Jeremi 25:18 - Gourmanchéma Bible

¹⁸ Jelusalema leni Juda dogi, li badiba leni li koanbala kuli baa tua diegbendi, lidiga bonla, ñuali leni ti solindi, nani dinla lan tie maama yeni.

U TIENU MAAMA TILI 2013

¹⁸ Jerusalemi leni Juda dogi, li badiba leni li koanbala kuli baa tua diegbendi, lidiga, ñuali leni ti solindi bonla, nani dinla lan tie maama yeni.

Jeremi 25:18 ပူးပေါင်းရင်းမြစ်များ

1 Bi Badiba 8:24

Yeni a kuani ŋan den niani a naacemo n baa Dafidi yaa ñoanianu. Ŋan den yaadi a ñoabu ki niani o yaala mo, dinla a kuani la.

2 Bi Badiba Jama 29:8

Lanwani Li Miali Diedo pali den beni Juda diema yaaba leni yaaba n ye Jelusalema po. O den ŋa o niba li paboanli nni, ki go teni ke bi tua jejeciami bonla leni ñuali bonla, nani yin nua maama moala leni yi nuni.

Esidirasi 9:7

Hali ti yaajanba yogunu ki taa ki pundi hali moala, ti tieni ti tuonbiadi boncianla. Li tie ti tuonbiadi po ke a den taa ti, tinba leni ti badiba leni ti kopadicianba ki teni i nilanbuoli badiba nuu nni ke bi den tuogi leni ti bu toabu ki paadi ti, ki fagi ti ki gedini ti ti yonbidi ke dinla i fe kubi ti.

Nehemi 9:36

Dinla tinba n nan kaa ti yonbidi nne! Ti tie yonbi ŋan den puni ti yaajanba yaa tinga nni Ke ban yaa di ki bonluonkaala leni ki piama.

Pisomi 60:3

Ŋain U Tienu, a luni ti ki yadi ti, Kelima a pali beni tipo. Baa leni lankuli, goa ki taani ti tin yaa pa.

Esayi 40:23

Wani n jiini bi badiba ke baa tie pu, Ki teni ke ki tinga bujiaba mo tua fanma.

Esayi 65:15

Yi baa kpe, n nigandikaaba n yaa taagi yi yela Ki solini ki tua: ‹Li Miali Diedo U Tienu n teni ŋan kpe.› Ama o baa pa o naacenba yetoali.

Jeremi 1:10

Diidi, dinla n kaani a mi diema nni leni i nibuoli kani Ke ŋan ŋabi ba, ki pua ki lu, ki teni ban kpe, Ki bolini, ki maa ki go ŋuu.»

Jeremi 13:3

Li Miali Diedo go den goa ki maadi leni nni mi liema ki yedi:

Jeremi 13:9

«Li Miali Diedo yedi nanda: Min baa bolini Juda japaadi maama n yeni. N baa tieni Jelusalema japaaciandi mo yene.

Jeremi 24:9

N baa teni ban tua ti jawaanciandi bonla, fala bonla li ŋandunli nibuoli po. Bi baa tua i fe bonla, li ñuali bonla, ti laadi leni ti solindi min baa lu ba naani kuli yaa po.

Jeremi 25:11

U naa dogu kuli baa tua diegbena, nilo n ki ye naani. Babilona bado baa diedi laa nibuoli kuli bina piilele.

Jeremi 25:9

N baa soani ban yini nijienu po yaa niba kuli leni Nebukanesa Babilona bado n naacemo. N baa teni ban cua ki fii ki sedi mi naa diema leni mi niba po leni yaa nibuoli n gaani ki lindi ba kuli po. N baa kpa bikuli cain lan tua gbanankpiendi bonla leni ñuali bonla. Likani mo baa tua diegbengu yaa yogunu kuli po.

Jeremi 26:6

N baa soani ku naa diegu tuonli nani min soani Silo yaa tuonli yene. N baa teni ku naa diegu n tua ti solindi bonla ki tinga nibuoli kuli po.› »

Jeremi 44:22

Yi tuongunda leni yi tuonyuodi teni ke Li Miali Diedo kan go bi fidi ki juuni leni yi. Li teni ke yi dogu kpandi diegbendi, paboanli bonla, leni ki faliga bonla, nilo n ki ye naani, nani yin nua maama dinla.

Esekieli 30:7

Bi diema baa tua diegbendi yaa diema n tua diegbendi siiga, Bi dogi mo n tua diewudima yaa dogi n tua diewudima siiga.

Danieli 9:12

A tieni ti ŋan den yedi ke a baa tieni tinba leni yaa batieba n die ti kuli yaala. A luni ti o falabiado. Yaa fala n tieni Jelusalema nni buolu daa kpa tieni kaanuba ŋanduna nni.

Amosi 2:5

N baa soani mi fantama Juda diema nni, Mi baa je yaa dieŋama n ye Jelusalema.»

Amosi 3:2

«N den gandi yinba bebe Ki tinga nibuoli kuli siiga. Li tie lani yaa po ke n baa cuo yi u cuonbiadu Yin tieni yaa tudima kuli po.

Mise 6:16

Yikuli ŋoadi o bado Omili n den bili yaa bogidibiada, Leni wani Omili bijua Akabi puoliŋuani N den tiendi yaala kuli. Yi ŋua ki kubi ban den jagi ki bili yaa bonbiadila. Li tie lani yaa po ke n baa taa yi Ki teni yi yibalinba nuu nni ban bolini yi. Fini u dogu, n baa teni a niba n tua bi niba po laadi bonla. Yi baa tugi ban den n fiagidi n niba yaa fe.»

Josue 6:18

De yin fangi mani yi yula, oba n da sii yaala n baa bodi yeni siiga liba, kelima yi yaa taa lienni bonliba, yi baa kuani Isalele yaaba nagili fala leni mi bodima nni.

1 Pieri 4:17

U yogunu pundi ke ti buudi baa cili leni U Tienu diegu. Lanwani li yaa tie ke ti buudi cili leni tinba, yaaba n yie kaa tuo ki tiendi U Tienu Laabaaliŋamo n yedi yaala mo yaa juodima baa tie lede?