Jeremi 25:38 - Gourmanchéma Bible

³⁸ O ŋa o diegu nani li yangbanbili n fii ki ŋa o buoli maama yeni. Bi diema kpandi fanpienma kelima yua n bolindi Yaa pabiencianli leni o pali yaali n beni, Ki co nani mi fantama yeni po.»

U TIENU MAAMA TILI 2013

³⁸ O ŋaa o diegu nani li yangbanbili n fii Ki ŋaa o buoli maama yeni. Bi diema kpandi fanpienma, Kelima yua n bolindi Yaa pabiencianli leni o pali yaali n beni, Ki co nani u mu yeni po.»

Jeremi 25:38 ပူးပေါင်းရင်းမြစ်များ

Pisomi 76:2

U Tienu teni ke bi bandi o Juda diema nni. O yeli ñani Isalele diema nni.

Jeremi 12:10

Bi yankpaaba boncianla jugi n duven tiidi kuanu Bi ŋma ŋma n kuanu Bi teni ke n koaŋamu kpandi ki tua fanpienma nilo n ki ye naani.

Jeremi 12:13

Bi buli *ŋalikama Ki baa yendi i konkoni. Bi den coagini bi yula fanma bebe, laa baa yuli. Naani, i fe ki pia yi ti naa kpaandi po? Kelima Li Miali Diedo pabiencianli po yo ke o tieni yi laa bonla.

Jeremi 25:11

U naa dogu kuli baa tua diegbena, nilo n ki ye naani. Babilona bado baa diedi laa nibuoli kuli bina piilele.

Jeremi 25:30

Fini ŋan pua bipo yaa sawalo n ye kuli ki yedi ba: «Li Miali Diedo fu hali tanpoli po. Hali o *kaangagidiŋamu nni o maadi. O fu leni wan die yaa diema O tangi yaaba n ŋmaadi u datuodikaanu po. O fu leni yaaba n ye ki tinga nni kuli po.

Jeremi 4:7

O yangbanlo sani ki ñani o wuonkaanu Yua bolindi i nibuoli fii ki cili li cenli. O ñani o deni Ki baa kuani mi diema nni li paboanli. A dogi baa le boni Nilo kan sieni i niinni.

Jeremi 49:19

Li Miali Diedo yedi: «N tie nani yaa yangbanlo n ñani Judana fuali nni ki caa li ñinbunli po yeni. N li baa yedi bugibu yenma ki teni Sodoma n sani, Min kaani min gandi yua. Kelima ŋme naani leni nni? Ŋme n baa waani nni min baa tieni yaala? O laa gobidika n baa niagi leni nni?»

Jeremi 5:6

Lani n teni ke li fuali nni yangbanlo baa kpa ba, O fuasangbanlo baa ŋmani ki toatoadi ba O naamunpieno se bi dogu buliñoana kani ki guu ba Yaaba n baa ña kuli o baa toatoadi ba Kelima bi yiema yaba hali boncianla Bi yaadima mo yaba ki kandi.

Jeremi 50:16

Ñani mani Babilona nni yua buu ti jaadi Leni yua n pia ku moaciegu u jetaagu yogunu. Bu toabu biadima nni, Yua kuli n pegidi ki noanli o buolu. Yua kuli n sani ki teli o diema nni.

Jeremi 50:44

Li Miali Diedo yedi: «Nani o yangbanlo yeni, A ñingola fii ki duodi Judana ki sani Ki kua ku muagu nni. Bi baa jieni Babilona yaaba ban sani Ki ŋa bi tinga, Ki teni min gandi yua yeni n kua ki kali. Ŋme n naani leni nni? Ŋme n baa waani nni min baa tiendi yaala? O laa gobidika mo n baa tuo ki niagi leni nni?

Ose Tili 11:10

Bi baa ŋoadi Li Miali Diedo Yua n baa duni nani o yangbanlo yeni. O baa duni ki yini o bila, Bi baa ña hali mi ñincianma liiga, Ki jaligi ki sani ki cua.

Ose Tili 5:14

N baa yaa tie Efilayima buolu yaaba Leni Juda buolu yaaba po nani o yangbanlo yene. Mini, mini n li baa dadi ki toatoadi ba, Ki tugi ba ki yaa ban caa, Oba mo kuli kan fidi ki fie min cuo yaala.

Amosi 8:8

Lani yaa po, mi diema kuli baa digibi, Mi diema yaaba kuli baa mua i kumoe, Mi diema kuli baa yaa fiidi ki goa ki ñuandi nani Ejipiti kpenciamu yeni.

Sakari 2:3

Li yaa puoli, Li Miali Diedo den waani nni maaba naa.