Jeremi 25:5 - Gourmanchéma Bible

⁵ Bi tua: ‹Yua kuli n ŋa o sangolimu ki cedi yi bontienkaala yaala n bia yeni. Lani n tie yin yaa ka yaa yogu n tu yaa yogu Li Miali Diedo n puni yinba leni yi yaajanba yaa diema nni.

U TIENU MAAMA TILI 2013

⁵ Bi tua: ‹Yuakuli n ŋaa o sangolimu, ki cedi yi bontienkaala yaala n bia yeni. Lani n tie yin yaa kaa yaa yogu n tuu yaa yogu o Diedo n puni yinba leni yi yaajanba yaa diema nni.

Jeremi 25:5 ပူးပေါင်းရင်းမြစ်များ

Mi cilima 17:8

N baa pa fini leni a puoliŋuani yaaba n ŋua a puoli ŋan ye yaa diema nni moala ki tie o caano, Kanana diema kuli yeni ke man yaa tie bi yaa diema yaa yogunu kuli po. N baa tie bi Tienu.»

Pisomi 139:24

Diidi ki le n yaa ŋua sangolimu Ŋan pegidi nni min ŋoadi yaa sanu n tiegi ki ye hali yaa yogunu kuli.

Pisomi 37:27

Cedi mi biadima, yaa tiendi yaala n ŋani, Yeni a baa yaa ye mi diema nni hali yaa yogunu kuli.

Esayi 1:16

Wali mani ki ŋanbi yiba Ñani mani n kani yi tuonbiada Cedi mani mi biadima tienma.

Jeremi 17:25

Yaaba n baa tagi u naa dogu buliñoana kani tie bine: Bi badiba yaaba n kaa Dafidi bali gbandi po, Ki jagi bi taami leni bi teliti Ki taani leni bi koanbala leni Juda niba leni Jelusalema yaaba. Lanwani u naa dogu baa yaa pia bi niba yaa yogunu kuli.

Jeremi 18:11

Maadi moala leni Juda yaaba leni Jelusalema yaaba ki yedi ba: Li Miali Diedo yedi: ‹Diidi n bogidi yipo mi yebiadima. N pia min jagi yipo yaala. Goa ki lebidi mani yi sanyuodi. Lebidi mani yi bontienkaala nni.›

Jeremi 35:15

N den tuuni yi kani n naacenba bi sawalipuaba u yogunu kuli ki naa cedi, ke ban yedi yi: ‹Yua kuli n pegidi ki ŋa o sanbiadu, lebidi mani yi bontienkaala, da pia mani*ŋantaado leni i *buli ki baa kpiagidi yi. Yaa ye mani yeni, min puni yi yaa diema nni yinba leni yi baanba.› Ama yi naa cengi. Yi naa diadi yi tuba ki ga n maama.

Jeremi 4:1

Isalele, mini Li Miali Diedo n yedi a, A yaa guani, a yaa guani n kani, A yaa ñani a cagindi kuli n nintuali, A yaa cedi ti puagidi,

Jeremi 7:7

Lanwani n baa cedi yin yaa ye nekanba, Min puni yi baanba yaa diema yaa yogu n tu yaa yogu.

Esekieli 18:30

Li tie lane yaa po, ke mini o Diedo, Li Miali Diedo yedi: ‹Yinba Isalele yaaba, n baa jia ti buudi leni yikuli yendi yendo nani yi tagi n tie maama. Lebidi mani ki ŋa yi biadima ki guani mani, ke yi tagili n da ti tua yipo li tantuudikaali.

Esekieli 33:11

Yedi ba daa, ke o Diedo, Li Miali Diedo yua n fo yedi line: ‹Mii bua nibiado kuuma ka, ama min bua yaala tie ke wan lebidi o tagu ki yaa ye yo.› Lebidi mani yi yama ki ŋa i tagibiadi. Be yaa po ke yinba Isalele yaaba yi baa kpe?

Ose Tili 1:7

Ama n baa faabi Juda yaaba wani. Mini Li Miali Diedo, bi Tienu n baa faabi ba. N kan faabi leni a dabana, bi leni mu jugisiemu, bi leni bu toabu, bi leni i taami, bi leni bi tanjagiba ka ba.»

Jesu Tondiba Tuona 26:20

N den kpa wangi Damasa yaaba, ki yuandi ki wangi Jelusalema yaaba, leni Jude yaa diema nni yaaba kuli. N go den wangi bi nilanba moko, ke ban lebidi bi yama ki ŋoadi U Tienu, ki yaa tuuni yaa tuona n doagidi ke bi lebidi.