Jeremi 23:14 - Gourmanchéma Bible

¹⁴ Ama Jelusalema sawalipuaba kani, N laa yaa bonla n gundi hali boncianla. Bi pia mi conconma Ki cuoni i boandi nni. Bi paagidi yaaba n tiendi mi biadima pala, Ki baa teni ke oba kan pegidi ki ŋa o biadima. N nuni po bikuli tie nani Sodoma yeni. Jelusalema niba mo nani *Gomola yene.»

U TIENU MAAMA TILI 2013

¹⁴ Ama Jerusalemi saawalipuaba kani, N laa yaa bonla n gundi hali boncianla. Bi pia mi conconma, Ki cuoni i boandi nni. Bi paagidi yaaba n tiendi mi biadima pala, Hali yaala ke oba kan ŋaa o biadima. N nuni po, bikuli tie nani Sodomi yeni, Ke Jerusalemi niba mo nani Gomori yeni.»

Jeremi 23:14 ပူးပေါင်းရင်းမြစ်များ

Mi cilima 13:13

Sodoma yaa niba den bia ki tie ti tuonbiaciandi danba Li Miali Diedo nintuali.

Mi cilima 18:20

Lanwani Li Miali Diedo den yedi: «Bi niba mua Sodoma leni *Gomola yaaba biadima, bi *tuonbiadi yaba hali ke li pendi.

Mi cilima 19:24

Lanyogunu Li Miali Diedo den teni ke li cidibili leni mi fantama ñani Li Miali Diedo kani ki mini nani ki taaga yeni ki baa Sodoma leni *Gomola po.

Mi cilima 19:25

O den bolini laa dogi kuli leni mi fanma leni yaa niba n den ye i dogi nni kuli ki go bolini ki tinga tiidi leni ti muadi kuli.

Esayi 9:15

Bi naa niba gobidikaaba baa biani ba Yaaba n teni ke bi gobidi ba mo baa bodi cain.

Jeremi 14:14

Li Miali Diedo den yedi nni: «Bi sawalipuaba pua mi faame n yeli nni. Mii soani ba, Mii puogi ban yedi liba. Mii maadi leni ba mo. Bi pua mi faama ke bi laadi li bonla Bi tuonli n tie baayuadiidu leni *buli ŋoadima bebe yaaka, Bi pala nni boandi yo ke bi taani ki pua yipo sawali.»

Jeremi 18:13

Lani n teni ke Li Miali Diedo yedi nanda: Buali mani i nibuoli siiga, Ŋme n kpa gbadi laa bonla buolu? Isalele soani yaa tuona n gundi boncianla.

Jeremi 20:16

Laa daali n tua nani Li Miali Diedo n bolini Yaa dogi kaa gbadi ipo niñima yeni! Lin gbadi i moe ku tiŋaagu Leni a bubula u yensicocolu!

Jeremi 23:17

Bi ñigini ki yedi yaaba n fali nni: ‹Yi baa baa mi yanduanma!› Ki go yedi yaaba n ŋua bi pajuaga mo: ‹Yebiadima kan nandi yi!›

Jeremi 23:22

N juogu daali bi yaa den ye lienni, Bi den baa fidi ki teni n niba n gbadi n maama, Ki teni ban ŋa bi tagibiadu leni bi tuongunda.»

Jeremi 23:32

N nani yaa sawalipuaba n pua sawali leni yaa dangidi n tie faama. Yaaba n togidi bi dangidi Ki tulini n niba leni bi boandi leni bi yuboanli po. Mii soani ba, mii puogi ba liba. Baa pia fuomaba kuli bi naa niba po. Mini Li Miali Diedo n yedi yeni.»

Jeremi 29:21

Li Miali Diedo U Paaciamu Kuli Daano, Isalele Tienu maadi Kolaya bijua Akabi leni Maaseja bijua Sedesiasi yaaba n pua sawali-faama n yeli nni: «Diidi n baa ŋa ba Babilona bado Nebukanesa nuu nni. Bi baa pua ki kpa ba yi nunbu nni.

Jeremi 29:23

Kelima bi tieni ti cagindi Isalele diema nni ki ban conbi leni bi nisaalilieba puoba, ki pua mi faama n yeli nni yaa yogunu ke n naa den puogi ba liba. N bani la, mini n go tie li siedi mo. Li Miali Diedo n yedi yeni.»

Jeremi 36:2

«Taa li tigbabikaali ki diani min maadi a yaa maama Isalele, Juda leni li nibuoli po ki cili hali min kpa maadi leni a yaa daali Josiasi yogunu ki ban pundi hali dinla.

Jeremi 49:18

Nani Sodoma leni *Gomola leni yaa dogi n pugidi n baa ti yanyagidi maama yeni, Li Miali Diedo n yedi ke oba kuli kan go kali lankani. Nisaalimiali kuli kan go kali likani.

Jeremi Bubula 4:6

N niba diema badisalo tagili cie Sodoma dogu yaaba *tuonbiadi, Yaaba n den ŋmadi ki baa yenma Ke niloba ki pieni ki luni ba.

