Jeremi 26:6 - Gourmanchéma Bible

⁶ N baa soani ku naa diegu tuonli nani min soani Silo yaa tuonli yene. N baa teni ku naa diegu n tua ti solindi bonla ki tinga nibuoli kuli po.› »

U TIENU MAAMA TILI 2013

⁶ Lanwani, n baa soani ku naa diegu nani min soani Silo yaa tuonli yeni. N baa teni ku naa diegu n tua ti solindi bonla ki tinga nibuoli kuli po.› »

Jeremi 26:6 ပူးပေါင်းရင်းမြစ်များ

Esayi 43:28

Li tie lani yaa po ke n den nua ke u *kaangagidiŋamu kopadicianba kuli *joagini, N go den ŋa ke Isalele yaaba yibalinba fiagi ba ki go bolini ba.

Esayi 65:15

Yi baa kpe, n nigandikaaba n yaa taagi yi yela Ki solini ki tua: ‹Li Miali Diedo U Tienu n teni ŋan kpe.› Ama o baa pa o naacenba yetoali.

Jeremi 24:9

N baa teni ban tua ti jawaanciandi bonla, fala bonla li ŋandunli nibuoli po. Bi baa tua i fe bonla, li ñuali bonla, ti laadi leni ti solindi min baa lu ba naani kuli yaa po.

Jeremi 25:18

Jelusalema leni Juda dogi, li badiba leni li koanbala kuli baa tua diegbendi, lidiga bonla, ñuali leni ti solindi, nani dinla lan tie maama yeni.

Jeremi 29:18

N baa ŋoadi ki deli ba leni bu toabu, mi koma leni u yianbiadipuodiko. N baa teni ban tua ti jawaanciandi bonla ki tinga diema nibuoli po, ti solindi bonla, li pakili, ti laadi, li ñuali leni u yualu bonla min baa yadi yi yaa nibuoli siiga kuli.

Jeremi 29:22

Ban den gedini Juda yaaba ti yonbidi Babilona diema po yeni kuli baa taagi laa niliediba yaa yela yo ki solini ki tua: ‹Li Miali Diedo n soani a nani Sedesiasi leni Akabi, Babilona bado den taa yaaba ki ŋoabini ba mi fantama po yeni!›

Jeremi 42:18

Kelima Li Miali Diedo U Paaciamu Kuli Daano, Isalele Tienu yedi nanda: ‹Nani n pali n beni Jelusalema yaaba po maama yeni, yeni moko n pali baa be yipo yi yaa gedi Ejipiti diema nni. Yi baa tua ti solindi leni li pabiidili bonla ki faliga leni u yualu bonla. Yi kan go le u naa kaanu mo abada.› »

Jeremi 44:22

Yi tuongunda leni yi tuonyuodi teni ke Li Miali Diedo kan go bi fidi ki juuni leni yi. Li teni ke yi dogu kpandi diegbendi, paboanli bonla, leni ki faliga bonla, nilo n ki ye naani, nani yin nua maama dinla.

Jeremi Bubula 2:15

Bi santagiba kuli puogi bi nii apo Bi fuoni ki duani bi yula Ki ñuadi Jelusalema badisalo. Naani baa den li yi laa dogu ka: «Yaa ŋamu n ki pia lie, ki tinga kuli pamanli yeni?»

Jeremi Bubula 2:16

A yibalinba kuli yaadi bi ñoana apo. Bi fuoni ki kadi bi ñina. Bi yedi: «Ti nali o.» Tin den bua yaa daali n yeni Ti nandi o, ti nua o.

Danieli 9:11

Isalele yaaba kuli miidi a balimaama ki lebidi ki ŋa, kaa cengi a yedima. Lani n teni ke yaa solindi leni yaa tundifala n diani a naacemo Musa balimaama tili nni baa tipo, kelima ti den tieni ti tuonbiadi fini U Tienu po.

Sakari 5:3

Lani, o den yedi nni: «Yaa solindi n baa baa mi diema n diani lipo. U kaliyendu po, li diani ki yedi ke bi baa deli ki ñani a sugida kuli mi diema nni. U kalilielu po mo, li diani ki yedi ke yaaba n pua mi faama ki polini moko bi baa soani ba yene.

Josue 18:1

Isalele yaaba n den paadi mi diema, bikuli den taani Silo dogu nni ki tii likani u *Kadikaanu gbandieli.