po ŋan yedi ba daa, Ke o Diedo, Li Miali Diedo yedi yaala n tie ne: Li yaa tie baa ke n den yadi yadi ba, Yaa diema n foagi leni ne niinni, Ki go den kuani ba i nilanbuoli nni, N den tua bipo *kaangagidiŋamu, Ban den gedi ki ban ye yaa diema nni.

Ose Tili 3:5

Li yaa puoli bi baa lebidi ki cua ki lingi Li Miali Diedo, bi Tienu leni bi bado, Dafidi puoliŋuani siiga. Bi baa faa ki guani Li Miali Diedo kani leni li fangili, ki go baa o *ŋanbili.

Mise 4:12

Ama i nilanbuoli yeni niba naa bani mini Li Miali Diedo yantiana. Baa bani min jagi ke n baa tieni yaala. Li boani ba ke mini n taani ba Nani ban yen taani a dibaba u jalu nni maama Ki baa pua yeni.

Sakari 1:6

Ama min den teni n naacenba, bi sawalipuaba yaa ñoabona leni yaa mabilikaama kuli den cuo yi yaajanba pala. Bi den lebidi bi tagi ki yedi: ‹Li Miali Diedo, U Paaciamu Kuli Daano soani ti nani ti tagi leni ti tuona n den teni ke o jagi ke o baa soani ti maama.› »

Sakari 13:9

N baa ŋaani bani yaaba n sieni ki fo yeni, Nani ban yen tieni ŋanjilifa leni wula mi fantama nni maama Ki ñani ti joagindi yeni. Bi baa yaa jaandi ki miadi nni, N baa yaa guandi bipo bi miabu. N baa yedi: ‹Bine n tie n niba.› Bimo n yedi: ‹Li Miali Diedo tie ti Tienu.› »