Jeremi 28:15 - Gourmanchéma Bible

¹⁵ O sawalipualo Jelemi den yedi o sawalipualo Anania: «Cengi Anania! Li Miali Diedo naa soani a, ke a nan pia bi naa niba ki boandi ki puuni ba ti dugidi.

U TIENU MAAMA TILI 2013

¹⁵ O saawalipualo Jeremi den yedi o saawalipualo Anania: «Cengi Anania! O Diedo naa soani a, ke a nan pia bi naa niba ki boandi ki puuni ba li papaali.

Jeremi 28:15 ပူးပေါင်းရင်းမြစ်များ

1 Bi Badiba 22:23

Mise go den yedi: «Ŋan cengi, Li Miali Diedo kuani i boandi a sawalipuaba kuli ñoana nni. Li Miali Diedo jagi ke o falabiado baa baa ŋa.»

Jeremi 20:6

Fini Pasehuli mo leni yaaba n ye a diegu nni kuli, yi baa gedi ti yonbidi Babilona. A baan kpe lipo ban piini a, fini leni a danlinba ŋan den pua yaaba yaa po mi sawali-faama yeni.› »

Jeremi 23:21

Mii soani laa sawalipuaba Ke bi nan sani ki gedi. Mii maadi leni ba Ke bi nan pua sawali.

Jeremi 23:31

N nani yaa sawalipuaba N yaadi bi ñoana ki pua mi faama n yeli nni.

Jeremi 27:15

Mini Li Miali Diedo n yedi yeni ke bi nan pua sawali-faama n yeli nni ki bua min ña yi maama nni ki bolini yi, yinba leni yaa sawalipuaba n pua yipo laa sawali buoli kuli.»

Jeremi 28:11

ki yedi: «Li Miali Diedo yedi nanda: ‹Diidi min baa mudi Babilona bado Nebukanesa paalu maama n yeni i nibuoli kuli po ne leni bina lie siiga.› » Lane o sawalipualo Jelemi mo den taa o sanu ki ban caa.

Jeremi 29:23

Kelima bi tieni ti cagindi Isalele diema nni ki ban conbi leni bi nisaalilieba puoba, ki pua mi faama n yeli nni yaa yogunu ke n naa den puogi ba liba. N bani la, mini n go tie li siedi mo. Li Miali Diedo n yedi yeni.»

Jeremi 29:8

Li Miali Diedo U Paaciamu Kuli Daano, Isalele Tienu yedi mine: «Yin da teni yi sawalipuaba yaaba n kaa yi siiga n boandi yi. Yin da teni yi baayuadiida moko n boandi yi. Yin da tama ke yi dangidi bua ki bundi liba kuli!

Jeremi 7:8

Diidi mani, yi dugi i boandi po Yi n ki pia fuoma.

Jeremi Bubula 2:14

A sawalipuaba baa apo li bonlekaala, Yaa bonlekaala n ki pia ñuadiba, kaa pia fuomaba kuli mo. Baa kadi ki waani a tagili kuli cain Ki baa ñani a ti yonbidi nni. Bi baa apo yaa bonlekaala N kaa mani, ki naa go pia fuoma mo.

Esekieli 13:22

Kelima yi faama po, yi den wudi o niteginka gbanu Baa ke mini nba ki den bua ki biidi o pali, Kelima yi paagi bi nibiadiba gbani Ke ban da lebidi bi yama ki ŋa bi *tuonbiadi ki yaa ye.

Esekieli 13:6

Bi bonlekaala tie fanma Bi sawalo mo tie faama Bi tua: ‹Li Miali Diedo yedi!› Ke Li Miali Diedo mo naa soani ba. Bi sugini ke ban yedi yaala baa tieni.

Esekieli 13:9

N nuu baa cuo yaa sawalipua-faadanba N baadi yaa bonlekaala n tie fanma Ki pua yaa sawalo n tie faama. Bi kan baa kaanu n niba taanli siiga. Bi yela mo kan diani Isalele yaaba yela tili nni. Bi kan goa ki kua Isalele yaaba diema nni. Lani, yi baa bandi ke n tie o Diedo, Li Miali Diedo.

Esekieli 22:28

U sawalipuaba yen bobi ki lebidi bi yula ke ban da bandi ba, nani ban boali yaa bilini li muanli yeni, ki laadi bonlekafanla, ki go bu yaa baagu n tie faama. Bi tua: ‹O Diedo, Li Miali Diedo yedi mi ne!› Ke Li Miali Diedo mo naa yedi liba kuli.

Sakari 13:3

Li yaa tie ke nilo go pua sawali, O baamado leni o naamado baa yedi o: ‹Li pundi ŋan kpe, kelima a maadi ki pua mi faama, Ki nan yedi ke Li Miali Diedo n soani a.› Lanwani o baa leni o naa, bani yaaba n mali o yeni baa muu ki kpa o, Wan pua mi sawalifaama yaa yogunu.

Mi Tiadima 13:6

Bi baa kpa laa sawalipualo bi laa baabuulo kelima o maadi mi yiema maama Li Miali Diedo yi Tienu po, yua n den ñani yi Ejipiti diema nni ki faabi yi ti yonbidi kaanu. O bi bua ki tudi yi, yin jadi ki ŋa Li Miali Diedo yi Tienu n den bili yipo yaa sanu. Yi baa tieni yeni ki ñani li bonbiadila yi siiga.

Mi Tiadima 18:20

Ama yaa sawalipualo n paagi o pali ki maadi n yeli nni, min kaa puogi o wan maadi yaama, bi o yaa maadi buloba yeli nni, bi baa kpa laa sawalipualo.›