Jeremi 23:39 - Gourmanchéma Bible

³⁹ Kelima lani yaa po n baa ña yi maama nni cain. Yinba leni u dogu kuli, n baa lu yi foagima min den puni yi yu, yinba leni yi baanba.

U TIENU MAAMA TILI 2013

³⁹ Lani yaa po, o baa ña yi maama nni cain. O baa lu yinba leni yi dogu kuli foagima, wan den puni yinba leni yi baanba yaa dogu yeni.

Jeremi 23:39 ပူးပေါင်းရင်းမြစ်များ

Mi cilima 4:16

Lanwani Kayina den sani ki foagidi Li Miali Diedo kani. O deni den ye Noba yaa diema nni, yaama n ye Edena puoli po.

Mi cilima 6:17

Lanwani n mo baa yini ki tabolinkaaga n cua ki bolini ki tinga, ki bolini mialifo kuli. Yaala n ye ki tinga nni kuli baa kpe.

2 Bi Badiba 23:27

Li Miali Diedo den yedi: «N baa ñani Juda yaaba n nintuali nani min den ñani Isalele yaaba maama yeni. N baa yie Jelusalema dogu, min den gandi yu, leni min den gandi yaa dieli ki yedi lipo ke n baa yaa ye lankani.»

Pisomi 51:11

Buli a nunga ki da nua n tuonbiadi. Duuni ki ñani npo n tagili kuli.

Mi Kpanjama 13:13

Yua n fali i tundiŋami baa pa li panpaani. Ama yua n fangi li *balimaama baa baa i panpaani.

Esayi 48:15

Mini de, mini n li maadi Mini n yini o Ki teni ke o cua O tuonli mo baa cuoni.

Esayi 51:12

Li tie mini lige, mini n baagidi yi. Be yaa po ke ke yi baa yaa jie o nisaalo yua n baa kpe, O nisaalo biga, yua yaa miali n tie nani ku muagu yeni,

Jeremi 12:7

N ŋa n diegu N ŋa n faali N ŋa n yibalinba nuu nni Min den bua yaala leni n pali kuli yeni.

Jeremi 23:33

Li Miali Diedo den yedi Jelemi: «Li yaa tie ke sawalipualoba yedi a: ‹Li Miali Diedo yedi ke o baa waani be yaa fala yo?› Ŋan goa ki yedi ba: ‹Li Miali Diedo n yedi ke o baa waani yi yaa fala tie ke o baa lu ki diani yi.

Jeremi 23:38

Yi yaa go yedi: ‹Li Miali Diedo jagi yaala n bia!› Li Miali Diedo nan yedi mine: Kelima yi maadi yeni ki tua: ‹Li Miali Diedo jagi yaala n bia!› Ban ki soani ban yedi yi ke yin da go tua: ‹Li Miali Diedo jagi yaala n bia!›

Jeremi 35:17

Mini Li Miali Diedo U Paaciamu Kuli Daano, Isalele Tienu yedi: N den maadi leni ba, ama baa cengi. N den yini ba, baa guani npo. Lani yaa po n baa teni min den waani ke yaa fala n baa baa Jelusalema leni Juda yaaba yeni n nandi ba.»

Jeremi 36:31

N baa fii ki sedi fini leni a puoliŋuanu leni a naacenba po kelima bi tagili po. N baa teni min den waani ke yaa fala n baa cua, ke baa cengi yeni n baa Jelusalema leni Juda yaaba po.»

Jeremi 52:3

Yaala n den tiendi Jelusalema dogu nni leni Juda diema nni kuli den taani ki biendi Li Miali Diedo pali, hali yaala ke o den ñani bi maama nni cain. Sedesiasi den fiini mi yiema Babilona bado Nebukanesa po.

Jeremi 7:14

Lani yaa po, yin dugi yaa diegu po ki taagi n yeli ku nii nni, Min den puni yi baanba yaa kaanu yeni, N baa soani laa kaanu nani min den soani Silo maama yene.

Jeremi 7:15

N baa deli ki foagidi yi n kani, Nani min yie yi kpiiba Efilayima puoliŋuani kuli maama yeni.› »

Jeremi Bubula 5:20

Li ga lede Ke a baa sundi tipo Yaa yogu n tu yaa yogu? Naani a baa lu ki diani ti ti miali yema kuli nni?

Esekieli 34:11

Mini o Diedo, Li Miali Diedo yedi mine: «Moala liiga, mini nba baa kubi n yandi ki go yaa faami bipo.

Esekieli 34:20

Li tie lani yaa po ke mini o Diedo, Li Miali Diedo yedi ba mi ne: «Mini nba n baa jia ti buudi yaa pia n gbengi leni yaa pia n ñili siiga.

Esekieli 5:8

Li tie lani yaa po ke o Diedo, Li Miali Diedo yedi mine: N baa cua ki fu leni yi ki teni n buudi n cuo yi i nilanbuoli nintuali.

Esekieli 6:3

Ŋan yedi: ‹Cengi mani yinba yaaba n ye Isalele juana po, Li Miali Diedo maama! O Diedo, Li Miali Diedo yedi mine: Yinba yaaba n ye a joaciama leni a joabila po, Yinba yaaba n ye i joatanmabi nni leni ti joaloandi nni, N baa tuogi yi leni bu toabu ki bolini yi juana po padibinbina.

Esekieli 8:18

Mini moko, n baa tieni ba nani n pali n fii maama. N kan mua bipo, n kan gbadi bipo niñima mo. N kan cengi ba, baa bi yaa kuudi ki mia nni ke min faabi ba.»

Esekieli 9:6

Kpa mani hali ki bolini a jakpela, bi jawaaba leni bi jafanba, a bila leni bi puoba. Ama yin da sii yua n pia maalima o yutunli po kuli. Yin cili n diegu kani.» Bi den cili ki ku yaa nikpela n den ye U Tienu diegu nintuali.

Ose Tili 4:6

N niba bodi, Kelima baa pia bandima. Nani yin yie ki nani mi bandima yeni, N moko baa yie yi ki ñani yi min den puogi yi Bi kopadicianba tuonli yaali yaa niinni. Nain yin sundi yi Tienu balimaama po maama yeni, N moko baa sundi yi puoliŋuani po yene.

Ose Tili 5:14

N baa yaa tie Efilayima buolu yaaba Leni Juda buolu yaaba po nani o yangbanlo yene. Mini, mini n li baa dadi ki toatoadi ba, Ki tugi ba ki yaa ban caa, Oba mo kuli kan fidi ki fie min cuo yaala.

Levi 26:28

n baa sedi yipo leni li pabienli ki pua ki faligi yi taalima lele goga yi tuonbiadi yaa po.

Matie 25:41

Li yaa puoli o baa yedi yaaba n ye o ganu: ‹Fuadi mani n kani, yinba ti solindi yaaba, gedi mani yaa *fantanbuogu n ki pia gbindima po, ban den gbiidi yaagu ku *tuotabigu yudaano leni o yaa malekinba yaa po.

Mi Tiadima 32:39

Lanwani moala, diidi mani ki bandi ke mini bebe n tie U Tienu. Mini yaaka mo toa ki ye. Mini n puuni li miali, mini n go kpaani, Mini n poagiliti, mini n go buu, Niloba mo kan fidi ki lobidi la n nuu nni.

2 Tesaloniki 1:9

Bi buudi baa tie yaa bolinma n kaa pia gbenma. Bi baa paadi cain leni o Diedo nunga leni o kpiagidi paalu,