Jeremi 27:5 - Gourmanchéma Bible

⁵ ke mini n tagi ki tinga, bi niba leni ti yandi yaadi n ye ki tinga nni leni n paaciamu leni n banma. N baa pa ki tinga min bua yua.

U TIENU MAAMA TILI 2013

⁵ ke mini n tagi ki tinga, bi niba leni ti yandi yaadi n ye ki tinga nni leni n paalu leni n banma. N baa pa ki tinga min bua yua.

Jeremi 27:5 ပူးပေါင်းရင်းမြစ်များ

Mi cilima 1:25

U Tienu den tagi ki tinga yaa moayandi nani ti buoli n tie maama, ti denyandi nani ti buoli n tie maama leni ki tinga bonbalinkaala kuli nani li buoli n tie maama. U Tienu den laa ke li ŋani.

Mi cilima 9:6

Yua n wuli o nisaalilielo soama, o nisaalilielo n baa wuli o moko yaa soama

Esidirasi 1:2

«Mini Pelisa diema yaaba bado Silusa yedi yaa maama n tie ne: Li Miali Diedo, U Tienu yua n die tanpoli puni nni ŋanduna diema kuli ke n die ma. O puogi nni min maa o diegu Jelusalema dogu yu n ye Juda diema nni.

Nehemi 9:22

A den teni ke bi paadi mi diema leni i nibuoli. A den boagidi ki teni ba yaa tinmu n kukuu ba. Bi den diedi Hesiboni bado Sihoni diema leni Basana yaa bado Ogi yaa diema.

Pisomi 102:25

N den yedi: «N Tienu da ñani n miali n panma siiga, Fini yua yaa bina n ki pia gbenma.»

Pisomi 96:5

Kelima i nilanbuoli n ŋua yaa buli ki pia fuomaba kuli. Ama Li Miali Diedo n tagi tanpoli.

Mi Ñama 20:11

Kelima dana luoba yaa niinni Li Miali Diedo den tagi tanpoli leni ki tinga mi ñincianma leni yaala n ye mi niinni kuli ki den fuodi li daleleeli. Li tie lani yaa poe ke Li Miali Diedo den seligi mi fuodima daali ki gagidi li.

Mi Ñama 6:6

Li tie lani yaa po ke a baa yedi Isalele yaaba: N tie Li Miali Diedo, n baa faabi yi leni Ejipiti yaaba n tuuni yi yaa tuona. N baa faabi yi bi yonbidi nni. N baa doagidi n paaciamu ki jia ti buudi ki ciadi yi.

Esayi 42:5

Li Miali Diedo U Tienu Wani yua n tagi tanpoli, ki tandi tanpoli leni li fanma Ki ladi ki tinga leni yaala n pudi kipo kuli Ki puuni yaaba n ye kipo kuli mi fuoma, Ki go puuni yaala n cuoni kipo kuli li yaa fuoma Maadi yaa maama n tie na:

Esayi 44:24

Li Miali Diedo yua n da ki faabi yi Wani yua n den tagi yi hali ke yi da ye yi naa tugu nni Yedi yaa maama n tie na: «Mini Li Miali Diedo n tieni li bonla kuli, Min bebe n dadi ki tandi ti tawadi Mini nba n tagi ki tinga.

Esayi 45:12

Mini n tieni ki tinga Ki go tagi o nisaalo ke o ye ki niinni. Min de, n nii n dadi ki tandi ti tawadi Ki gobidi tanpoli toagoli kuli.

Esayi 48:13

N nuu n bili ki tinga tanpuuli, N nijienu mo n dadi ki tandi tanpoli. N yaa yini tanpoli leni ki tinga Bikuli yen taani ki cua.

Esayi 51:13

Ki sundi Li Miali Diedo yua n den tagi a po, Yua n den dadi ki tandi ti tawadi, ki bili ki tinga tanpuuli, Ki baa yaa ye daali kuli yaa jawaandi n ki pia gbenma nni? Kelima yua n faligidi a pabiencianli po, Nani wan bogini ki baa bolini yaa yogunu yeni. Yua n faligidi pabienli ye le?

Jeremi 27:4

Ŋan go soani n ñoabonbilikaana bi canbaanba po ki yedi: Li Miali Diedo U Paaciamu Kuli Daano, Isalele Tienu yedi: Ban yedi mani yi canbaanba,

Jeremi 32:17

«Fini Li Miali Diedo, a tagi tanpoli leni ki tinga ki doagidi a paaciamu leni a banma. Liba kuli ki pa apo.

Jeremi 51:15

O tagi ki tinga leni o paalu, Leni o yanfuoma ke o diani u tinbianu. Leni o banma yo ke o tieni ti tawadi.

Danieli 2:38

O mubini a bi nisaaliba leni ti fuayandi leni ti bonyugiditi kuli a nuu nni. Fini n die ba ban ye naankani kuli. Fini n tie li wulayuli yeni.

Danieli 4:14

Malekinba n cuani mi maama yeni. Yeni de, bani n caa li ñoabonli yeni, ke yaaba n fo kuli n bandi ke Tanpojoma Tienu n die bi nisaaliba diema ki dindi wan bua yua li bali, ki fiindi lienni yua n tie taliga ki cie o lieba.

Danieli 4:17

A den laa yaa tibu n yaba ki pa ke bu joma pundi hali tanpoli, ke baa yua n den ye u tinbianu baa yaa nua bu.

