Jeremi 24:9 - Gourmanchéma Bible

⁹ N baa teni ban tua ti jawaanciandi bonla, fala bonla li ŋandunli nibuoli po. Bi baa tua i fe bonla, li ñuali bonla, ti laadi leni ti solindi min baa lu ba naani kuli yaa po.

U TIENU MAAMA TILI 2013

⁹ N baa teni ban tua ti jawaanciandi leni fala bonla li ŋandunli nibuoli po. Bi baa tua fe, ñuali, laadi leni ti solindi bonla min baa lu ba naani kuli po.

Jeremi 24:9 ပူးပေါင်းရင်းမြစ်များ

1 Bi Badiba 9:7

n baa ñani Isalele yaaba min den puni ba yaa diema nni, n baa ŋa min den gagidi yaa jaandieli n kpiagidi po ne. Lanwani i nibuoli kuli baa yaa ñuadi ba ki laa ba.

2 Bi Badiba Jama 7:20

n baa deli yi ki ñani yi min den puni yi n tinga yaaga yaa niinni, ki ñani n nuu li naa dieli, min gagidi yaali n yeli kpiagidi po yeni maama nni. Lanwani i nibuoli kuli baa laa ki go ñuadi Isalele yaaba.

Pisomi 69:11

N den buudi leni n pali kuli, Ki loli bu ñoabu. Baa lani moko teni ke bi sugidi nni!

Esayi 43:28

Li tie lani yaa po ke n den nua ke u *kaangagidiŋamu kopadicianba kuli *joagini, N go den ŋa ke Isalele yaaba yibalinba fiagi ba ki go bolini ba.

Esayi 65:15

Yi baa kpe, n nigandikaaba n yaa taagi yi yela Ki solini ki tua: ‹Li Miali Diedo U Tienu n teni ŋan kpe.› Ama o baa pa o naacenba yetoali.

Jeremi 15:4

N baa teni lan tua jawaanciandi bonla ŋanduna tinbuona kuli po. Laa bonla baa tieni kelima Juda bado Esekiasi bijua Manase N den tieni yaala Jelusalema dogu nni kuli po.› »

Jeremi 19:8

N baa teni u naa dogu n tua i jeje leni li ñuali bonla. Yaaba n baa tagi laa dogu kani kuli Baa jie lan paki ba, ban go ñuadi u mo. Kelima wun laa yaa fala kuli po.

Jeremi 25:18

Jelusalema leni Juda dogi, li badiba leni li koanbala kuli baa tua diegbendi, lidiga bonla, ñuali leni ti solindi, nani dinla lan tie maama yeni.

Jeremi 26:6

N baa soani ku naa diegu tuonli nani min soani Silo yaa tuonli yene. N baa teni ku naa diegu n tua ti solindi bonla ki tinga nibuoli kuli po.› »

Jeremi 29:18

N baa ŋoadi ki deli ba leni bu toabu, mi koma leni u yianbiadipuodiko. N baa teni ban tua ti jawaanciandi bonla ki tinga diema nibuoli po, ti solindi bonla, li pakili, ti laadi, li ñuali leni u yualu bonla min baa yadi yi yaa nibuoli siiga kuli.

Jeremi 29:22

Ban den gedini Juda yaaba ti yonbidi Babilona diema po yeni kuli baa taagi laa niliediba yaa yela yo ki solini ki tua: ‹Li Miali Diedo n soani a nani Sedesiasi leni Akabi, Babilona bado den taa yaaba ki ŋoabini ba mi fantama po yeni!›

Jeremi 34:17

Lani n teni ke Li Miali Diedo yedi nanda: Nani yin naa tuo n maama ki kpaani ke yua kuli n faabi o nikpiilo yeni, diidi mini Li Miali Diedo n fii ki sedi yipo. N baa ŋa yi leni bu toabu, u yianbiadipuodiko leni mi koma, ki teni ki tinga nibuoli, yaaba n baa le yi kuli, ti jawaanciandi n cuo ba.

Jeremi 42:18

Kelima Li Miali Diedo U Paaciamu Kuli Daano, Isalele Tienu yedi nanda: ‹Nani n pali n beni Jelusalema yaaba po maama yeni, yeni moko n pali baa be yipo yi yaa gedi Ejipiti diema nni. Yi baa tua ti solindi leni li pabiidili bonla ki faliga leni u yualu bonla. Yi kan go le u naa kaanu mo abada.› »

Jeremi 44:12

N baa taa Juda niba yaaba n sieni, bani yaaba n bili ke bi baa gedi Ejipiti diema nni ki ban kali yeni. N baa bolini bikuli Ejipiti diema nni. Bu toabu leni mi koma n baa bolini li bila leni li nikpela kuli. Yeni de, bi baa kpe laa kuume, ki tua ti solindi, li paboanli, ki faliga leni u yualu bonla.

Jeremi 44:13

N baa fii ki sedi yaaba n ye Ejipiti diema nni po leni bu toabu, mi koma leni u yianbiadipuodiko nani min sedi Jelusalema yaaba po maama yeni.

Jeremi 44:22

Yi tuongunda leni yi tuonyuodi teni ke Li Miali Diedo kan go bi fidi ki juuni leni yi. Li teni ke yi dogu kpandi diegbendi, paboanli bonla, leni ki faliga bonla, nilo n ki ye naani, nani yin nua maama dinla.

Esekieli 23:46

O Diedo, Li Miali Diedo yedi mi ne: «Bi niba n taani ki fii bipo, Ban fagi ba ki go ŋa ba i jeje nni.

Esekieli 25:3

Yedi Amoni buolu yaaba: Cengi mani o Diedo, Li Miali Diedo maama! Mini o Diedo, Li Miali Diedo yedi nni mine: Kelima yi den laa ha ha! Ban den *joagini n *kaangagidiŋamu yu yeni, Leni ban den bolini Isalele diema yaama, Leni ban den cua ki cuo ki gedini Juda buolu yaaba ti yonbidi yaa yogunu.

Esekieli 26:2

«O ja na, Tili yaaba laa Jelusalema yaaba ti laadi Ki tua: ‹Bi niba kuli n bi tagi yaa buliñoabu kani yeni mudi. Bi di pegidi ki nua tinbe Tinba n baa baa, u dogu mo n tua diegbengu.›

Esekieli 5:8

Li tie lani yaa po ke o Diedo, Li Miali Diedo yedi mine: N baa cua ki fu leni yi ki teni n buudi n cuo yi i nilanbuoli nintuali.

Mi Tiadima 28:25

Li Miali Diedo baa teni yin sani yi yibalinba nintuali. Yi baa tagini sanyende ki ña ki tuogi ba, ama yi baa tagini sani lele yo ki sani bi nintuali. Yi baa yaa tie i jeje bonla ki tinga nibuoli kuli po.

Mi Tiadima 28:37

Yi baa tua pakili, ñuali leni fe bonla Li Miali Diedo n baa gedini yi yaa nibuoli kuli kani.