Jeremi 28:14 - Gourmanchéma Bible

¹⁴ Kelima Isalele Tienu U Paaciamu Kuli Daano Li Miali Diedo yedi nanda: ‹N baa lani i nibuoli kuli yaa landili n tie ti kudi ki teni ban soani Nebukanesa Babilona bado po. Bi baa soani opo mo. N go puni wane baa ku muagu nni yandi moko.› »

U TIENU MAAMA TILI 2013

¹⁴ Li Miali Diedo, U Paaciamu Kuli Daano, Isidayeli Tienu yedi nanda: ‹N baa lani i nibuoli kuli yaa landili n tie kudi, ki teni ban soani Nebukanesa Babilonni bado po. Bi baa soani o po mo. N go puni wane ba ku muagu nni yandi moko.› »

Jeremi 28:14 ပူးပေါင်းရင်းမြစ်များ

Jeremi 15:12

Naani ti kuboandi baa kua? Naani nijienu kudi leni ti kumoandi baa kua?

Jeremi 27:4

Ŋan go soani n ñoabonbilikaana bi canbaanba po ki yedi: Li Miali Diedo U Paaciamu Kuli Daano, Isalele Tienu yedi: Ban yedi mani yi canbaanba,

Jeremi 27:8

Nibuoluba, bi diemaba yaa yie ki kan soani Babilona bado Nebukanesa po, ki yie ki kan teni o tulu Babilona bado n lani o li landili, n baa fii ki sedi laa diema po leni ki jugisiega, mi koma leni u yianbiadipuodiko hali ki ban bolini mi diema yeni leni o nuu. Mini Li Miali Diedo n yedi yeni.

Jeremi 40:4

Moala n faabi a leni yaa kugaali n luo a nii. A yaa sua ke li dagidi apo ŋan cua Babilona po leni nni, ŋan cua, n baa yaa faami apo bonŋanla. A yaa sua ke laa dagidi ŋan cua leni nni Babilona po mo ŋan da cua. Diidi mi diema kuli bili a nintuali, gedi ŋan sua ke naani n mani ki go dagidi apo.»

Jeremi Bubula 1:14

O taa n biadima kuli ki tuni nni. Lani n tie Li Miali Diedo n gbeni n gbanmanu maama n yeni. O teni ke yaa nii n muubi nni yeni, n kan ŋmadi.

Danieli 2:38

O mubini a bi nisaaliba leni ti fuayandi leni ti bonyugiditi kuli a nuu nni. Fini n die ba ban ye naankani kuli. Fini n tie li wulayuli yeni.

Ose Tili 10:11

Efilayima buolu yaaba den tie nani yaa naasalo n bani li tuonli bonŋanla, Ki bua ki yaa ŋmaadi *ŋalikama. N baa maani o tulu yu n ŋani yeni po ku daagu, Ki doali o li naakuuli. Juda diema yaaba baa yaa ko, Bani Jakobo buolu baa laa yaala n mudi a tangbana, ki fuli.

Mi Tiadima 28:48

diidi moala yi baa yaa tuuni Li Miali Diedo n baa soani yipo yaa yibalinba yeni siiga, mi koma leni u ñunñuunu nni, li mubili leni mi luoma cain siiga. O baa maani yi bunkpana po ti kudi yaa naakpakpaadi daadi, hali wan bolini yi ki gbeni.

Mi Tiadima 4:20

Ama yinba, Li Miali Diedo taa yi ki ñani yi Ejipiti kudi buaga nni, ke yin tua yaa niba tie o yaa yaaba nani yin tie maama dinla.