Danieli 4:22

Bi baa deli ki ñani a bi nisaaliba siiga. A baa yaa taa ki ye leni ti fuayandi, bi baa yaa tendi a ti muadi ke a ŋmani nani i ne yeni, ku mangu baa yaa soangidi a. Li baa yaa tie apo yeni hali bina lele n pendi, hali ŋan baa bandi ke Tanpojoma Tienu n die bi nisaaliba diema kuli, ki dini wan bua yua li bali.

Danieli 4:25

Li bonla yeni kuli den tieni o bado Nebukanesa.

Danieli 5:18

O bado, Tanpojoma Tienu den dini a baa Nebukanesa li bali ke o tua badiciamo ki go puni o ti kpiagidi leni ti jigidi ki ñani o yeli.

Jesu Tondiba Tuona 14:15

«Be yaa po ke yi tiendi yeni? Ti moko tie nisaaliba nani yinba n tie maama. Ti wangi yi o Laabaaliŋamo ke yin lebidi ki ŋa yaa jaanma n tie fanma fanma na ki ŋoadi U Tienu yua n fo, wani yua n den tagi tanpoli leni ki tinga leni mi ñincianma leni yaala n ye lienni kuli.

Jesu Tondiba Tuona 17:24

U Tienu yua n den tagi tanpoli leni ŋanduna leni yaala n ye lienni kuli, wani yua n die tanpoli po leni ki tinga nni kuli, o yekaanu naa tie bi nisaaliba n maa yaa jaandiena nni ka.

Jesu Tondiba Tuona 17:26

O den tagi jayendo ki teni ke ŋanduna nibuoli kuli ñani o kani, ki go teni ke bi yayadi ki ye ki tinga kuli nni. Hali ban daa den ye, o den bili ban baa ye yaa yogunu leni ban baa ye naankani.

Mi Tiadima 2:19

Ŋan da baa ba, ŋan da fii ke a baa tieni leni ba bu toabu. Kelima mii puni a ŋan diedi kaanuba kuli Amoni yaaba diema nni. N puni Loto bijaba yo n diedi Amoni diema.

Mi Tiadima 2:21

Bi den tie yaa nibuolu n pia u paalu, ki yaba ki go kpedi boncianla nani Anaka yaaba yeni. Li Miali Diedo den bolini ba Amoni yaaba nintuali ki teni ke bi fie bi tinga ki kali bi kaanu.

Mi Tiadima 2:7

Kelima Li Miali Diedo yi Tienu seligi yi nii tuona kuli, ki bandi yi cenli laa fanpiencianma nni. Diidi bina piinaa ke Li Miali Diedo yi Tienu ye leni yi. Yi naa luo liba kuli.

Mi Tiadima 2:9

Li Miali Diedo den yedi nni: ‹Ŋan da baa Moabi yaaba ki nan da bogini ke a baa tieni ba bu toabu. Kelima mii puni a ŋan diedi kaanuba kuli bi diema nni. N puni *Loto bijaba yo n diedi Ali diema.›

Mi Tiadima 32:8

Tanpoli Badiciamo n den puni i nibuoli mu tinmu yaa yogunu, Ki den paadi Adama bijaba leni biyaba, Ki den bili i nibuoli kuli tinbiani Ki ŋoadi Isalele buolu yaaba n den de maama.

Mi Tiadima 4:17

bi yangiba yaaga n ye ki tinga nni yaa nannanli, bi nuangiba yaaga n yugi tanpoli yaa nannanli,

Mi Tiadima 4:25

Yi yaa ti baa bila leni a yaabila yaa yogunu, ki waagi ki ye mi diema nni, yin da ti *joagini yi yula ki tagi i buli bi nannanaba. Yin da tieni yaala n naa dagidi Li Miali Diedo yi Tienu po ki baa fiini o pali.

Mi Tiadima 4:32

Buali mani ki bandi yaa dana n den pendi hali yogu, ya n den ye ke yi daa ye, ki cili U Tienu n den tagi o nisaalo ki tinga nni yaa daali, ki cili puoli ki yaa caa hali nintuali. Naani laa bonla buolu kpa tieni, bi yi kpa gbadi bi maadi li buolu maama?

Mi Tiadima 4:35

Yinba n den baa u sanu ki baa fidi ki le, ke yin bandi ke Li Miali Diedo tie U Tienu, ke toa ki ye kali wani.

Mi Tiadima 5:16

Yin jigini yi baanba leni yi naanba nani Li Miali Diedo yi Tienu n bili yipo maama. Lani n tie yi miali dana n foagidi, yin go yaa ye leni li pamanli Li Miali Diedo yi Tienu n puni yi yaa tinga nni.

Mi Tiadima 9:29

Ama, baa leni lani kuli, bi tie a yaa niba leni a yaa piame, ke a teni ke bi ñani leni a paaciamu leni a fidu.

Kolosi 1:16

Li bonla kuli den tagi o yaa niinni, yaala n ye tanpoli leni yaala n ye ki tinga nni kuli, tin nua yaala leni tin kaa nua yaala: yaaba n ka i bali kalikaani po leni yaaba n tie bi diediba leni bi yudanba leni yaaba n pia li bali kuli. Li bonla kuli tie o yaa tagima ki tagi o yaa po.

Hebilunba 1:2

Ama moala, mi juodima dana nni, o maadi leni tinba o Bijua yaa ñoabu nni. O den bili ke wane n diedi li bonla kuli, o yaa niinne ke o go tagi li ŋandunli kuli.

Mi Doagidima 4:11

«Ti Diedo, ti Tienu, A pundi ki yaa baadi ti kpiagidi Leni ti jigidi leni u paaciamu, Kelima fini n tagi li bonla kuli, A yanbuama po mo ke likuli tagi, Ki go baa ye.»