Jeremi 23:10 - Gourmanchéma Bible

¹⁰ ‹Mi diema kuli gbie leni yaa niba n tiendi mi *conconma. Bi tiini ki caa mi biadima po yo, Bi gbani saagi yaala n ki ŋani tienma po. Lani yaa po n teni ke mi diema kuli ye leni li paboanli, Bi yankpaakaani kuli mo kuodi.

U TIENU MAAMA TILI 2013

¹⁰ ‹Mi diema kuli gbie leni yaa niba N tiendi mi conconma. Bi tiini ki caa mi biadima po yo, Bi gbani saagi yaala n ki ŋani tienma po. Lani yaa po n teni ke mi diema kuli Ye leni li paboanli, Ke bi yankpaakaani kuli mo kuodi.

Jeremi 23:10 ပူးပေါင်းရင်းမြစ်များ

Esidirasi 10:18

Bi kopadicianba siiga den pia yaaba n taa bi nilanpuoba. Li den tie Jotisadaki bijua Josue leni wani Josue waamu yaa bijaba: Maaseja, Elieseli, Jalibi leni Gedalia.

Pisomi 107:34

Yaa diema n bi pia ti bugidi kpandi tinwagili Kelima mi diema niba biadima po.

Esayi 24:6

Lani yaa po yo ke ti solindi dini ki tinga. I tagili mo jagi yaaba n ye ki niinni po. Lani n teni ki tinga nni niba buodi, Yaa niba n sieni ki go fuu.

Esayi 5:18

Fala baa baa yaaba yaa tuonbiadi n ñagini ba Ke bi kan fidi ki ga bi yula.

Jeremi 12:11

Bi teni ke u kuanu yeni kpandi diegbendi. U ye leni mi kuuma paboanli, U kuanu yeni naa go pia mayuli baa waamu. Mi diema kukuli ye leni li paboanli. Oba mo ki yagini o yama lipo.

Jeremi 14:2

«Juda diema ye leni li paboanli Mi diema dogi coagi, Ki ye leni li paboanli ki kaa tiipo. Jelusalema bubula fii ki loli.

Jeremi 6:13

Kelima ki cili leni yua n wa ki ban tuoni yua n yaba ki cie, Bikuli lingi bi yucela ŋamu bebe Ki cili o kopadiciamo ki ban taani leni o *sawalipualo Bikuli ye i janbi po yo.

Jeremi 7:9

Yi su, ki kpaani mi kuuma, ki conbi, Ki pua mi faama ki polini, Ki padi a pada o bulo *Baali po, Ki tiini ki ŋua yin kaa pia *ŋantaado leni yaa buli.

Jeremi 9:10

Li Miali Diedo yedi: «N baa teni Jelusalema diema n tua diegbengu, I tanboe n ye naankani. N baa teni Juda dogi n tua paboanli kaanu Niba n ki go ye naani.»

Jeremi 9:12

Li Miali Diedo yedi: «Li tie kelima bi ŋa n*balimaama, min den teni ba yaama yeni. Baa cengi n nialu, baa ŋoadi nani min den bili bipo maama.

Jeremi 9:2

Bi landi coa nani a dabana yeni mi faama po, Bi yantugupiendi mo ka teni ke bi pia u paalu mi diema nni. Se biadima n tu biadima. Baa bani nni. Mini Miali Diedo n yedi yeni.

Ose Tili 7:4

Bikuli puni bi yula mi *conconma po, Bi nanga bugili nani o dupenpualo n tongi U dupen puakaanu ki tadi yaa fantama kaa go tigi ma, Ki cili hali wan nugi mi yoma yaa yogunu, Ki pundi hali man pili ki dagidi yaa yogunu.

Joeli 1:10

I kuani jugi, Ki tinga yema ki mani, Kelima *ŋalikama biidi, O duvenpaano gbeni, Mi kpama mo gbeni.

Levi 5:1

Li yaa tie nani bi yedi ke siedinba n tieni siedi ki togidi ban laa ki bandi yaala, nilo yaa laa ki bani lan tientieni maama, ama ki yie kaa togidi, o tieni ti*tuonbiadi ki pia i tagili.

Sofoni 3:4

U sawalipuaba tie japaadanba leni jajanbidiniba. U kopadicianba joagindi yaala n gagidi ki ŋani, Bi miidi o *balimaama.

Malaki 3:5

Li Miali Diedo, U Paaciamu Kuli Daano yedi: «N baa cua yi siiga li bujiali po, N baa jaligi ki taa a lingida leni mi *conconma danba tagili, Ki taani leni yaaba n polini ki pua mi faama, Leni yaaba n mabindi bi tuonsoanba kaa pa ba bi ligi, Leni yaaba n faligidi a kpepuona leni a kpienbila, Leni yaaba n tiendi bi canba yaala n bia kaa fangi nni.»

1 Timote 1:10

leni mi conconma danba leni yaa jaba n taagi leni biyaba po, leni yaaba n kuadi bi niba, leni bi tuofaadanba leni yaaba n tiendi mi siedifaama po, leni yaala n nia leni bangiŋanma po kuli.

Hebilunba 13:4

Bi niba kuli n yaa jigindi li potaali, ki da tuo li potaali yaa duanu n tabi leni ti *joagindi. Kelima, U Tienu baa jia ti buudi leni mi conconma buoli danba kuli.

Jaki 4:4

Yinba mi conconma danba yeni, yii bani ke ŋanduna yaa buama tie yibalindi leni U Tienu yo? Lanwani yua n bua ki yaa danli leni ŋanduna kuli tua U Tienu yibali.