Jeremi 25:31 - Gourmanchéma Bible

³¹ O fuugu baan pundi hali u tinbianu. Kelima Li Miali Diedo baa jia ti buudi leni i nibuoli. O baa jia ti buudi leni nisaalimiali kuli. O baa teni ki jugisiega n nandi bi nibiadiba. Li Miali Diedo n yedi yeni.»

U TIENU MAAMA TILI 2013

³¹ O fuugu baa pundi hali u tinbianu. O Diedo baa bu i nibuoli kuli buudi. O baa bu nisaalimiali kuli buudi. O baa teni ki jugisiega n nandi i tagili danba. O Diedo n yedi yeni.»

Jeremi 25:31 ပူးပေါင်းရင်းမြစ်များ

Esayi 33:3

I tatantani fuugu deli i nibuoli, A yaa fii yaa yogunu, i nibuoli yen sani ki yadi yadi.

Esayi 34:2

Kelima Li Miali Diedo pali fii i nibuoli po. O pabiencianli mo fii bi toagola kuli po. O baa kpa bikuli O baa bolini bikuli cain.

Esayi 34:8

Kelima Li Miali Diedo n baa tu o panpaani yaa daali n yeni, Laa binli baa tua falaciamo binli kelima Li Miali Diedo baa fuu ki ga Siyono.

Esayi 66:16

Li Miali Diedo baa jia o buudi leni mi fantama. Li tie leni ki jugisiega yo ke o baa faligi nisaalimiali kuli.

Jeremi 2:35

Baa leni lani kuli, A goa ki yedi ke ŋaa pia tagiliba kuli, Ke o pabienli n pegidi ki leli potogu ki cedi a. N baa jia leni a ti buudi kelima a yedi: «Mii tieni *tuonbiadi.»

Jeremi 23:19

Diidi Li Miali Diedo faagu fii Nani u tafaaciangu yeni. O pabiencianli fii Ki jiidi bi nibiadiba po.

Jeremi 45:5

Amo ŋaa lingi yaali n yaba ka te? Ŋan da lingi la, kelima n baa cuani mi yebiadima miali fo kuli po. Mini Li Miali Diedo n yedi yeni. Ama n baa ŋa ŋa leni a miali ŋan baa gedi naankani kuli.› »

Esekieli 30:3

Kelima li daali yeni nagini, Li Miali Diedo pabienli daali nagini, Li baa yaa tie tawadi daali, Ban baa jia i nibuoli ti buudi yaa yogunu.

Esekieli 38:22

N baa bu yi leni u yianbiadipuodiko leni mi kukpama. N baa teni ki tacianga leni a tatana n mii, Ki teni mi fantama leni li cidibili n baa Gogi diema leni mi toagola po, Leni i nibuoli yi n yaba ki taani opo yeni kuli po.

Ose Tili 12:2

Efilayima buolu yaaba ŋua ki deli u faalu, Bi tiini ki ŋua puoli faalu, Daali kuli, bi pugidi mi faama leni li mabinli, Bi kuani o *ŋantaado leni Asili yaaba, Ki tugi bi kpama ki ban kuadi Ejipiti po.»

Ose Tili 4:1

Cengi mani U Tienu maama, Isalele yaaba! U Tienu pia ti buudi leni mi diema yaaba, Kelima i moamoani ki ye, Buama ki ye, U Tienu bandima moko ki ye mi diema niinni.

Joeli 3:2

Laa dana nni, n baa teni n Fuoma n jiidi Ki yayadi baa bi naacenba leni a potuada po.

Mise 6:2

N den yedi: ‹Yinba, a joaciama leni ki tinga tanpupaala, Cengi mani Li Miali Diedo n baa bu yaa buudi, Kelima o pia ti buudi ki baa bu leni o niba. O bua ki bu leni bani Isalele yaaba.›