Jeremi 25:30 - Gourmanchéma Bible

³⁰ Fini ŋan pua bipo yaa sawalo n ye kuli ki yedi ba: «Li Miali Diedo fu hali tanpoli po. Hali o *kaangagidiŋamu nni o maadi. O fu leni wan die yaa diema O tangi yaaba n ŋmaadi u datuodikaanu po. O fu leni yaaba n ye ki tinga nni kuli po.

U TIENU MAAMA TILI 2013

³⁰ Fini, ŋan pua bi po yaa saawalo n ye kuli, Ki yedi ba: «O Diedo fu hali tanpoli po. Hali o kaangagidiŋamu nni o maadi. O fu leni wan die yaa diema, O tangi yaaba n ŋmaadi u datuodikaanu po. O fu leni yaaba n ye ki tinga nni kuli.

Jeremi 25:30 ပူးပေါင်းရင်းမြစ်များ

2 Samueli 15:25

Lani yaa puoli o bado den yedi Tisadoki: «Go bugi U Tienu ŋantaadikpaku ki guani gu u dogu nni. U Tienu yaa gbadi npo mi niñima o go baa guani nni ki teni min goa ki le o ŋantaadikpaku leni ku yekaanu.

1 Bi Badiba 9:3

Li Miali Diedo den yedi o: «N ga ŋan den kuani a yama ki mia nni yaa miabu yeni. N gagidi ŋan maa yaa jaandieli ne, ki puni li n yeli, ke ban yaa yi li U Tienu diegu yogunu kuli. N baa yaa nua li ki kuani n yama lienni yaa yogunu kuli.

2 Bi Badiba Jama 30:27

Bi kopadicianba leni Lefi yaaba den fii ki gaali yaa niba n den taani kuli, hali ke Li Miali Diedo yua n ye tanpoli o yekaangagidikaanu den gbadi bi miabu leni bi jaandi ki guani bipo.

Pisomi 11:4

Li Miali Diedo ye o diegagidikaali nni. Li Miali Diedo bali kalikaanu ye tanpoli po. O nuni diidi ki baa le bi nisaaliba n tie maama.

Pisomi 132:14

«Lankani n tie n fuodima kaanu yaa yogunu kuli po. N baa yaa ye lienni kelima mini n bua likani.

Pisomi 46:6

U Tienu ye o dogu yeni siiga, wuu digini, U Tienu kubi u yaa yogunu kuli.

Pisomi 58:5

Bi pia ti loabidi nani o wa yaa loabidi yene, Nani yaa waalabili n womi ki biini o tuba yaa loabidi yeni.

Pisomi 78:65

Li Miali Diedo den fii yenma nani yaa ja n bi goa yeni, Bi nani mi daama n cuo yaa jakoando yeni.

Esayi 16:9

Lani n teni ke n baa mua Sibima duven tiidi po Nani Yaeseli n mua maama yeni. N baa mua yinba Hesiboni leni Eleale yaaba po, Kelima yi jetaagu yogunu yo, Ke bu toabu cua ki baa yi.

Esayi 33:3

I tatantani fuugu deli i nibuoli, A yaa fii yaa yogunu, i nibuoli yen sani ki yadi yadi.

Esayi 42:13

Li Miali Diedo baa ña ki cuoni nani o jakoando Ki mua mi jama nani o toatielo yeni. O baa kpedi o nialu ki yaa tangi Ki paadi o yibalinba.

Jeremi 17:12

Bi tua: «Ti jaandieli tie nani yaa bali kalikaanu n pia ti kpiagidi boncianla yeni. Li jagi yaa juali n kpedi po hali mi cilima.

Jeremi 25:38

O ŋa o diegu nani li yangbanbili n fii ki ŋa o buoli maama yeni. Bi diema kpandi fanpienma kelima yua n bolindi Yaa pabiencianli leni o pali yaali n beni, Ki co nani mi fantama yeni po.»

Jeremi 48:33

Li pamankandikaali gbeni u kuanu leni Moabi diema nni kuli. N teni ke mi daama gbeni a boba nni. Niba ki go ye yaaba n baa tuoni duven tiidi bonluonkaala leni i pamandankuudi.

Ose Tili 11:10

Bi baa ŋoadi Li Miali Diedo Yua n baa duni nani o yangbanlo yeni. O baa duni ki yini o bila, Bi baa ña hali mi ñincianma liiga, Ki jaligi ki sani ki cua.

Ose Tili 5:14

N baa yaa tie Efilayima buolu yaaba Leni Juda buolu yaaba po nani o yangbanlo yene. Mini, mini n li baa dadi ki toatoadi ba, Ki tugi ba ki yaa ban caa, Oba mo kuli kan fidi ki fie min cuo yaala.

Amosi 1:2

Amosi den tua: «Li Miali Diedo ye Siyono ki buoni. O ye hali Jelusalema ki kpaani. A yankpaafuana kuodi Kalimeli juali yuli po kuodi.»

Amosi 3:8

O yangbanlo yaa buoni ŋme kan jie? O Diedo, Li Miali Diedo U Tienu yaa maadi Ŋme n kan pua sawali?»

Sakari 2:13

O yedi: «N baa fii i nilanbuoli yeni po, Ki teni ban den cuo yaaba ti yonbidi yeni mo N fagi bi yaa piama.» Laa bonla yaa tieni, yi baa bandi ke Li Miali Diedo, U Paaciamu Kuli Daano n soani nni moamoani.

Mi Tiadima 26:15

Ŋan diegi a *kaangagidiŋamu nni tanpoli po ki seligi a niba Isalele yaaba leni ŋan puni ti yaa tinga, nani ŋan den poli leni ti baanba maama, ke a baa pa ti mi naa diema, mi naaŋanma leni ti siadi n dua naankani.›

Mi Doagidima 19:15

Yaa jugisiega n mani, den ñani o ñoabu nni wan baa pua i nibuoli leni yaaga. O muubi ti kudi badigbiamu ki baa gobidi ki kpaa ba. O baa ;nmaa duven ;nanbikaanu nni yu n tie U Tienu U Paaciamu Kuli Daano pabiencianli nni.