Jeremi 27:18 - Gourmanchéma Bible

¹⁸ Jelemi go den pugini ki yedi: «Bi yaa tie sawalipuaba moamoani, ke Li Miali Diedo n maadi leni ba, ban jaandi Li Miali Diedo U Paaciamu Kuli Daano ki mia o, wan teni yaa tiadi n sieni Li Miali Diedo diegu nni leni Juda bado diegu nni Jelusalema nni n da gedi Babilona!

U TIENU MAAMA TILI 2013

¹⁸ Jeremi go den pugini ki yedi: «Bi yaa tie saawalipuaba moamoani, ke o Diedo n maadi leni ba, ban jaandi o Diedo U Paaciamu Kuli Daano ki mia o, wan teni yaa tiadi n sieni o Diedo diegu nni, Juda bado diegu nni leni Jerusalemi nni, n da gedi Babilonni!

Jeremi 27:18 ပူးပေါင်းရင်းမြစ်များ

Mi cilima 20:17

Abalahama den mia U Tienu ke U Tienu den paagi Abimeleka leni o pua leni o potuada kuli ke bi den fidi ki punbi ki mali.

1 Bi Badiba 18:24

Lanwani yin jaandi ki mia mani yin ŋua yua, nmo baa jaandi ki mia Li Miali Diedo. Yua n tuo ki soani mi fantama ke mi juu li padili yeni, wani n tie U Tienu.» Ku niligu kuli den goa ki yedi o: «To, li dagidi!»

1 Bi Badiba 18:26

Bi den taa ban teni ba yaa naatonli, ki ŋanbi li, ki cili ku tiŋaagu ki miadi Baali ki ban pundi hali u yensiinu ki tua: «Baali, ga tipo ti miabu.» Ama baa den gbadi liba, baa den gbadi sagimuba kuli. Bi den jeli ki lindi ban den maa yaa padibinbinli.

2 Bi Badiba Jama 32:20

O bado Esekiasi leni Amotisi bijua o sawalipualo *Esayi den jaandi U Tienu ki mia o todima.

Jeremi 15:1

Li Miali Diedo den yedi nni: «Baa Musa leni Samueli yaa cua n kani, N yama kan guani bi naa niba kani. Deli ba ban foagidi n kani Ban yaa caa!

Jeremi 18:20

Naani mi biadima n baa pa mi ŋanma panpaani? Ama bani wani gbini ku buogu ki baa ñani n miali. Tiadi ke n cua ki sedi a nintuali Ki baa maadi ki ŋanbi bipo, Ki teni a pabiencianli n da nandi ba.

Jeremi 42:2

o sawalipualo Jelemi kani ki yedi o: «Gbadi tipo ti miabu: Jaandi Li Miali Diedo a Tienu tinba yaaba n sieni nne kuli po! Ti den yaba boncianla, ama moala nani ŋan nua maama, tii go fuu.

Jeremi 7:16

Fini, amo n da jaandi bi naa niba po Ŋan da kpaani, ŋan da jaandi bipo. Da cua n kani ki mia min todi ba, Kelima n kan cengi a maama.

Esekieli 14:14

Baa yaa nitaadiba n yene: Nowe, Danieli leni Joba yaa ye laa diema nni, bi baa faabi bi yaa miana bebe kelima bi*teginma po. Mini o Diedo, Li Miali Diedo n yedi yeni.

Esekieli 22:30

N lingi bi siiga yaa niba n baa maa u bilinu ki ga ba, yua n baa fii ki sedi n nintuali u bilinu n padi naankani, ki jaandi mi diema po ke man da bodi. Ama mii laa oba kuli.

Malaki 1:9

Lanwani, yinba bi kopadicianba, Biigi mani moala ke yi baa mia yi Tienu, Ke wan gbadi yipo mi niñima. Naani yi bontienkaala baa tuo Wan mangi o nunga yipo bi? Li Miali Diedo, U Paaciamu Kuli Daano n yedi yeni.»

1 Samueli 12:19

Bi niba kuli den yedi Samueli: «Mia Li Miali Diedo a Tienu tinba a naacenba po ke tin da kpe. Kelima tin mia ban dini tipo o bado yeni, ti tieni ti tuonbiadi ki pugini tin tieni yaa tuonbiadi kuli po.»

1 Samueli 12:23

Mini mo, Li Miali Diedo n faabi nni min da tieni opo yaa tuonbiadi n tie na, lani n tie ki cedi ki kan yaa jaandi ki miadi o yipo. N baa yaa bangi yi yaa sanu n ŋani ki go tiegi.

1 Samueli 7:8

ki yedi Samueli: «Ŋan da cedi tipo bu miabu Li Miali Diedo ti Tienu kani, ke wan faabi ti Filisiti yaaba nuu nni.»