Jeremi 23:11 - Gourmanchéma Bible

¹¹ Baa bi sawalipuaba leni bi kopadicianba kuli biidi cain. Baa hali n diegu nni n laa bi biadima. Li Miali Diedo n yedi yeni.

U TIENU MAAMA TILI 2013

¹¹ Ba bi saawalipuaba leni Bi kopadicianba kuli tua jifela. Ba hali n diegu nni, n laa bi biadima. O Diedo n yedi yeni.

Jeremi 23:11 ပူးပေါင်းရင်းမြစ်များ

2 Bi Badiba Jama 33:5

O den maa a padibinbina Li Miali Diedo diegu luoliliedi nni a ŋmabila po.

2 Bi Badiba Jama 33:7

O den kuani ki sieni U Tienu diegu nni wan den cedi ke bi kpie yaa bulo yaa nannanli, U Tienu n den maadi leni Dafidi, leni Dafidi bijua Salomono yaa diegu yaa po ki yedi: «Isalele yaaba buoli nni kuli, n gandi yaa diegu n ye Jelusalema na yo, ki bua n yeli yaa ye lienni.

2 Bi Badiba Jama 36:14

Bi kopadicianba yudanba leni ku niligu kuli den ye mi tudima nni, ki ŋua nibuotoe n tiendi yaa tuongunda kuli. Bi den cagini Li Miali Diedo diegu wan den gagidi ki ŋanbi yaagu ke ku ye Jelusalema.

Esidirasi 10:18

Bi kopadicianba siiga den pia yaaba n taa bi nilanpuoba. Li den tie Jotisadaki bijua Josue leni wani Josue waamu yaa bijaba: Maaseja, Elieseli, Jalibi leni Gedalia.

Jeremi 11:15

Li Miali Diedo yedi: «Min bua yaa niba naa pia yantugupiengu. Bi cua ki baa tieni be n diegu nni? Naani bi tama ban niani yaa ñoaniani Bi ban padi npo yaa pada yeni N baa teni ke mi yebiadima kan nandi ba? Bi tama ke lani n baa teni ban cia?

Jeremi 23:15

Lani n teni ke Li Miali Diedo maadi bi sawalipuaba po ki yedi: «Diidi n baa ñuni ba li mutuoli Ki teni ban ño yaa ñima n pia ti loabidi, Kelima Jelusalema yaa sawalipuaba n teni ke mi diema niba kuli biidi.»

Jeremi 32:34

Bi kuani bi cancaginbonla n diegu nni Ban taagi n yeli naani ki *joagini gu.

Jeremi 5:31

Bi sawalipuaba pua mi sawali-faama Bi kopadicianba lingi bi yucela ŋamu bebe, N niba mo sua ke lani n dagidi bipo. Yi baa tieni lede saala po?

Jeremi 50:6

N niba den tie yaa yankulu n yaadi. Bi yankpaaba n yen biandi ba Ki pegidi ba a juana po ki caani ba potogu. Bi yen ña li naa juali ki ban puodi juali Ki sundi bi duankaanu po.

Jeremi 6:13

Kelima ki cili leni yua n wa ki ban tuoni yua n yaba ki cie, Bikuli lingi bi yucela ŋamu bebe Ki cili o kopadiciamo ki ban taani leni o *sawalipualo Bikuli ye i janbi po yo.

Jeremi 7:30

Mini Li Miali Diedo yedi: ‹Juda bijaba tieni npo yaala n bia. N yeli n taagi naankani yene Ke bi cuani bi cancaginbonla ki joagini n diegu.

Jeremi 8:10

Lani n teni ke n baa taa bi puoba ki teni nitoaba, Ki teni yaaba n paadi ba mo n diedi bi kuani. Kelima ki cili ki bonwaaga ki ban pundi o nikpelo, Bikuli li tiini ki lingi bi yucela ŋamu bebe. Ki cili o sawalipualo ki ban taani o kopadiciamo, Bikuli li ye i janbi po yo.

Jeremi Bubula 2:20

Diidi, Li Miali Diedo diidi! A soani ŋme yo li naa tuonli? Naani li bi tie tilade bi puoba n ŋmani bi bimadimu, Ban bua yaa biwaala bonŋanla leni bi kopadicianba n kpe u kaangagidiŋamu nni?

Esekieli 23:39

Bi den taa bi bijaba ki padi ba bi buli po. Bi den kua laa daale n kaangagidiŋamu nni Ki joagini u. Lani n tie ban den tieni yaala n dieli tugu nni.

Esekieli 44:10

Lefi buolu yaaba, yaaba n foagidi leni nni Isalele yaaba n den yaadi ki ŋa nni yaa yogunu ki ŋoadi i *buli yeni, bi baa tugi bi *tuonbiadi panpaani.

Esekieli 7:20

Bi piacianma teni ke bi baa ti japaadi. Ki den tagi yaa cancaginbuli n yaba Hali ki pia ti jawaandi. Li tie lani yaa po ke n baa teni lan tua bipo baadi.

Esekieli 8:11

Isalele yaaba buolu nni, nikpela piilele, Safani bijua Yaasania n den ye yaaba siiga, ke bikuli den se a nannana yeni nintuali. Bi siiga yua kuli den kubi wan juugi yaa tiagu nni a *dugibila ke i muñii do tanpoli.

Esekieli 8:16

Lane o den gedini nni Li Miali Diedo diegu luolu nni. Diidi Li Miali Diedo diegu buliñoabu kani, bu buliñoajabu leni li padibinbinli siiga, piilie n jaba muu den ye likani. Bi nunmu den tiegi puoli, ke bi cakoda mo tiegi Li Miali Diedo diegu. Bi den labindi ki kpiagidi u yienu.

Sofoni 3:3

Bi yudanba tie nani yaa yangbanli n gaandi ki duni, Bi bujiaba tie nani yaa fuasangbanli n yen goadi ku ñiagu, Ki co li bonla ki ŋmani likuli kaa baa sieni liba mi faama po.

Sofoni 3:4

U sawalipuaba tie japaadanba leni jajanbidiniba. U kopadicianba joagindi yaala n gagidi ki ŋani, Bi miidi o *balimaama.