Jeremi 25:27 - Gourmanchéma Bible

²⁷ Ŋan yedi: «Li Miali Diedo U Paaciamu Kuli Daano Isalele Tienu yedi mine: ‹Ño mani ki gaadi, ki go sii. Baa mani ki da go fii ki sedi yin baa le ke n cuani ki jugisiega yi siiga yaa yogunu!›

U TIENU MAAMA TILI 2013

²⁷ Ŋan yedi ba: «Li Miali Diedo U Paaciamu Kuli Daano Isidayeli Tienu yedi mine: ‹Ño mani ki gaadi, ki go sii. Baa mani ki da go fii ki sedi yin baa le ke n cuani ki jugisiega yi siiga yaa yogunu!›

Jeremi 25:27 ပူးပေါင်းရင်းမြစ်များ

Esayi 51:21

Ama moala cengi mani, Yinba, yaaba n ye leni fala, Yi ñuni ki gaadi ke li naa tie leni daama ka.

Esayi 63:6

N den ŋma i nilanbuoli n pabienli nni Ki teni ke bi ñuni n pabiencianli ki gaadi Ke n den wuli bi soama ki tinga po.

Jeremi 12:12

Mi fanpienma sani nni kuli, Yaaba n bua ki bolini kpendi na. Li Miali Diedo jugisiega bolindi mi diema Ki cili kaliyendu ki ban puodi u kaliyu. Niloba kuli ki pia laafia.

Jeremi 13:13

Lanwani ŋan yedi ba: ‹Li Miali Diedo maadi yaa maama n tie na: Diidi n baa teni mi naa diema niba kuli, bi badiba yaaba n kaa Dafidi bali gbandi po, ki tie o puoliŋuani, bi kopadicianba, bi sawalipuaba, leni Jelusalema niba kuli baa ño mi daama hali ki gaadi.›

Jeremi 22:10

Yinba Juda yaaba da go mua mani o bado Josiasi yua guani po! Da mua mani opo! Mua mani, mua mani ban caani o bado Salumi yua ti yonbidi po, Kelima o kan go guani. O kan go le ban mali o yaa diema nni yeni.

Jeremi 25:16

Ban ño ma ki yaa jadibi. Bi yama n paagi hali boncianla bi yaa laa min baa soani yaa jugisiega bi siiga.»

Jeremi 46:10

Ama laa daali tie Li Miali Diedo U Paaciamu Kuli Daano po yo. Li tie pantuuli daali. O baa guani yibalinba bi panpaani. Ki jugisiega di, ki baa je ki guo Ki baa ño mi soama bonŋanla Kelima li tie li padili, o Diedo Li Miali Diedo U Paaciamu Kuli Daano po, Nijienu diema nni, ki goa u kpenciamu Yufilata po.

Jeremi 46:14

Waani mani laa bonla Ejipiti diema nni. Teni mani Migidoli yaaba n ga laabaali. Teni mani Memifisi leni Tapanesi yaaba n ga laabaali. Yedi mani: «Cua mani ki bogini bonŋanla Kelima bu toabu dini yi gaanilindima kuli niba.»

Jeremi 50:35

Bu toabu Kalide yaaba po! Li Miali Diedo n yedi yeni. Fii ki sedi Babilona yaaba po, O koanbala leni o yanfodanba kuli po.

Jeremi 51:39

Bi yaa baa li yankuali yaa yogunu, N baa bogini bi jiema, N baa ñuni ki guoni ba Lan yaa mani ba ban guani ki kan go fundi. Li Miali Diedo n yedi yeni.

Jeremi 51:57

N baa ñuni ki gaadi o koanbala, o yanfodanba, o gufeneelinba, o bujiaba leni o jakoanda. Bi baa guani yaa guama ke bi kan go fundi. Bi kan go fundi hali abada. O Bado yua yaa yeli n tie Li Miali Diedo U Paaciamu Kuli Daano n yedi yeni.

Jeremi Bubula 4:21

Edomi diema poŋamo, suagi ki yaa mangidi a pali, Fini yua n kaa Utisi diema nni. A moko baa mubini ki tadiñokaaga Ki ño ki gaadi, Ki sedi mubili.

Amosi 8:14

Isalele yaaba taagi Samali *bulo yeli ki polini Bi polini ki tua: ‹Hali Dana buolu yaaba bulo po, Hali Beli-Seba bogida po.› Bani yaaba n polini yeni kuli baa baa Ki kan go fii hali abada.»

Nahumi 3:11

Yinba Ninife yaaba moko baa le fala hali ki yaa cuoni Ki fuundi nani yi ñuni ki gaadi yeni. Yi moko baa sani ki liini u wuonkaanu ki bua ki cia yi yibalinba.

Habakuki 2:16

Yi fiagi yi yula yo, yii jigindi yi yula ka ba. Yi moko n ño ki gaadi ki yiedi mubila. Yi kpiagidi baa lebidi ki tua fe. Li Miali Diedo baa teni yin ñuudi leni paalu yo o pabienli tadiñokaaga.

Mi Tiadima 32:42

N baa ñuni ki guoni n piemi mi soama, N jugisiega mo baa ŋmani ti nandi ki guo, Bi baa guo a kpaada leni i yonbi soama Ki guo leni yibalinba yudanba yaa yula.»

Mi Doagidima 14:10

o moko baa ño yaa duven n tie U Tienu pabienli cuonu, laa duven ki laa leni liba, ama o kuodi o o pabienli cuonu tadiñokaaga nni. O baa laadi fala mi fantama leni li cidibili nni, bi maleki gagidiŋanba nintuali leni ki Pebiga nintuali.