Jeremi 23:17 - Gourmanchéma Bible

¹⁷ Bi ñigini ki yedi yaaba n fali nni: ‹Yi baa baa mi yanduanma!› Ki go yedi yaaba n ŋua bi pajuaga mo: ‹Yebiadima kan nandi yi!›

U TIENU MAAMA TILI 2013

¹⁷ Bi ñigini ki yedi yaaba n fali nni: ‹Yi baa baa mi yanduanma!› Bi go yedi yaaba n ŋua bi pajuaga mo: ‹Yebiadima kan nandi yi!›

Jeremi 23:17 ပူးပေါင်းရင်းမြစ်များ

2 Samueli 12:10

Kelima lani kuli yaa po, ki jugisiega kan foagidi leni a diegu nni yaaba hali abada, kelima a fali nni ki taa Heta buolu yua Uli pua ke o tua a pua.

Esayi 30:10

Bi ŋua ki tua yaaba n nua saala bonla: «Da nua mani.» Ki tua bi sawalipuaba mo: «Da pua mani tipo yaa sawalo n tiegi! Yaa banbidi ti mani! Yaa togidi ti mani yaala n mani.

Esayi 57:21

N Tienu yedi ke yanduanma ki ye bi nibiadiba po.»

Jeremi 13:10

Laa nibiadiba n yie ke bi kan cengi n maama. Bi ŋua bi pajuaga, ki ŋua i *buli ki gbaandi ki pugi yi. Ban tua nani ku naa gbanñagidigu yaagu n ki go pia fuomaba kuli yeni!

Jeremi 18:12

Ama bi yedi: ‹Suginma ki ye! Kelima ti baa ŋoadi ti yanjaga. Yua kuli baa ŋoadi o pajuagijagindi.› »

Jeremi 18:18

Lanwani li den baa yaa niba n den yedi: «Cua mani tin juogi ki baa tin baa Kuani Jelemi naani! Kelima li *bali maama kan kpe ke bi kopadicianba ye Tundi kan gbeni ke bi yanfodanba ye, Sawali kan gbeni ke sawalipuaba ye. Cua mani tin kpa o leni mi maama, Tin da cengi o mayedikaama.»

Jeremi 3:17

Laa yogunu bi baa yaa yi Jelusalema “Li Miali Diedo bali kalikaanu”. Mi diema nibuoli kuli baa sani ki cua u dogu yeni niinni, Li Miali Diedo yeli nni, Jelusalema dogu yeni po. Bi kaa go baa ŋua bi pajuaga sanyuodi.

Jeremi 4:10

N den yedi: «Ŋain n Diedo Li Miali Diedo! A taani ki boandi Jelusalema dogu Leni bi naa niba kuli, ki yedi ba: ‹Yi baa baa mi yanduanma! Ke bu toabu mo nan cua ki baa ñani ti miali.› »

Jeremi 5:12

Bi pia i boandi Li Miali Diedo po Bi tua Li Miali Diedo ki ye. Fala mo kan baa ti Koma kan baa ti ki buali toabu.

Jeremi 6:14

Bi buu n niba poagilima leni u yualu Bi kpaagi ki tua: «Mi yanduanma ye, mi yanduanma ye,» Ke yanduanma naa ye.

Jeremi 7:24

Baa leni lankuli baa cengi. Baa diadi bi tuba ki cengi. Bi ŋoadi bi pajuaga yaa *joagini yaa tundi, Bi guani puoli, baa suagi liiga.

Jeremi 8:11

Bi buu n niba poagilima leni u yualu. Bi kpaagi ki tua: «Mi yanduanma ye, mi yanduanma ye,» Ke yanduanma naa ye.

Jeremi 9:14

Lani n teni Li Miali Diedo U Paaciamu Kuli Daano, Isalele Tienu yedi nanda: Lani yaa po n baa ñuni bi naa niba ti loabidi, ki teni ban yaa ye leni li paboanli.

Jeremi Bubula 2:14

A sawalipuaba baa apo li bonlekaala, Yaa bonlekaala n ki pia ñuadiba, kaa pia fuomaba kuli mo. Baa kadi ki waani a tagili kuli cain Ki baa ñani a ti yonbidi nni. Bi baa apo yaa bonlekaala N kaa mani, ki naa go pia fuoma mo.

Esekieli 13:10

Bi teni ke n niba yaadi kelima bi tua: ‹Mi yanduanma ye!› Mi yanduanma n ki ye yaa yogunu. Ŋan yedi n niba yaaba n maa u bilinu Ki mangidi bi pala ki boalini u leni li muanli yeni,

Esekieli 13:19

Yi fiagidi nni n niba kani, Kelima *olije waamu po leni mu dupenjenmu po, Ki kpaani yaa miana n ki bi pundi ki kpe Ki ŋaani yaa miana n ki bi pundi ki yaa ye. Lani n tie yin pua bi niba mi faama yaa yogunu ke bi cengi yeni.