Esekieli 13:16

Bani Isalele yaaba sawalipuaba yaaba n pua sawali Jelusalema po, Ki laa ke mi yanduanma ye upo Yanduanma n ki ye yaa yogunu! Mini o Diedo, Li Miali Diedo n yedi yeni.›

Esekieli 13:19

Yi fiagidi nni n niba kani, Kelima *olije waamu po leni mu dupenjenmu po, Ki kpaani yaa miana n ki bi pundi ki kpe Ki ŋaani yaa miana n ki bi pundi ki yaa ye. Lani n tie yin pua bi niba mi faama yaa yogunu ke bi cengi yeni.

Esekieli 22:25

U sawalipuaba fiini mi yiema u niinni, nani yaa yangbanlo n yen duni ki toadi toadi wan cuo yaa yanga maama yeni. Bi fenli bi niba piama leni bi tiadi yaadi n pia mayuli, ki kpaani bi niba ki teni ke bi kpepuona yabidi ki pugidi.

Ose Tili 6:10

N laa cagindi baane Isalele yaaba siiga, Lankane ke Efilayima conbi, Ke Isalele yaaba mo *joagini bi yula.

Amosi 4:11

N den bolini yi siiga bi tianba, Nani min den bolini Sodoma leni *Gomola dogi maama yeni. Yi siiga yaaba n sieni den tie nani ban kuudi Yaa datala mi fantama nni yeni Baa leni lan kuli, yii den lebidi ki guani n kani. Li Miali Diedo n yedi yeni.

Mise 1:5

Lankuli baa tieni kelima Jakobo puoliŋuani biadima po. Lankuli baa tieni kelima Isalele yaaba tuonbiadi po. Jakobo puoliŋuani yiema ŋoadi ŋmenba? Laa tie Samali ka yo? Juda yaaba buŋoadima ŋoadi ŋmenba? Laa tie Jelusalema ka yo?

Mise 3:11

Jelusalema yudanba jia ti buudi ki gaani a suuna. Likani kopadicianba yaa ga pani, Bi kan bangi li *bali maama, Bi sawalipuaba yaaba n ye likani yaa ga ligi, Bi kan pua sawali. Ama bi cili ki paagidi bi pala Li Miali Diedo po ki tua: «Naani Li Miali Diedo ki ye leni ti? Fala kan nandi ti.»

Sofoni 3:4

U sawalipuaba tie japaadanba leni jajanbidiniba. U kopadicianba joagindi yaala n gagidi ki ŋani, Bi miidi o *balimaama.

Sakari 13:2

Laa daali, N baa bolini i *buli mi diema nni, Ke oba kuli kan go tiadi ba bi yela. N baa bolini yaaba n pua mi faama Ke bi tie sawalipuaba, leni bi yantiajoagindi.

Malaki 1:1

Li Miali Diedo n den teni ke Malaki soagini o maama yaama Isalele yaaba po.

Matie 11:24

Li tie lani yaa po ke n yedi a, ti buudi daali Sodoma yaa fala kan yaa bia ki pundi a yaa fala.»

Mi Tiadima 32:32

Ama bi duven tikuani tie Sodoma tiidi yo Bi tinga mo *Gomola yaa tinge. Bi tiidi bonluonkaala gbie leni ti loabidi Bi bonluonkaala bonjoana mo to.

1 Timote 4:2

Kelima bi baa ŋua bi bangi-faadanba yaa palieda, bani yaaba yaa pala siedi n kpe nani ban sia yaala leni yaa kudi n tuoni yeni.

2 Pieri 2:6

Wani U Tienu go den buni ki cuo Sodoma leni *Gomola ki buoni yi ke yi tua fantanpienma. O den teni ke i dogi yeni tua nannanli, U Tienu yiekaaba yaaba n baa yuandi ki cua po.

Jude 1:7

Li go tie yeni Sodoma leni *Gomola leni bi tinkundogi yaaba po, yaaba n den tieni nani laa malekinba, ki puni bi yula ki tiendi mi conconma leni ti cagindi buoli kuli po. Baa moala bi laadi yaa fantama n kan gbindi yaa buudi fala, ki tie bi niba kuli po li bondiidikaala ki tuodi ki tundi ba.

Mi Doagidima 11:8

ki ŋa ban yaa bili u dogu fanma nni, ban pua mi kpanjama ki yini yaa dogu Sodoma leni Ejipiti, lankane ke bi den joani bi Diedo li *dapoanpoanli po ki ku o.

Mi Doagidima 19:20

O den cuo ki fuayanga, wani leni o sawalipua-faadaano, yua n den tiendi mi bancianma o nintuali ki boandi yaaba n ga ki fuayanga maalima ki go gbaani ki kpiagi o nannanli. O den luni bani bonba lie kuli ke bi fo ku *fantanbuogu nni, li cidibili n co naani.

Mi Doagidima 21:8

Ama bi jawaandanba, leni yaaba n ki daani leni ti cagindi danba, leni bi nikpaba, leni mi conconma buoli kuli danba, leni u ñoagubiadu danba, leni i *buli danba, leni yaaba n pua mi faama kuli, bikuli yekaanu baa tie mi fantama leni li cidibili n co yaa kpenu nni. Lani n tie mi kuliedima.»

Mi Doagidima 22:15

Ama i sangbanli, u ñoagubiadu danba, mi conconma buoli kuli danba, bi nikpaba, i *buli danba, yaaba n bua mi faama ki go pua ma kuli baa ye niinpo.