Jeremi 23:9 - Gourmanchéma Bible

⁹ Jelemi den maadi leni bi sawalipua-faadanba ki yedi: «Yinba bi sawalipuaba, N pali biidi cain N gbanu kuli yoaligi N tie nani o dañogaado yeni Nani mi daama n coagi yua yeni, Kelima Li Miali Diedo leni o maama yaama n gagidi ki ŋani po. O yedi nni:

U TIENU MAAMA TILI 2013

⁹ Jeremi den maadi leni bi saawalipua-faadanba Ki yedi: «Yinba bi saawalipuaba, N pali biidi cain, N gbanu kuli yoaligi, N tie nani o dañogaado, Nani mi daama n coagi yua yeni, Kelima o Diedo leni o maama yaama N gagidi ki ŋani po. O yedi nni:

Jeremi 23:9 ပူးပေါင်းရင်းမြစ်များ

Pisomi 60:3

Ŋain U Tienu, a luni ti ki yadi ti, Kelima a pali beni tipo. Baa leni lankuli, goa ki taani ti tin yaa pa.

Pisomi 69:20

A bani ban sugidi nni maama Leni ban yuandi nni, ki fiagidi nni maama. N yibalinba kuli ye n nintuali.

Esayi 28:1

Fala baa nandi Samali yaa dogu yu n naani leni ki badifogiliga Ki tie Efilayima dañogaada jigidi yeni. Samali n bobi yaa tiadi ki yiini yaa joaloangu n pia ti bugidi yuli po yeni Kuli tie yaa puuma n mali ki ye mi daama n guli yaaba yula po.

Esayi 29:9

Sedi mani suo, ki jie ki luodi! Ŋubini mani, ki kpandi mani juama, Ki yaa tie nani yi ñuni ki gaadi yeni, Ama laa tie leni daama ka, Ki jadibi jadibi ama ke dabiadima ka kubi yi.

Esayi 51:21

Ama moala cengi mani, Yinba, yaaba n ye leni fala, Yi ñuni ki gaadi ke li naa tie leni daama ka.

Esayi 6:5

N den yedi: «Ŋain, n bia n yeni! Kelima n tie yua yaa ñoacuuna n *joagini, ke n go ye yaa nibuolu yaaba yaa ñoacuuna n joagini siiga. N nuni mo laa o Bado Li Miali Diedo U Paaciamu Kuli Daano.»

Jeremi 20:9

N yaa yedi ke n kan go maadi o maama Ke n kan go maadi o yeli nni, Li yen nani mi fantama n ye n pali nni ki co yeni, Ki didi go ye n kpaba nni mo yeni. N coagini n yuli ke n baa yaa kubi mi maama yeni, Ama n kan fidi.

Jeremi 36:16

Ban den gbadi laa maama bi den diidi biyaba leni i jawaandannuni ki yedi Baluki: «Ti baa waani o bado mi naa maama kuli.»

Jeremi 5:31

Bi sawalipuaba pua mi sawali-faama Bi kopadicianba lingi bi yucela ŋamu bebe, N niba mo sua ke lani n dagidi bipo. Yi baa tieni lede saala po?

Jeremi 8:18

N bi sugini ki paadi yaala n yia nni. N payianu yaba hali boncianla.

Jeremi 9:1

Bi yaa bi puni nni mi fanpienma nni Bi sancenba n baa wuoni naani, N baa sani ki ŋa n diema niba ki foagidi leni ba, Kelima bikuli tie *conconma danba. Bikuli tie janbi danba bebe.

Jeremi Bubula 3:15

O teni ke n ye leni li paboanli hali boncianla Ki ŋa nni leni i yanbani.

Esekieli 13:3

Mini o Diedo, Li Miali Diedo yedi mi ne: Fala n baa bi sawalipua-yanluodanba po, Yaaba n ŋua bi yaa yantiaceli Ki naa laa liba kuli.

Esekieli 9:4

ki yedi o: «Kua Jelusalema dogu nni ki tieni mi maalima yaaba n laadi fala ki buudi kelima yaa cagindi n tiendi u niinni yaa po, yaa yutuna po.»

Esekieli 9:6

Kpa mani hali ki bolini a jakpela, bi jawaaba leni bi jafanba, a bila leni bi puoba. Ama yin da sii yua n pia maalima o yutunli po kuli. Yin cili n diegu kani.» Bi den cili ki ku yaa nikpela n den ye U Tienu diegu nintuali.

Danieli 8:27

Laa yogunu mini Danieli den tadigi ki yiagi danaba. Min den paagi, n den fii ki go tuuni o bado tuonli. Ama laa bonlekaala den wudi n gbanu, kelima mii den ga lan bua ki yedi yaala.› »

Habakuki 3:16

N den gbadi lani kuli, Ke n tugusoama sani. N ñoacuuna jeli kelima ti jawaandi po. N gbanu wudi, N taana digibi. N ŋmini ki guu li pabiidili daali, Tin baan baa yaaba n mabindi ti yeni yaa daali.

LOMA YAABA 7:9

Min ki den pia li bali maama yaa yogunu n den ye ki fo, ama li bali maama n den cua ti tuonbiadi den faadi,