Jeremi 22:14 - Gourmanchéma Bible

¹⁴ Ŋme n tua: ‹N baa maa n yuli po yaa diegu n yaba hali boncianla Leni yaa dietuatuadi n pia mi fanma boncianla?› A teni ke bi cibi apo a diebona Ki kpaa ki tabini a goana leni sedili tiidi daadi. A boali a diegu yeni leni yaa boaligu n moani.

U TIENU MAAMA TILI 2013

¹⁴ Ŋme n tua: ‹N baa maa n yuli po Yaa diegu n yabi hali boncianla Leni yaa dietuatuada n pia mi fanma boncianla?› A teni ke bi cibi a po a diebona, Ki kpaa ki tabini a goana leni sediri daadi. A boali a diegu yeni leni yaa boaligu n moani.

Jeremi 22:14 ပူးပေါင်းရင်းမြစ်များ

2 Samueli 7:2

Dayenli wani Dafidi den yedi o sawalipualo Natan: «Diidi ki le, n ye ban ŋanbi yaa diegu leni sedili tiidi yaa daadi yaa niinni, ke U Tienu *ŋantaadikpaku mo nan ye li gbandieli nni.»

2 Bi Badiba Jama 3:5

Li diecianli yeni goana kuli po, o den tabini sipilesi tiidi daadi, wan den teni ke bi kpie ki nandi yaadi yaa po i kpakpalidi faadi leni i kuseseli, ki den boali likuli wulamoano.

Mi Kpanjama 17:19

Yua n bua mi janjanma bua ti *tuonbiadi. Yua n fiindi o yuli baa bolini o yuli.

Mi Kpanjama 24:27

Soani a tuonli niinpo bonŋanla, Bogini li a kuanu nni bonŋanla. Li yaa puoli ŋan maa a dieli.

I Yani 1:17

Ti dieli yoaga tie sedili tiidi yaa beni Ti dieŋama mo tie sipilesi tiidi yaa daade.

Esayi 9:9

«I tankonkuomi baa, ti baa maa leni a tankpiekaana. Bi pedi sikomoli tiidi Ama ti baa lebidi i leni sedili tiidi.»

Esekieli 23:14

Ama baa yeni Oholiba yaa conconma den yaba ki cie. O den laa ke bi diani u bilinu po bi jaba nannana. Li den tie Kalide yaaba yaa nannana ban den moandi ya.

Danieli 4:30

Lanyogunu liga li bonla yeni den tieni Nebukanesa. Bi den deli ki ñani o bi nisaaliba siiga. O den ŋmani ti muadi nani i ne yeni. Ku mangu den soangidi o gbanandi. O yudi den yabidi nani jiebani kobidi yeni, o niñadi mo den noadi ki foagidi nani ti bonyugiditi taajenñadi yeni.

Amosi 6:8

O Diedo, Li Miali Diedo taa wani oba yeli ki poli, Li Miali Diedo U Tienu, U Paaciamu Kuli Daano yedi yaa maama n tie na: «N nani Jakobo puoliŋuani japaadi, N nani bi dieŋama, N baa taa bi dogu Samali leni yaala n ye u niinni, Ki teni bi yibalinba.

Age Tili 1:4

«Naani yi sua ke li dagidi Yin yaa ye a dieŋama ya n pia mi ñuadima yaa niinni, Ke n yaa Diegu nan mumudi ki se diejengu?

Malaki 1:4

Edomi yaaba, bani Esayu puoliŋuani yeni yaa fii Ki yedi ke bi bolini bi dogi, Ama bi baa guani ki maa bi ci.» Li Miali Diedo, U Paaciamu Kuli Daano baa guani ki yedi: «Cedi ba mani ban goa ki maa bi ci, N didi go baa bolini i. Bi niba baa yaa yi bi diema: “Mi biadima diema,” Bani, mi niba mo, bi baa yaa yi ba: “Li Miali Diedo pali n be yaa nibuolu po yogunu kuli.”