Jeremi 22:3 - Gourmanchéma Bible

³ Li Miali Diedo yedi nanda: Yin yaa tiendi mi *teginma leni yaa bujiali n tiegi. Faabi mani ban janbidi yaa nilo yua n duoliti o nuu nni.

U TIENU MAAMA TILI 2013

³ O Diedo yedi nanda: Yin yaa tiendi mi teginma leni yaa bujiali n tiegi. Faabi mani ban faligidi yaa nilo yua n duoliti o nuu nni. Yin da faligi ki duoli o caano, ki kpienbiga leni li kpepuoli. Yin da wuli yua n ki pia tagili soama nekanba.

Jeremi 22:3 ပူးပေါင်းရင်းမြစ်များ

2 Samueli 23:3

Isalele Tienu maadi, Wani Isalele yaaba tanciangu yedi nni mine: ‹Yua n die bi niba leni mi *teginma, Yua n die leni U Tienu fangili

2 Bi Badiba 24:4

leni wan den ku yaa niba n kaa pia tagili ki gbieni Jelusalema bi soama yaa po. Li Miali Diedo ki den bua ki pa sugili.

Jobi 22:9

A den yen yaadi a kpepuona ban gedi nikuomi, Ki cie a kpienbila mo yaa jigi.

Jobi 24:9

Bi yen fie ki kpienbiga o naa nuu nni leni u paalu Ki gaani o tadimo bonla kelima o panli po.

Pisomi 68:5

Yiini mani U Tienu po. Yiini mani ki kpiagi o yeli! Ŋanbi mani u sanu wani yua jagi i tiali nni yeni po. O yeli n yi Li Miali Diedo, Mangi mani yi pala o nintuali.

Pisomi 82:4

Faabi mani o tadimo leni o luodo Faabi ba mani bi nibiadiba nuu nni.»

Pisomi 94:21

Bi yen taani ki fii ki sedi bi niteginkaaba po Ki mua yua n ki pia tagili mi tuonanma.

Pisomi 94:6

Bi ñandi li kpepuoli leni o caano miana, Ki kpaani a kpienbila moko.

Mi Ñama 22:21

Yin da faligi kpepuoli bi kpienbiga.

Mi Ñama 22:22

Yi yaa waani ba fala ke bi mua ki yini nni, n baa gbadi bi moe.

Mi Kpanjama 23:10

Ŋan da ŋmiagi yin den kpa bili yaa biankpaana, Ŋan da kua kpienbila mo yaa kuanu nni.

Mi Kpanjama 6:17

Mi japaanoanlima, Yaa lanbu n pua mi faama, Yaa nii n kpaani yaaba n ki pia tagili,

Esayi 1:23

A yudanba tie niyiekaaba, Bi juogidi leni a concona. Bikuli faadi bu paabu ki tiini ki lingi li suuli. Baa tiendi yaala n dagidi ki kpienbiga po, Li kpepuoli mo yaa fala ki tua ba liba kuli.

Esayi 58:6

Diidi min bua yaa ñoalolima buolu nne: Loti mani mi biadima kpaadi, Ki gbindi yi naalanda baabi Ki pa mi *faabima, ban mabini yaaba, Ki faabi yaaba n ye fala buoli kuli nni.

Esayi 58:7

Boagidi mani yi jiema leni mi koma n pia yua Ki pa yaaba n ki pia dieli u yekaanu. Yi yaa laa yaa nilo n ye mubili, yin yieni o Ki nan da buli yi nunga yinba leni yua n kpi bonŋanla po.

Jeremi 19:4

Kelima bi ŋa nni ki teni ke u kaanu ne ki go pia bandima. Bi padi likani i *buli po a *dugibila, bi baanba leni Juda badiba leni bani biba n ki den bani yaa buli. Bi gbieni u naa kaanu leni yaaba n ki pia tagiliba kuli soama.

Jeremi 21:12

Dafidi diegu yaaba, Cengi mani Li Miali Diedo maama! Li Miali Diedo yedi nanda: «Yaa tiendi mani mi *teginma yaa yogunu kuli. Faabi mani ban janbidi yua, Yaa nilo n duoliti o nuu nni. Lani n tie n pali n da ti fii ki be nani mi fantama yeni, Ki cuo maama ke bi kan fidi gbindi ma Kelima yi tuona n bia maama po.»

Jeremi 22:17

Ama fini wani, a li lingi a yuceli ŋamu bebe yo. A faadi ki wuli yaaba n ki pia tagili soama. A yaa tugumoangu mo yaba boncianla.

Jeremi 26:16

O bado koanbala leni bi niba kuli den yedi bi kopadicianba leni bi sawalipuaba: «O naa ja kan kpe ba. Kelima o maadi leni ti Li Miali Diedo ti Tienu yeli nne.»

Jeremi 5:28

Bi noadi bonŋanla ke bi gbani ñuliti Bi tuongunda ki pia bianu. Baa koani ki baa ga ki kpienbiga, Bi bonla kuli cuoni bipo bonŋanla. Bi baga ki ye leni a luoda.

Jeremi 7:23

Ama n den yedi ba yaa maama n tie na: ‹Cengi mani n maama Ke min yaa tie yi Tienu, yimo n yaa tie n niba. Yaa cuoni mani min yedi yin tagini Yaa sani kuli nni, lani n tie yi yema n yaa mani yipo.›

Jeremi 9:24

Li Miali Diedo n yedi ke a dana kpendi Ke o baa fii ki sedi yaaba n ki lebidi bi pala yeni po.

