Jeremi 27:8 - Gourmanchéma Bible

⁸ Nibuoluba, bi diemaba yaa yie ki kan soani Babilona bado Nebukanesa po, ki yie ki kan teni o tulu Babilona bado n lani o li landili, n baa fii ki sedi laa diema po leni ki jugisiega, mi koma leni u yianbiadipuodiko hali ki ban bolini mi diema yeni leni o nuu. Mini Li Miali Diedo n yedi yeni.

U TIENU MAAMA TILI 2013

⁸ Yaa nibuolu bi yaa diema n yie ki kan soani Babilonni bado Nebukanesa po, ki yie ki kan teni o tulu Babilonni bado n lani o li landili, n baa fii ki sedi laa diema po leni ki jugisiega, mi koma leni u yianbiadipuodiko, hali ki ban bolini mi diema yeni leni o nuu. Mini o Diedo n yedi yeni.

Jeremi 27:8 ပူးပေါင်းရင်းမြစ်များ

Jeremi 24:10

N baa soani ki jugisiega bi siiga, mi koma leni u yianbiadipuodiko hali ban bodi mi diema nni min den puni bani leni bi baanba yaama yeni niinni.»

Jeremi 25:9

N baa soani ban yini nijienu po yaa niba kuli leni Nebukanesa Babilona bado n naacemo. N baa teni ban cua ki fii ki sedi mi naa diema leni mi niba po leni yaa nibuoli n gaani ki lindi ba kuli po. N baa kpa bikuli cain lan tua gbanankpiendi bonla leni ñuali bonla. Likani mo baa tua diegbengu yaa yogunu kuli po.

Jeremi 27:11

Li Miali Diedo yedi ke yaa nibuolu n baa teni u tulu Babilona bado ti yonbidi po, ki baa soani opo, n baa pa u mi fuodima o diema nni. Lani n tie li niba n ko bu kpaabu ki go kali mi diema nni.

Jeremi 27:13

Be yaa po yo ke bu toabu, mi koma leni u yianbiadipuodiko baa kpa yi nani Li Miali Diedo n bili maama yaa nibuolu n yie ke u kan soani Babilona bado po?›

Jeremi 28:14

Kelima Isalele Tienu U Paaciamu Kuli Daano Li Miali Diedo yedi nanda: ‹N baa lani i nibuoli kuli yaa landili n tie ti kudi ki teni ban soani Nebukanesa Babilona bado po. Bi baa soani opo mo. N go puni wane baa ku muagu nni yandi moko.› »

Jeremi 28:4

Li Miali Diedo n yedi ke o go baa guani nekanba Yeojakimi bijua Yekonia Juda bado leni ban gedini yaaba Babilona kelima min baa mudi Babilona bado paalu maama yaa po.› »

Jeremi 29:17

Li Miali Diedo yedi nanda: «Diidi n baa cuani bi siiga bu toabu leni mi koma, ki teni ban yaa naani leni yaa kankanbedima n ki go pia ŋmanma kelima ŋan bedi maama po yeni.

Jeremi 29:18

N baa ŋoadi ki deli ba leni bu toabu, mi koma leni u yianbiadipuodiko. N baa teni ban tua ti jawaanciandi bonla ki tinga diema nibuoli po, ti solindi bonla, li pakili, ti laadi, li ñuali leni u yualu bonla min baa yadi yi yaa nibuoli siiga kuli.

Jeremi 40:9

Ahikami bijua Gedalia, Safani yaabili den poli ki niani ba u ñoanianu ki yedi ba: «Da jie mani Kalide diema yaaba, tuo mani ban yaa die yi, yaa ye mani mi diema nni, yaa tuuni mani Babilona bado po yi baa sua ke yi yema mani yipo.

Esekieli 14:21

O Diedo, Li Miali Diedo den yedi nni mi ne: «Baa n yaa soani Jelusalema po n falabiado bonba naa yaaba n tie: Ki jugisiega, mi konbiadima, u yianbiadipuodiko, leni ti fuayanbiaditi, ke lani kuli n bolini bi niba leni ti yandi, diidi, a bonjala leni a bonpola siiga bi tianba baa sieni ki kan kpe.