Esekieli 13:22

Kelima yi faama po, yi den wudi o niteginka gbanu Baa ke mini nba ki den bua ki biidi o pali, Kelima yi paagi bi nibiadiba gbani Ke ban da lebidi bi yama ki ŋa bi *tuonbiadi ki yaa ye.

Amosi 9:10

Bu toabu baa je n niba siiga, ti tuonbiadi danba kuli, Bani yaaba n tua: ‹A kan teni fala n nagini ti, A kan teni fala n baa ti.›

Mise 2:11

Yaa nibuolu n tie na bua yaa nilo n tiini Ki ŋua u faalu ki pua mi faama ki tua: ‹N baa maadi yipo duven maama leni mi dabiadima yaa maama.›

Mise 3:11

Jelusalema yudanba jia ti buudi ki gaani a suuna. Likani kopadicianba yaa ga pani, Bi kan bangi li *bali maama, Bi sawalipuaba yaaba n ye likani yaa ga ligi, Bi kan pua sawali. Ama bi cili ki paagidi bi pala Li Miali Diedo po ki tua: «Naani Li Miali Diedo ki ye leni ti? Fala kan nandi ti.»

Mise 3:5

Li Miali Diedo maadi yaa maama n tie na ki yedi: «Yaa sawalipuaba n boandi o niba, Ke bi yaadi o sanu nni. N niba yaa puni ba bonŋmankaala, Se ban yaa tua ke mi yemanma baa ye. Bi yaa puni ba bonŋmankaaliba mo, Ban yaa tua ke bu toabu baa cua.

Sofoni 1:12

Laa yogunu, N baa gaani ki liini Jelusalema nni kuli leni mu fidisanmu, Ki faligi yaa niba n ye leni mi yanduanma, Ki maadi bi pala nni ki tua: ‹Li Miali Diedo kan fidi ki tieni liba kuli, Li yaa tie yaala n ŋani bi yaala n bia.›

Sakari 10:2

Diidi mani i *buli n guandi yi yaala kuli tie faama, A baabuula n doagidi yaala kuli tie faama, Yaaba n bundi ti dangidi maadi mafanma, Ki baagidi yi fanma fanma. Lani n cedi ke bi niba puagi ki lindi Ki laadi fala nani yaa yankulu n ki pia kpaalo yeni.

Malaki 1:6

Li Miali Diedo, U Paaciamu Kuli Daano yedi: «Ki biga jigindi o baa, o naacemo mo kpiagidi o canbaa. N yaa tie yi Baa, Min pundi ki baa yaa jigidi ye le? N yaa tie yi Canbaa, Min pundi ki baa yaa kpiagidi ye le? Yinba bi kopadicianba n fali n yeli Ki nan tua: ‹Ti fali a lede?›

Mi Coadima 11:20

Ama yi baa ŋmani ti ŋmamunli ki guo hali tin yaa ña yi miani nni, hali yi yama n ña ti niinni. Li baa soani yeni kelima yi fali Li Miali Diedo yua n ye yi siiga, ki buudi o nintuali ki tua: ‹Be yaa po yo ke ti den ñani Ejipiti po wani?› »

Luki 10:16

Jesu go den yedi o ŋoadikaaba: «Yua n cengi yi maama cengi n yaama, yua n yie yi mo yie mini, yua n yie mini mo yie yua n soani nni.»

Mi Tiadima 29:18

Yaa nilo n gbadi li naa poli maama kuli n da boandi o yuli o pali nni ki yedi: ‹N baa baa mi yanduanma baa n yaa suagi liiga n pali n bua yaala nni, ki pugini n ñunñuunu po li dañogaadili.›

Mi Tiadima 29:19

Li Miali Diedo kan tieni opo sugili. Ama Li Miali Diedo pabienli leni o *nunponli baa baa laa nilo po. Hali ke yaa solindi n diani li naa tili nni kuli n baa opo, lani Li Miali Diedo baa duuni ki ñani o yeli mi tinfanma nni.

1 Tesaloniki 4:8

Lani yaa po yua n yie laa tundi kuli, waa yie nisaalo ka, o yie U Tienu yua n puni yi o Fuoma yo.

1 Samueli 2:30

Lani yaa po mini Li Miali Diedo Isalele yaaba Tienu yedi mine: ‹N den bili ke a diegu leni a baadiegu baa yaa tuuni li kopadician-tuonli n nintuali hali yaa yogunu kuli. Ama dinla n kadi ki waani ke li kan go tua yeni. Kelima n baa kpiagi yua n kpiagi nni, ama yaaba n fali nni n baa fali ba.