Jeremi 27:13 - Gourmanchéma Bible

¹³ Be yaa po yo ke bu toabu, mi koma leni u yianbiadipuodiko baa kpa yi nani Li Miali Diedo n bili maama yaa nibuolu n yie ke u kan soani Babilona bado po?›

U TIENU MAAMA TILI 2013

¹³ Be yaa po yo ke yi baa teni bu toabu, mi koma leni u yianbiadipuodiko n kpa yi nani o Diedo n bili maama yaa nibuolu n yie ke u kan soani Babilonni bado po?›

Jeremi 27:13 ပူးပေါင်းရင်းမြစ်များ

Mi Kpanjama 8:36

Ama yua n tieni ti *tuonbiadi npo kuli faligidi o yuli. Yaaba n nani nni kuli bua mi kuuma.»

Jeremi 17:4

Yinba yiba n baa ŋa min den puni yi yaa diema. N baa taani ki teni yin tua yi yibalinba yonbi Yin kaa bani yaa diema nni Kelima yi teni ke n pabienli tua nani mi fantama yene. Mi baa yaa co yogunu kuli.

Jeremi 24:9

N baa teni ban tua ti jawaanciandi bonla, fala bonla li ŋandunli nibuoli po. Bi baa tua i fe bonla, li ñuali bonla, ti laadi leni ti solindi min baa lu ba naani kuli yaa po.

Jeremi 27:8

Nibuoluba, bi diemaba yaa yie ki kan soani Babilona bado Nebukanesa po, ki yie ki kan teni o tulu Babilona bado n lani o li landili, n baa fii ki sedi laa diema po leni ki jugisiega, mi koma leni u yianbiadipuodiko hali ki ban bolini mi diema yeni leni o nuu. Mini Li Miali Diedo n yedi yeni.

Jeremi 38:2

«Li Miali Diedo yedi nanda: Yua n baa sieni ki yaa ye u naa dogu nni ki jugisiega, mi koma, leni u yianbiadipuodiko n baa je o. Ama yua n ñani ki baa teni o yuli Babilona yaaba, baa yaa ye leni li miali.

Jeremi 38:20

Jelemi den goa ki yedi o: «Bi kan ŋa ŋa bi nuu nni. A yaa cengi Li Miali Diedo n puogi nni min yedi a yaa maama yeni, a baa sua ke li ŋani apo. A baa faabi a miali.

Jeremi 38:23

Bi baa gedini a puoba kuli leni a bijaba, Babilona yaaba po. Fini aba a moko kan ŋmadi bi nuu nni. Babilona bado baa cuo ŋa wani yua baa juu u dogu leni mi fantama yeni.

Esekieli 14:21

O Diedo, Li Miali Diedo den yedi nni mi ne: «Baa n yaa soani Jelusalema po n falabiado bonba naa yaaba n tie: Ki jugisiega, mi konbiadima, u yianbiadipuodiko, leni ti fuayanbiaditi, ke lani kuli n bolini bi niba leni ti yandi, diidi, a bonjala leni a bonpola siiga bi tianba baa sieni ki kan kpe.

Esekieli 18:24

Li yaa tie ke o niteginka ŋa o teginma, ki tieni yaala n naa tiegi, ki togidi o nibiado n bi tiendi yaa cagindi kuli, naani o baa yaa ye? Bi kan go tiadi wan den tieni yaa teginma kuli po. Kelima wan tiendi yaala n ki tiegi po leni wan tieni yaa tuonbiadi po, o baa kpe kelima lani yaa po yo.

Esekieli 18:31

Yin foagidi mani leni yin den tiendi yaa biadima. Baa mani papanli leni yantiapanli. Be yaa po ke yinba Isalele yaaba, yi baa kpe?

Esekieli 33:11

Yedi ba daa, ke o Diedo, Li Miali Diedo yua n fo yedi line: ‹Mii bua nibiado kuuma ka, ama min bua yaala tie ke wan lebidi o tagu ki yaa ye yo.› Lebidi mani yi yama ki ŋa i tagibiadi. Be yaa po ke yinba Isalele yaaba yi baa kpe?