Jeremi Bubula 3:36

Bi yaa jia o nilo ti buudi ki janbi o yaa yogunu, Naani Li Miali Diedo ki nua laa bonla kuli?

Esekieli 18:12

Waa guandi ban ledi o kani ki bili yaala, ki ŋua i buli, ki go tiendi ti cagindi,

Esekieli 18:7

ki naa janbidi niloba, ki guandi ban ledi o kani ki bili yaala, ki naa su mo. O puuni mi koma n pia yua mi jiema, ki puuni yua n ye mubili mo ti tiayiekaadi.

Esekieli 22:7

A yaa niinne ke bi fali bibaa leni binaa. A siiga nne ke bi mabindi bi canba. A niinne ke bi janbidi a kpienbila leni a kpepuona.

Esekieli 45:9

O Diedo, Li Miali Diedo yedi mi ne: «Yinba Isalele badiba, yi pendi u bianu. Cedi mani ku tugutongu leni ti fagidi. Ŋoadi mani yaa bujiali n tiegi leni mi teginma. Yin cedi ki da go fenli mani n niba. O Diedo, Li Miali Diedo n yedi yeni.

Levi 19:15

Ŋan da jia yaa buudi n ki tiegi, ŋan da fali nilo, ŋan da jagi ke a baa todi o luodo, bi ŋan go da jagi ke a baa todi o piado mo li bujiali nni. Ama a baa jia a yieninlielo buudi nani lan tiegi maama.

Amosi 5:15

Nandi mani yaala n bia tienma, Ki bua yaala n ŋani yaa tienma, Yin yaa ja ti buudi leni mi teginma u bujiakaanu. Daalinba, Li Miali Diedo, U Tienu, U Paaciamu Kuli Daano, Baa gbadi mi niñima, Josefi puoliŋuani, yi n sieni po.

Amosi 5:24

Teni mani yaa bujiali n tiegi N yaa puubi yi siiga nani mi ñima yeni. Yin teni mani mi teginma n yaa ye yi siiga Nani yaa kpenu n kan ñuudi yeni.

Mise 3:11

Jelusalema yudanba jia ti buudi ki gaani a suuna. Likani kopadicianba yaa ga pani, Bi kan bangi li *bali maama, Bi sawalipuaba yaaba n ye likani yaa ga ligi, Bi kan pua sawali. Ama bi cili ki paagidi bi pala Li Miali Diedo po ki tua: «Naani Li Miali Diedo ki ye leni ti? Fala kan nandi ti.»

Mise 6:8

U Tienu den bangi fini o nisaalo yaala n ŋani. Leni Li Miali Diedo n gu akani yaala. Lani n tie ke ŋan yaa ŋua yaa bujiali n tiegi, Ki bua mi teginma Ki go yaa cuoni wani a Tienu nintuali leni li yumiinli.

Malaki 3:5

Li Miali Diedo, U Paaciamu Kuli Daano yedi: «N baa cua yi siiga li bujiali po, N baa jaligi ki taa a lingida leni mi *conconma danba tagili, Ki taani leni yaaba n polini ki pua mi faama, Leni yaaba n mabindi bi tuonsoanba kaa pa ba bi ligi, Leni yaaba n faligidi a kpepuona leni a kpienbila, Leni yaaba n tiendi bi canba yaala n bia kaa fangi nni.»

Matie 23:23

Fala baa ye leni yinba li bali maama bangikaaba leni Falisieninba pala lie danba, kelima yi coadi yaa kpinfaadi n yi menti leni aneti leni kumini ki ñandi li *dim, ama yi fali li *bali maama nni yaala n pia mayuli ki cie, lani n tie ki yaa tiendi yaala n tiegi, ki yaa gba mi niñima, ki yaa go tie nidugikaaba mo. Lani n tie yin bi pundi ki yaa tiendi yaala, ki nan da cedi yaala n sieni mo.

Mi Tiadima 10:18

O ja yaa buudi n tiegi a kpienbila leni a kpepuona po, ki bua o caano ki puuni o mi jiema leni ti tiayiekaadi.

Mi Tiadima 24:17

Yin da muni o caano leni ki kpienbiga i moani, ki nan da ga li kpepuoli tiagu kelima o bua yin dini li panli po.

Mi Tiadima 24:7

Li yaa tie ke bi laa ke ja suni o kpiiba Isalele yaaba siiga niyendo ki kuani o ti yonbidi, bi ki kuadi o, laa conconli baa kpe. Yi baa tieni yeni ki ñani li bonbiadila yi siiga.

Mi Tiadima 25:1

Li yaa tie ke niba baa maama ki baa gedi ban jia ba ti buudi, bi baa saa yua ki pia tagili po moamoani, ti buudi mo n cuo i tagili daano.

Mi Tiadima 27:19

‹Ti solindi n baa yua n muni o caano, ki kpienbiga bi li kpepuoli i moani!› Lani bi niba kuli baa taani ki ga: ‹Amina!›

Jaki 1:27

Yaa jaanma n ŋani cain ki naa pia joagindi ti Baa U Tienu nintuali tie, ki yaa todi a kpienbila leni a kpepuona bi fala nni, ki go kubi o yuli leni ŋanduna joagindi.